ಕಿಫ್ಬಿ ಸಿಇಒ ಕೆ.ಎಂ. ಅಬ್ರಹಾಂ ಮುಖ್ಯಮಂತ್ರಿಯ ಮುಖ್ಯ ಪ್ರಧಾನ ಕಾರ್ಯದರ್ಶಿಯಾಗಿ ನೇಮಕ

          ತಿರುವನಂತಪುರ: ಕಿಫ್ಬಿ ಸಿಇಒ ಕೆ.ಎಂ.ಅಬ್ರಹಾಂ ಅವರನ್ನು ಮುಖ್ಯಮಂತ್ರಿಯ ಮುಖ್ಯ ಪ್ರಧಾನ ಕಾರ್ಯದರ್ಶಿಯಾಗಿ ನೇಮಿಸಲಾಗಿದೆ. ಈ ನಿಟ್ಟಿನಲ್ಲಿ ಸರ್ಕಾರ ಅಧಿಕೃತ ಪ್ರಕಟಣೆ ಹೊರಡಿಸಿದೆ. ಕೆಎಂ ಅಬ್ರಹಾಂ ಅವರು ಕಿಫ್ಬಿಯ ಸಿಇಒ ಆಗಿದ್ದು, ಅದರೊಂದಿಗೆ ಪ್ರಧಾನ ಕಾರ್ಯದರ್ಶಿ ಹುದ್ದೆಯನ್ನೂ ನಿರ್ವಹಿಸಲಿದ್ದಾರೆ. 

              ಇದಕ್ಕೂ ಮೊದಲು ಮುಖ್ಯಮಂತ್ರಿಯ ವೈಯಕ್ತಿಕ ಸಿಬ್ಬಂದಿಯನ್ನು ನೇಮಿಸಲಾಗಿತ್ತು. ಬಳಿಕ ಮುಖ್ಯ ಪ್ರಧಾನ ಕಾರ್ಯದರ್ಶಿಯನ್ನು ನೇಮಿಸಲಾಯಿತು. ಖಾಸಗಿ ಕಾರ್ಯದರ್ಶಿ ಮತ್ತು ರಾಜಕೀಯ ಕಾರ್ಯದರ್ಶಿಗಳ ನೇಮಕಾತಿ ಈ ಹಿಂದೆ ನಡೆದಿತ್ತು.

                ಸಿ.ಎಂ. ರವೀಂದ್ರನ್, ಪಿ ಗೋಪನ್ ಮತ್ತು ದಿನೇಶ್ ಭಾಸ್ಕರ್ ಹೆಚ್ಚುವರಿ ಖಾಸಗಿ ಕಾರ್ಯದರ್ಶಿಗಳು. ಎ. ಸತೀಶ್ ಕುಮಾರ್ ಮತ್ತು ಸ್ಯಾಮ್ಯುಯೆಲ್ ಫಿಲಿಪ್ ಮ್ಯಾಥ್ಯೂ ಅವರನ್ನು ಸಹಾಯಕರಾಗಿ ನೇಮಿಸಲಾಗಿದೆ. ಸುನೀಶ್ ಅವರನ್ನು ವೈಯಕ್ತಿಕ ಸಹಾಯಕರಾಗಿ ಮತ್ತು ಜಿಕೆ ಬಾಲಾಜಿಯನ್ನು ಹೆಚ್ಚುವರಿ ಪಿಎ ಆಗಿ ನೇಮಿಸಲಾಗಿದೆ. ಪ್ರಭಾ ವರ್ಮಾ ಮಾಧ್ಯಮ ಕಾರ್ಯದರ್ಶಿಯಾಗಿದ್ದಾರೆ. ಪಿಎಂ ಮನೋಜ್ ಪತ್ರಿಕಾ ಕಾರ್ಯದರ್ಶಿಯಾಗಿದ್ದಾರೆ.