ಕೇರಳ ವಿಧಾನಸಭೆಯ ಸ್ಪೀಕರ್ ಆಗಿ ಎಂ.ಬಿ. ರಾಜೇಶ್ ಆಯ್ಕೆ

               ತಿರುವನಂತಪುರ: 15 ನೇ ಕೇರಳ ವಿಧಾನಸಭೆಯ ಸ್ಪೀಕರ್ ಆಗಿ ಎಂ.ಬಿ. ರಾಜೇಶ್ ಮಂಗಳವಾರ ಆಯ್ಕೆಯಾಗಿದ್ದಾರೆ. ಒಟ್ಟು 136 ಸದಸ್ಯರು ಮತ ಚಲಾಯಿಸಿದ್ದರು. ಸಿಪಿಎಂ ಅಭ್ಯರ್ಥಿ ಎಂ.ಬಿ. ರಾಜೇಶ್ 96 ಮತಗಳನ್ನೂ  ಕಾಂಗ್ರೆಸ್ ಅಭ್ಯರ್ಥಿ ಪಿ.ಸಿ. ವಿಷ್ಣುನಾಥ್ 40 ಮತಗಳನ್ನು ಪಡೆದರು. ಆರೋಗ್ಯ ಕಾರಣಗಳಿಂದಾಗಿ ಸಭೆಗೆ ಹಾಜರಾಗಲು ಸಾಧ್ಯವಾಗದ ಕಾರಣ ಮೂರು ಜನರಿಗೆ ಮತ ಚಲಾಯಿಸಲು ಸಾಧ್ಯವಾಗಲಿಲ್ಲ.

                    ಕೇರಳ ವಿಧಾನಸಭೆಯ ಸ್ಪೀಕರ್ ಆಗಿ ಆಯ್ಕೆಯಾದ ಎಂ.ಬಿ. ರಾಜೇಶ್ ಅವರ ತಿಳುವಳಿಕೆ, ಅನುಭವ ಮತ್ತು ಲೋಕಸಭೆಯಲ್ಲಿ ಸಂಸದರಾಗಿ ಅನುಭವಕ್ಕಾಗಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರನ್ನು ಅಭಿನಂದಿಸಿದರು.

                ವಿಧಾನಸಭೆಯಲ್ಲಿ ಪ್ರತಿಪಕ್ಷಗಳಿಗೆ ಎಲ್ಲ ನೆಲೆಯಲ್ಲಿ ನ್ಯಾಯದೊರಕಿಸಲು ಎಂ.ಬಿ. ರಾಜೇಶ್ ಅವರಿಗೆ ಸಾಧ್ಯವಾಗುತ್ತದೆ ಎಂದು ಆಶಿಸುತ್ತೇವೆ ಎಂದು ಪ್ರತಿಪಕ್ಷ ನಾಯಕ ವಿ.ಡಿ.ಸತೀಶನ್ ಹೇಳಿದ್ದಾರೆ. ರಾಜೇಶ್ ಅವರು ತಮ್ಮ ರಾಜಕೀಯ ಮನೋಸ್ಥಿತಿಯನ್ನು ಸದನದ ಹೊರಗೆ ವ್ಯಕ್ತಪಡಿಸುವುದಾಗಿ ಮಾಧ್ಯಮಗಳಿಗೆ ಹೇಳಿರುವುದು ಸರಿಯಲ್ಲ ಮತ್ತು ಅದು ಪ್ರತಿಪಕ್ಷಗಳಿಗೆ ನೋವುಂಟು ಮಾಡಿದೆ ಎಂದು ಸತೀಶನ್ ನೆನಪಿಸಿದರು. ಸ್ಪೀಕರ್ ಸದನದ ಹೊರಗೆ ರಾಜಕೀಯ ಮಾತನಾಡಿದರೆ, ಪ್ರತಿಪಕ್ಷಗಳು ಸದನದೊಳಗೆ ಪ್ರತಿಭಟಿಸಬೇಕಾಗುತ್ತದೆ ಎಂದು ಸತೀಶನ್ ಸ್ಪಷ್ಟಪಡಿಸಿದ್ದಾರೆ.