ನೇಮಂ ಮತ್ತು ಕಳಕ್ಕೂಟ್ಟಂ ನಲ್ಲಿ ಭಾರಿ ಮತದಾನ

            ತಿರುವನಂತಪುರ: ರಾಜ್ಯದಲ್ಲಿ ವಿಧಾನಸಭಾ ಮತದಾನ ಪ್ರಕ್ರಿಯೆ ಬಿರುಸಿನಿಂದ ನಡೆಯುತ್ತಿದ್ದು, ಈ ಮಧ್ಯೆ  ನೇಮಂ ಮತ್ತು ಕಳಕ್ಕೂಟ್ಟಂ   ಕ್ಷೇತ್ರಗಳಲ್ಲಿ ಭಾರೀ ಮತದಾನ ದಾಖಲಾಗುತ್ತಿದೆ. ಬೆಳಿಗ್ಗೆ 9.35 ರವರೆಗೆ ಕಳಕೂಟ್ಟಂನಲ್ಲಿ ಶೇ 16.61 ಮತ್ತು ನೇಮಂನಲ್ಲಿ ಶೇ 15.74 ರಷ್ಟಿತ್ತು.

           ಎರಡೂ ಕ್ಷೇತ್ರಗಳಲ್ಲಿ ಪ್ರಬಲ ಸ್ಪರ್ಧೆ ನಡೆಯುತ್ತಿದೆ. ಕಳಕೂಟಂನಲ್ಲಿ, ಎನ್ಡಿಎ ಅಭ್ಯರ್ಥಿ ಶೋಭಾ ಸುರೇಂದ್ರನ್ ಮತ್ತು ದೇವಸ್ವಂ ಸಚಿವ ಕಡಕಂಪಲ್ಲಿ ಸುರೇಂದ್ರನ್ ನಡುವೆ ಜಿದ್ದಾಜಿದ್ದಿನ ಸ್ಪರ್ಧೆ ಏರ್ಪಟ್ಟರೆ ನೇಮಂ ನಲ್ಲಿ ಎನ್‍ಡಿಎ ಅಭ್ಯರ್ಥಿಯಾಗಿ ಬಿಜೆಪಿಯ ಕುಮ್ಮನಂ ರಾಜಶೇಖರನ್ ಸ್ಪರ್ಧಿಸುತ್ತಿದ್ದಾರೆ. ಕೆ. ಮುರಲೀಧರನ್ ಯುಡಿಎಫ್ ಅಭ್ಯರ್ಥಿಯಾಗಿ ಎದುರಾಳಿಯಾಗಿದ್ದಾರೆ.

             ಬೆಳಿಗ್ಗೆ ಮತದಾನ ಪ್ರಾರಂಭವಾದ ಒಂದು ಗಂಟೆಯ ನಂತರ, ಕಳಕೂಟ್ಟಂ ಶೇ 5.60 ಮತ್ತು ನೇಮಂ ನಲ್ಲಿ ಶೇ 6.04 ರಷ್ಟು ಮತದಾನ ನಡೆದಿದೆ. ಬೆಳಿಗ್ಗೆ 9 ಗಂಟೆಯ ಹೊತ್ತಿಗೆ ಎರಡೂ ಕ್ಷೇತ್ರಗಳಲ್ಲಿ ಮತದಾನ ಶೇಕಡಾ 10 ಕ್ಕಿಂತ ಹೆಚ್ಚಿತ್ತು. ತಿರುವನಂತಪುರ ಜಿಲ್ಲೆಯ 4164 ಬೂತ್‍ಗಳಲ್ಲಿ ಮತದಾನ ನಡೆಯುತ್ತಿದೆ. 

            ಬಿಜೆಪಿ ಮತ್ತು ಕಾಂಗ್ರೆಸ್ ಕಳಕೂಟ್ಟಂನಲ್ಲಿ ನಡೆದ ಶಬರಿಮಲೆ ವಿಷಯವನ್ನು ಮುಖ್ಯ ಪ್ರಚಾರ ವಿಷಯವನ್ನಾಗಿ ಮಾಡಿವೆ.