ಇಂದು ಅಧಿಕಾರಕ್ಕೇರಲಿರುವ ಸಚಿವರು ಮತ್ತು ವಹಿಸಲಾದ ಇಲಾಖೆಗಳು: ವಿವರ ಮಾಹಿತಿ

                                                   

                ತಿರುವನಂತಪುರ: ಎರಡನೇ ಬಾರಿ ಇಂದು ಅಧಿಕಾರ ಸ್ವೀಕರಿಸಲಿರುವ ಪಿಣರಾಯಿ ವಿಜಯನ್ ನೇತೃತ್ವದ ಸರ್ಕಾರದ ಸಚಿವರುಗಳ ಅಧಿಕಾರ ಹಮಚಿಕೆ ಬಹುತೇಕ ಪೂರ್ಣಗೊಂಡಿದೆ. ಸಹ ಪಕ್ಷಗಳು ಸೇರಿದಂತೆ ಪ್ರಮುಖ ಇಲಾಖೆಗಳಿಗೆ ಹಂಚಿಕೆ ಮಾಡಲಾಗಿದೆ. ಮುಖ್ಯಮಂತ್ರಿಗಳು ಸಾರ್ವಜನಿಕ ಆಡಳಿತ, ಗೃಹ ವ್ಯವಹಾರ ಮತ್ತು ವಿಜಿಲೆನ್ಸ್ ಖಾತೆಗಳನ್ನು ಹೊಂದಿದ್ದಾರೆ. ಏತನ್ಮಧ್ಯೆ, ಸಿಪಿಎಂ ಇನ್ನೂ ಅಧಿಕೃತ ಘೋಷಣೆ ಮಾಡಿಲ್ಲ. ಸಂಪೂರ್ಣ ಪಟ್ಟಿ ಇಲ್ಲಿದೆ..........

            ಸಚಿವರ ಇಲಾಖೆಗಳು ಈ ಕೆಳಗಿನಂತಿವೆ

ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರಿಗೆ ಸಾರ್ವಜನಿಕ ಆಡಳಿತ, ಗೃಹ, ಜಾಗರೂಕತೆ, ಐಟಿ, ಯೋಜನೆ ಮತ್ತು ಮೆಟ್ರೋ ಇಲಾಖೆಗಳ ಉಸ್ತುವಾರಿ ವಹಿಸಲಾಗಿದೆ.

ಥಾಮಸ್ ಐಸಾಕ್ ನಿರ್ವಹಿಸಿದ್ದ  ಹಣಕಾಸು ಇಲಾಖೆಯನ್ನು ಕೆ.ಎನ್. ಬಾಲಗೋಪಾಲ್ ಮುನ್ನಡೆಸಲಿದ್ದಾರೆ.

ವೀಣಾ ಜಾರ್ಜ್ ಅವರಿಗೆ ಕೆ.ಕೆ.ಶೈಲಜಾ ಅವರ ಆರೋಗ್ಯದ ಖಾತೆಯನ್ನು ನೀಡಲಾಗಿದೆ.

ದೇವಸ್ವಂ ಖಾತೆಯನ್ನು ಕೆ ರಾಧಾಕೃಷ್ಣನ್ ಅವರಿಗೆ ನೀಡಲಾಗಿದೆ.

        ಕೆ ರಾಧಾಕೃಷ್ಣನ್ ಅವರು ದೇವಸ್ವಂ ವಿಭಾಗವನ್ನು ನಿರ್ವಹಿಸಲಿದ್ದಾರೆ. ಇದೇ ವೇಳೆ ಅವರಿಗೆ ಸಂಸದೀಯ ಮತ್ತು ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡ ಇಲಾಖೆ ಜವಾಬ್ದಾರಿಯನ್ನೂ ನೀಡಲಾಗಿದೆ.

ಕಳಮಸೇರಿ ಶಾಸಕ ಪಿ ರಾಜೀವ್ ಅವರು ಕೈಗಾರಿಕಾ ಇಲಾಖೆಯನ್ನು ನಿರ್ವಹಿಸಲಿದ್ದಾರೆ.

ವಿ. ಶಿವಂಕುಟ್ಟಿ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಸಚಿವರಾಗಲಿದ್ದಾರೆ.  ಆರ್ ಬಿಂದು ಉನ್ನತ ಶಿಕ್ಷಣ ವಿಭಾಗವನ್ನು ನಿರ್ವಹಿಸುವರು. 

ಎಂ.ವಿ.ಗೋವಿಂದನ್ ಅವರು ಸಂಪುಟಕ್ಕೆ ಸೇರಲಿದ್ದಾರೆ.

ಸಿಪಿಎಂ ಹಿರಿಯ ಸದಸ್ಯ ಎಂ.ವಿ.ಗೋವಿಂದನ್ ಅವರು ಸ್ಥಳೀಯ ಆಡಳಿತ ಮತ್ತು ಅಬಕಾರಿ ಇಲಾಖೆಗಳ ಉಸ್ತುವಾರಿ ವಹಿಸಲಿದ್ದಾರೆ.

ಪಿಎ ಮೊಹಮ್ಮದ್ ರಿಯಾಜ್ ಅವರನ್ನು ಲೋಕೋಪಯೋಗಿ ಇಲಾಖೆ ಮತ್ತು ಪ್ರವಾಸೋದ್ಯಮ ಇಲಾಖೆ ನಿಯೋಜಿಸಿದೆ. ಕೊಟ್ಟಾಯಂ ಮಾಜಿ ಜಿಲ್ಲಾ ಕಾರ್ಯದರ್ಶಿ ವಿ.ಎನ್.ವಾಸವನ್ ಸಹಕಾರ ಮತ್ತು ನೋಂದಣಿ ವಿಭಾಗವನ್ನು ನಿರ್ವಹಿಸಲಿದ್ದಾರೆ.

  ಸಾಜಿ ಚೆರಿಯನ್ ಅವರು ಮೀನುಗಾರಿಕೆ ಮತ್ತು ಸಂಸ್ಕøತಿ ಇಲಾಖೆ ಸಚಿವರಾಗುವರು. 

                 ಸಿಪಿಐ ಪಕ್ಷಕ್ಕೆ ನೀಡಲಾದ ಸಚಿವ ಸ್ಥಾನಗಳ ವಿವರ: 

ಪಿ ಪ್ರಸಾದ್, ಕೆ ರಾಜನ್, ಜಿಆರ್ ಅನಿಲ್ ಮತ್ತು ಜೆ ಚಿಂಚುರಾಣಿ ಅವರಿಗೆ ಸಚಿವ ಸ್ಥಾನ ನೀಡಲಾಗಿದೆ.  ಈ ಪೈಕಿ ಜೆ ಚಿಂಚು ರಾಣಿಗೆ ಡೈರಿ ಇಲಾಖೆಯ ಪಶುಸಂಗೋಪನೆ ಸಚಿವ ಸ್ಥಾನ ನೀಡಲಾಗಿದೆ. ನಾಗರಿಕ ಸರಬರಾಜು ವಿಭಾಗಕ್ಕೆ ಜಿ.ಆರ್.ಅನಿಲ್ ಮತ್ತು ಕಂದಾಯ ಇಲಾಖೆಯನ್ನು ಕೆ.ರಾಜನ್ ನಿರ್ವಹಿಸುವರು. ಕೃಷಿ ಇಲಾಖೆಯನ್ನು ಪಿ ಪ್ರಸಾದ್ ಅವರಿಗೆ ನೀಡಲಾಗಿದೆ.

                        ಇತರ ಸಹ ಪಕ್ಷಗಳಿಗೆ ನೀಡಲಾದ ಸ್ಥಾನ: 

 ಎಲ್‍ಡಿಎಫ್ ಸರ್ಕಾರದಲ್ಲಿ, ಸಹ ಪಕ್ಷಗಳಿಗೆ ಪ್ರಮುಖ ಇಲಾಖೆಯನ್ನೂ ನೀಡಲಾಗಿದೆ. ಸಾರಿಗೆ ಇಲಾಖೆಯನ್ನು ಡೆಮಾಕ್ರಟಿಕ್ ಕಾಂಗ್ರೆಸ್ ಶಾಸಕ ಆಂಟನಿ ರಾಜು ಅವರಿಗೆ ಹಸ್ತಾಂತರಿಸಲಾಗಿದೆ. ಅರಣ್ಯ ಇಲಾಖೆಯನ್ನು ಎನ್‍ಸಿಪಿಯ ಎ.ಕೆ.ಶಶೀಂದ್ರನ್,  ವಿದ್ಯುತ್ ಇಲಾಖೆಯನ್ನು ಜೆಡಿಯು ಪಕ್ಷದ  ಕೆ ಕೃಷ್ಣಂಕುಟ್ಟಿ ಮತ್ತು ಅಲ್ಪಸಂಖ್ಯಾತ ವಿಭಾಗದ ಸಚಿವರಾಗಿ  ವಿ ಅಬ್ದು ರಹಮಾನ್ ಅವರಿಗೆ ನೀಡಲಾಗಿದ್ದು, ವಲಸಿಗ ವ್ಯವಹಾರಗಳ ನಿರ್ವಹಣೆ ಮಾಡಲಿದ್ದಾರೆ. 

            ರೋಶಿ ಅಗಸ್ಟೀನ್ (ಕೇರಳ ಕಾಂಗ್ರೆಸ್) ಜಲಸಂಪನ್ಮೂಲ ಇಲಾಖೆಯನ್ನು ಪ್ರತಿನಿಧಿಸಲಿದ್ದಾರೆ. ಅಹ್ಮದ್ ದೇವರ್ ಕೋವಿಲ್(ಐಎನ್.ಎಲ್)ಅವರಿಗೆ ಬಂದರು ಇಲಾಖೆಯ ಸಚಿವ ಸ್ಥಾನ ನೀಡಲಾಗಿದೆ.