ತಿರುವನಂತಪುರ: ನಾಳೆಯಿಂದ ಆರಂಭಗೊಳ್ಳುವ ಲಾಕ್ ಡೌನ್ ಸಂದರ್ಭ ಅಗತ್ಯ ವಸ್ತುಗಳಿಗಾಗಿ ಹೊರಗೆ ತೆರಳಬೇಕಾದವರು ಪೋಲೀಸರಿಂದ ಪಾಸ್ ಪಡೆಯಬೇಕು ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿರುವರು. ಅಂತರ ಜಿಲ್ಲಾ ಸಂಚಾರ ನಿಷೇಧಿಸಲಾಗಿದೆ. ತುರ್ತು ಪ್ರಯಾಣದ ವೇಳೆ ಯಾರೆಲ್ಲ ವಾಹನದಲ್ಲಿರುವರು ಎಂಬ ಬಗ್ಗೆ ಹೆಸರುಗಳು ಮತ್ತು ಇತರ ಲಿಖಿತ ಮಾಹಿತಿಯನ್ನು ಕೈಯಲ್ಲಿ ಇರಿಸಿಕೊಂಡಿರಬೇಕು ಎಂದು ಮುಖ್ಯಮಂತ್ರಿ ಲಾಕ್ ಡೌನ್ ನಿಯಂತ್ರಣದ ವಿವರ ನೀಡಿರುವರು.
ಮದುವೆ, ಮರಣೋತ್ತರ ಸಮಾರಂಭಗಳು ಮತ್ತು ರೋಗಿಗಳ ಭೇಟಿಗಳಿಗೆ ಮಾತ್ರ ಅಫಿಡವಿತ್ ನೊಂದಿಗೆ ಪ್ರಯಾಣಿಸಲು ಅನುಮತಿ ಇದೆ. ಪ್ರಯಾಣಿಕರು ಆಹ್ವಾನ ಪತ್ರಿಕೆ ಮತ್ತು ಅಫಿಡವಿಟ್ ನ್ನು ಹೊಂದಿರಬೇಕು. ಇತರ ರಾಜ್ಯಗಳಿಂದ ಪ್ರಯಾಣಿಸುವವರು ಕೋವಿಡ್ ವಿಜಿಲೆನ್ಸ್ ಪೆÇೀರ್ಟಲ್‍ನಲ್ಲಿ ನೋಂದಾಯಿಸಿಕೊಳ್ಳಬೇಕು. ಇದು ಕಡ್ಡಾಯವಾಗಿದೆ.
ನೋಂದಾಯಿಸದಿದ್ದರೆ, ಅವರು ತಮ್ಮ ಸ್ವಂತ ಖರ್ಚಿನಲ್ಲಿ 14 ದಿನಗಳವರೆಗೆ ಸಂಪರ್ಕತಡೆಯಲ್ಲಿ ಇರಬಬೇಕಾಗುತ್ತದೆ. ಲಾಕ್‍ಡೌನ್ ಸಮಯದಲ್ಲಿ ಸ್ಟಾಲ್‍ಗಳನ್ನು ತೆರೆಯಬಾರದು. ವಾಹನ ದುರಸ್ತಿ ಅಂಗಡಿಗಳು ವಾರದಲ್ಲಿ ಎರಡು ದಿನ ತೆರೆಯಬಹುದು. ಬಂದರಿನಲ್ಲಿ ಹರಾಜು ಪ್ರಕ್ರಿಯೆಯ ಇರದು.
ಬ್ಯಾಂಕುಗಳು ಪರ್ಯಾಯ ದಿನಗಳಲ್ಲಿ ಕಾರ್ಯನಿರ್ವಹಿಸುವುದು ಉತ್ತಮ. ಅತಿಥಿ ಕಾರ್ಮಿಕರಿಗೆ ಗುತ್ತಿಗೆದಾರರಿಂದ ನಿರ್ಮಾಣ ಸ್ಥಳದಲ್ಲಿ ಆಹಾರ ಮತ್ತು ವಸತಿ ಒದಗಿಸಬೇಕು. ಹಣಕಾಸು ಸಂಸ್ಥೆಗಳ ಪ್ರತಿನಿಧಿಗಳು ಹಣ ಸಂಗ್ರಹಿಸಲು ಮನೆ ಭೇಟಿ ನೀಡುವುದನ್ನು ನಿಷೇಧಿಸಲಾಗಿದೆ.
ನಾಡಿ ಆಕ್ಸಿಮೀಟರ್‍ಗಳಿಗೆ ದೊಡ್ಡ ಮೊತ್ತವನ್ನು ವಿಧಿಸುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು. ಮನೆಯೊಳಗಿದ್ದು ಜನರು ಸಹಕರಿಸಬೇಕು. ಹೊರಗಡೆ ತೆರಳವುದು ಕಾನೂನು ಬಾಹಿರವಾಗಿದೆ. ಗುಂಪಾಗಿ ಆಟವಾಡುವುದು, ಟಿವಿ ನೋಡುವುದು, ಅಥವಾ ಗುಂಪುಗಳಾಗಿ ಪ್ರಾರ್ಥನೆ ಸಲ್ಲದು. ನೆರೆಹೊರೆಯವರೊಂದಿಗೆ ಸಂಪರ್ಕದಲ್ಲಿರುವಾಗ ಡಬಲ್ ಮಾಸ್ಕ್ ಕಡ್ಡಾಯವಾಗಿರಬೇಕು. ನೆರೆಹೊರೆಯಲ್ಲಿ ವಸ್ತುಗಳನ್ನು ಹಂಚುವಾಗ/ ಶಾಪಿಂಗ್ ಮಾಡುವಾಗ ಸಾಬೂನುಗಳಿಂದ ಕೈಗಳನ್ನು ತೊಳೆಯಬೇಕು.
ಹೊರಗೆ ತೆರಳಿದ್ದರೆ ಮಕ್ಕಳೊಂದಿಗೆ ನಿಕಟ ಸಂಪರ್ಕ ಇರಿಸಬಾರದು. ಗಾಳಿಯ ಪ್ರಸರಣವನ್ನು ಖಚಿತಪಡಿಸಿಕೊಳ್ಳಲು ಮನೆಯ ಕಿಟಕಿಯನ್ನು ತೆರೆದಿಡಬೇಕು. ಜೀವನಾವಶ್ಯಕ ಔಷಧಿಗಳನ್ನು ತಲುಪಿಸುವ ಕಾರ್ಯವನ್ನು ಹೆದ್ದಾರಿ ಪೋಲೀಸರಿಗೆ ವಹಿಸಲಾಗಿದೆ. ನಕಲಿ ಸಂದೇಶಗಳನ್ನು ಹರಡುವವರ ವಿರುದ್ಧ ಪ್ರಕರಣ ದಾಖಲಿಸಲಾಗುವುದು ಎಂದು ಸಿಎಂ ಹೇಳಿದರು.
DOCTYPE html>
