ಕೋವಿಡ್ ಎರಡನೇ ತರಂಗ: ರಾಜ್ಯದಲ್ಲಿ ನಿಯಂತ್ರಣಾತೀತವಾಗಿಲ್ಲ:ಆದರೆ ನಿರೀಕ್ಷೆಯಂತೆಯೂ ಇಲ್ಲ: ಕೆ.ಕೆ.ಶೈಲಜ

                                  

              ತಿರುವನಂತಪುರ: ಕೋವಿಡ್‍ನ ಎರಡನೇ ತರಂಗವು ರಾಜ್ಯದಲ್ಲಿ ನಿಯಂತ್ರಣಾತೀತವಾಗಿಲ್ಲ ಎಂದು ಆರೋಗ್ಯ ಸಚಿವರು ತಿಳಿಸಿದ್ದಾರೆ. ಆದರೆ ಪ್ರಸ್ತುತ ಪರಿಸ್ಥಿತಿಯನ್ನು ನಿಭಾಯಿಸಲು ಆರೋಗ್ಯ ಇಲಾಖೆ ಶ್ರಮಿಸುತ್ತಿದೆ. ಮತ್ತು ಕೆಲವು ಜಿಲ್ಲೆಗಳಲ್ಲಿ ಕೋವಿಡ್ ಹರಡುವಿಕೆ ತೀವ್ರವಾಗಿದೆ ಎಂದು ಸಚಿವೆ ಕೆ.ಕೆ.ಶೈಲಜ ತಿಳಿಸಿರುವರು. 

               ರಾಜ್ಯದಲ್ಲಿ ಐಸಿಯು ಹಾಸಿಗೆಗಳು ತುಂಬಿ ತುಳುಕುತ್ತಿವೆ. ಈ ಸಮಸ್ಯೆಯಿಂದ ಪಾರಾಗಲು ಹೆಚ್ಚಿನ ಐಸಿಯು ಹಾಸಿಗೆಗಳನ್ನು ನಿರ್ಮಿಸಲಾಗುತ್ತಿದೆ ಎಂದು ಸಚಿವರು ಹೇಳಿದರು.

           ಸರಿಯಾದ ಕಾಳಜಿಯೊಂದಿಗೆ, ರಾಜ್ಯದಲ್ಲಿ ಕೋವಿಡ್ ಮರಣ ಪ್ರಮಾಣವನ್ನು ಕಡಿಮೆ ಮಾಡಬಹುದು. ಆಮ್ಲಜನಕದ ಕೊರತೆಯಿಂದ ಸಾವುಗಳನ್ನು ತಡೆಗಟ್ಟಲು ಕೇರಳ ಶ್ರಮಿಸುತ್ತಿದೆ.ಕೇರಳದಲ್ಲಿ ಉತ್ಪತ್ತಿಯಾಗುವ ಆಮ್ಲಜನಕವನ್ನು ಸಂಪೂರ್ಣವಾಗಿ ಬಳಸಿಕೊಳ್ಳಲು ರಾಜ್ಯಕ್ಕೆ ಸಾಧ್ಯವಾಗಲಿದೆ ಎಂದರು. 

              ಕೇಂದ್ರ ಕೋಟಾವನ್ನು ಸೇರಿಸಿದರೆ, ಪ್ರಸ್ತುತ ಸಮಸ್ಯೆಯನ್ನು ಪರಿಹರಿಸಲಾಗುತ್ತದೆ. ಕಾಸರಗೋಡಲ್ಲಿ ಆಮ್ಲಜನಕದ ಕೊರತೆಗೆ ತಾತ್ಕಾಲಿಕ ಪರಿಹಾರವಾಗಿದೆ. ಆದರೆ ರಾಜ್ಯದಲ್ಲಿ ಆಮ್ಲಜನಕ ಟ್ರಕ್‍ಗಳ ಕೊರತೆ ಇದೆ. ಟ್ರಕ್‍ಗಳು ಬೇಕು ಎಂದು ಕೇಂದ್ರಕ್ಕೂ ತಿಳಿಸಲಾಗಿದೆ ಎಮದು ಸಚಿವೆ ಮಂಗಳವಾರ ತಿಳಿಸಿದ್ದಾರೆ.