ಹೈಸ್ಪೀಡ್ ರೈಲು ಕಾರಿಡಾರ್: ಭೂಸ್ವಾಧೀನಕ್ಕಾಗಿ ಹಡ್ಕೊದಿಂದ 3,000 ಕೋಟಿ ರೂ ಮಂಜೂರು

              ತಿರುವನಂತಪುರ: ಕಾಸರಗೋಡು ಅರೆ ಹೈಸ್ಪೀಡ್ ರೈಲು ಕಾರಿಡಾರ್ ಯೋಜನೆಗಾಗಿ ವಸತಿ ಮತ್ತು ನಗರಾಭಿವೃದ್ಧಿ ನಿಗಮ (ಹಡ್ಕೊ) 3,000 ಕೋಟಿ ರೂ. ಸಾಲ ಮಂಜೂರು ಮಾಡಿದೆ. ತಿರುವನಂತಪುರ ಕೊಚುವೇಲಿಯಿಂದ ಚೆಂಗನ್ನೂರಿನವರೆಗೆ ಸಿಲ್ವರ್ ಲೈನ್ ರಸ್ತೆಗೆ ಮೊದಲ ಹಂತದ ಭೂಸ್ವಾಧೀನಕ್ಕಾಗಿ ಹಡ್ಕೊ ವಾರ್ಷಿಕ 8 ಶೇ. ಬಡ್ಡಿದರದಲ್ಲಿ ಸಾಲವನ್ನು ಮಂಜೂರು ಮಾಡಿದೆ.

                 ರಾಜ್ಯದಲ್ಲಿ ರೈಲ್ವೆ ಮೂಲಸೌಕರ್ಯಗಳ ಅಭಿವೃದ್ಧಿಗೆ ಅನುವು ಮಾಡಿಕೊಡಲು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ಜಂಟಿ ಉದ್ಯಮವಾದ ಕೇರಳ ರೈಲ್ವೆ ಅಭಿವೃದ್ಧಿ ನಿಗಮ ಲಿಮಿಟೆಡ್ (ಕೆಆರ್‍ಡಿಸಿಎಲ್) ನ್ನು ರಚಿಸಲಾಗಿದೆ. ಕೆ.ಆರ್.ಡಿ.ಸಿ.ಎಲ್ ಹೈಸ್ಪೀಡ್ ರೈಲು ಕಾರಿಡಾರನ್ನು ನಿರ್ಮಿಸಲಿದೆ.