ರಾಜ್ಯದ ನೂತನ ಸಚಿವ ಸಂಪುಟದ ಪ್ರಮಾಣ ವಚನ 20 ರಂದು

                ತಿರುವನಂತಪುರ: ರಾಜ್ಯದ ನೂತನ ಸಚಿವ ಸಂಪುಟದ ಪ್ರಮಾಣ ವಚನ ಸಮಾರಂಭ ಈ ತಿಂಗಳ 20 ರಂದು ನಡೆಯಲಿದೆ. ಮುಖ್ಯಮಂತ್ರಿ ಮತ್ತು ಸಿಪಿಐ ರಾಜ್ಯ ಕಾರ್ಯದರ್ಶಿ ಕಾನಂ ರಾಜೇಂದ್ರನ್ ಭಾಗವಹಿಸಿದ ಸಿಪಿಎಂ-ಸಿಪಿಐ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

         ಇದೇ ವೇಳೆ  ಸಿಪಿಐ ನಾಲ್ಕು ಮಂತ್ರಿ ಸ್ಥಾನಗಳು ಮತ್ತು ಉಪ ಸ್ಪೀಕರ್ ಹುದ್ದೆಗೆ ಒತ್ತಾಯಿಸಿದೆ. ಮುಖ್ಯ ವಿಪ್ ಹುದ್ದೆಯಿಂದ ಕೆಳಗಿಳಿಯುವುದಾಗಿ ಸಿಪಿಐ (ಎಂ) ಹೇಳಿದೆ.

       ನಾಲ್ಕು ಸಚಿವ ಸ್ಥಾನಗಳಿರುವ ಸಿಪಿಐ ಒಂದು ಸಚಿವ ಸ್ಥಾನವನ್ನು ಬಿಟ್ಟುಕೊಡಬೇಕೆಂದು ಸಿಪಿಎಂ ವಿನಂತಿಸಿತ್ತು. ಈ ಬಾರಿ ಒಂದು ಸ್ಥಾನ ಗೆದ್ದ ಐಎನ್‍ಎಲ್ ಕೂಡ ಸಚಿವ ಸ್ಥಾನಕ್ಕೆ  ಒತ್ತಾಯಿಸಿದೆ. ಕೋವರ್ ಕುಂಜುಮೋನ್ ಅವರು ಸಚಿವ ಸ್ಥಾನದ ಬೇಡಿಕೆ ಒರಿಸಿ  ಪತ್ರವನ್ನೂ ಬರೆದಿದ್ದಾರೆ. ಮತ್ತೊಂದು ಬಣ ಎನ್‍ಸಿಪಿ ಕೂಡ ಸಚಿವ ಸ್ಥಾನಕ್ಕೆ ಕೇಳಿದ್ದು ಜಟಿಲತೆ ಸೃಷ್ಟಿಸಿದೆ. 

                 ಮಂತ್ರಿಗಳ ಸಂಖ್ಯೆಯನ್ನು 21 ಕ್ಕೆ ಹೆಚ್ಚಿಸುವ ಬಗ್ಗೆ ಎಡಪಂಥೀಯ ನಾಯಕರು ಚಿಂತನೆ ನಡೆಸಿದ್ದಾರೆ. ವಿಧಾನಸಭೆಯಲ್ಲಿ ಒಟ್ಟು 140 ಸದಸ್ಯರಲ್ಲಿ 99 ಮಂದಿ ಎಡರಂಗದಿಂದ ಗೆದ್ದವರು. ಸಿಪಿಎಂ ಸ್ವತಂತ್ರರು ಸೇರಿದಂತೆ 67 ಸದಸ್ಯರನ್ನು ಹೊಂದಿದೆ.ಸಿಪಿಐ 17 ಶಾಸಕರನ್ನು ಹೊಂದಿದೆ.