ಕಾಲೇಜುಗಳನ್ನು ತೆರೆಯಲು ಕ್ರಮ; ಬ್ಯಾಂಕುಗಳು 5 ದಿನಗಳು, ವಹಿವಾಟು 3 ದಿನಗಳು ಮಾತ್ರ; ಹೊಸ ನಿಬಂಧನೆಗಳು ಪ್ರಕಟ

                ತಿರುವನಂತಪುರ: ರಾಜ್ಯದಲ್ಲಿ ಕೋವಿಡ್ ಲಾಕ್‍ಡೌನ್ ನಿಬರ್ಂಧಗಳನ್ನು ಮತ್ತಷ್ಟು ಸಡಿಲಿಸುವುದು ಪರಿಗಣನೆಯಲ್ಲಿದೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ. ರೋಗ ಹರಡುವಿಕೆಯಲ್ಲಿ ರಾಜ್ಯವು ಕುಸಿಯುತ್ತಿರುವುದು ಹೌದಾದರೂ ಕುಸಿತದ ಮಟ್ಟ ನಿರೀಕ್ಷಿಸಿದಷ್ಟು ವೇಗವಾಗಿಲ್ಲ ಎಂದು ಅವರು ಹೇಳಿದರು. ಮುಖ್ಯಮಂತ್ರಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡುತ್ತಿದ್ದರು. ಲಾಕ್ ಡೌನ್ ನಿರ್ಬಂಧಗಳು ಮತ್ತು ವಿನಾಯಿತಿಗಳ ಬಗ್ಗೆ ಮುಖ್ಯಮಂತ್ರಿ ವಿವರಿಸಿದರು. 

            ಹರಡುವಿಕೆ ಕ್ಷೀಣಿಸುತ್ತಿದೆ

         ಕಳೆದ ಮೂರು ದಿನಗಳಿಂದ ಸರಾಸರಿ ಪರೀಕ್ಷಾ ಸಕಾರಾತ್ಮಕ ದರವು ಶೇಕಡಾ 10.2 ರಷ್ಟಿದೆ ಎಂದು ಸಿಎಂ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು. ತ್ರಿಶೂರ್ ಜಿಲ್ಲೆಯಲ್ಲಿ ಅತಿ ಹೆಚ್ಚು ದರವಿದೆ. ಟಿಪಿಆರ್ ಶೇ 12.6 ರಷ್ಟಿದೆ. ಕಣ್ಣೂರು ಅತಿ ಕಡಿಮೆ ಟೆಸ್ಟ್ ಪಾಸಿಟಿವಿಟಿ ದರವನ್ನು ಶೇಕಡಾ 7.8 ಹೊಂದಿದೆ. ಕಣ್ಣೂರು ಹೊರತುಪಡಿಸಿ, ಆಲಪ್ಪುಳ, ಕೊಟ್ಟಾಯಂ, ಇಡುಕಿ, ಕೋಝಿಕೋಡ್, ವಯನಾಡ್ ಮತ್ತು ತಿರುವನಂತಪುರಂ ಜಿಲ್ಲೆಗಳಲ್ಲಿ ಟಿಪಿಆರ್ ಶೇಕಡಾ 10 ಕ್ಕಿಂತ ಕಡಿಮೆ ಇದೆ. ಉಳಿದ ಏಳು ಜಿಲ್ಲೆಗಳಲ್ಲಿ ಪರೀಕ್ಷಾ ಸಕಾರಾತ್ಮಕತೆಯು ಶೇಕಡಾ 10 ರಿಂದ 12.6 ರಷ್ಟಿದೆ ಎಂದು ಅವರು ಹೇಳಿದರು. ಕಳೆದ ವಾರಕ್ಕೆ ಹೋಲಿಸಿದರೆ, 605 ಸ್ಥಳೀಯ ಸಂಸ್ಥೆಗಳಲ್ಲಿ ಟಿಪಿಆರ್ ಬದಲಾಗದೆ ಉಳಿದಿದೆ.  339 ಸ್ಥಳೀಯಾಡಳಿತ ಸಂಸ್ಥೆಗಳಲಿ ಪರಿಸ್ಥಿತಿ ಸುಧಾರಿಸಿಲ್ಲ. 91 ಸ್ಥಳಗಳಲ್ಲಿ ಸುಧಾರಣೆ ಇದೆ ಎಂದರು. 

                           ವೈದ್ಯಕೀಯ ವಿದ್ಯಾರ್ಥಿಗಳಿಗೆ ತರಗತಿ ಪ್ರಾರಂಭ:

             ವೈದ್ಯಕೀಯ ವಿದ್ಯಾರ್ಥಿಗಳಿಗೆ ತರಗತಿಗಳು ಜುಲೈ 1 ರಿಂದ ಪ್ರಾರಂಭವಾಗಲಿವೆ. ಎಲ್ಲಾ ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಲಸಿಕೆ ಲಭ್ಯವಿರುವುದರಿಂದ ಅವರ ತರಗತಿಗಳನ್ನು ಪ್ರಾರಂಭಿಸುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಸಿಎಂ ಹೇಳಿದರು. ಶೀಘ್ರದಲ್ಲೇ ಕಾಲೇಜು ವಿದ್ಯಾರ್ಥಿಗಳಿಗೆ ಲಸಿಕೆ ಹಾಕುವ ಮೂಲಕ ಕಾಲೇಜುಗಳನ್ನು ತೆರೆಯಲು ಯೋಜನೆ ಇದೆ.  18 ರಿಂದ 23 ವರ್ಷದ ಮಕ್ಕಳಿಗೆ ಪ್ರತ್ಯೇಕ ವಿಭಾಗದಲ್ಲಿ ಲಸಿಕೆ ನೀಡಲಾಗುವುದು. ತಮ್ಮ ಎರಡನೇ ಡೋಸ್ ಅನ್ನು ಸಮಯಕ್ಕೆ ನೀಡಿದರೆ ಕಾಲೇಜುಗಳನ್ನು ಉತ್ತಮ ನಿರೀಕ್ಷೆಗಳೊಂದಿಗೆ ತೆರೆಯಬಹುದು. ಶಾಲಾ ಶಿಕ್ಷಕರಿಗೆ ಲಸಿಕೆ ಹಾಕಲು ಆದ್ಯತೆ ನೀಡಲಾಗುವುದು ಮತ್ತು ಪೂರ್ಣಗೊಳಿಸಲಾಗುವುದು ಎಂದು ಸಿಎಂ ಹೇಳಿದರು.

                         ಈ ರೀತಿಯ ಹೆಚ್ಚಿನ ನಿಬರ್ಂಧಗಳಿಲ್ಲ:

             ಸ್ಥಳೀಯ ಸರ್ಕಾರಗಳ ಕೊನೆಯ ಏಳು ದಿನಗಳ ಸರಾಸರಿ ಪ್ರಕಾರ, ಪರೀಕ್ಷಾ ಸಕಾರಾತ್ಮಕ ದರವು 8 ಶೇ. ಕ್ಕಿಂತ ಕಡಿಮೆ ಇರುವ 277 ಪ್ರದೇಶಗಳಿವೆ (ವರ್ಗ ಎ). ಟಿಪಿಆರ್ 8 ಮತ್ತು 16 ರ ನಡುವೆ ಬಿ ವಿಭಾಗದಲ್ಲಿ 575 ಸ್ಥಳೀಯಾಡಳಿತ  ಪ್ರದೇಶಗಳಿವೆ. 16 ರಿಂದ 24 ರ ನಡುವೆ ಟಿಪಿಆರ್ ಹೊಂದಿರುವ 171 ಪ್ರದೇಶಗಳಿವೆ. ಅವರು ಸಿ ವಿಭಾಗದಲ್ಲಿದ್ದಾರೆ. ಹನ್ನೊಂದು ಸ್ಥಳಗಳಲ್ಲಿ ಶೇ.24 ಕ್ಕಿಂತ ಹೆಚ್ಚು ಟಿಪಿಆರ್ ಇದೆ. (ವಿಭಾಗ ಡಿ). ಈ ವಿಭಾಗದ ಪ್ರಕಾರ, ಮುಂದಿನ ಒಂದು ವಾರದವರೆಗೆ/ ಜೂನ್ 24 ರ ವರೆಗೆ ರಾಜ್ಯದಲ್ಲಿ ನಿರ್ಬಂಧಗಳನ್ನು ಜಾರಿಗೆ ತರಲಾಗುವುದು.

                     ಬ್ಯಾಂಕುಗಳ ಸಮಯಗಳಲ್ಲಿ  ಬದಲಾವಣೆ:

          ಪ್ರಸ್ತುತ ಮಂಗಳವಾರ ಮತ್ತು ಗುರುವಾರ ಬ್ಯಾಂಕುಗಳನ್ನು ಮುಚ್ಚಲಾಗುತ್ತಿದೆ.  ಈ ದಿನಗಳಲ್ಲಿ ಸಾರ್ವಜನಿಕರಿಗೆ ಬ್ಯಾಂಕುಗಳು ಅಥವಾ ಬ್ಯಾಂಕ್ ಶಾಖೆಗಳಿಗೆ ಪ್ರವೇಶವಿಲ್ಲ ಎಂಬ ಷರತ್ತಿನ ಮೇರೆಗೆ ಮಂಗಳವಾರ ಮತ್ತು ಗುರುವಾರ ಬ್ಯಾಂಕುಗಳು ಕಾರ್ಯನಿರ್ವಹಿಸಲು ಅವಕಾಶ ನೀಡಲಾಗುವುದು ಎಂದು ಸಿಎಂ ಹೇಳಿದರು. ವರ್ಗ ಎ ಮತ್ತು ಬಿ ಪ್ರದೇಶಗಳಲ್ಲಿನ ಎಲ್ಲಾ ಸರ್ಕಾರಿ ಸಂಸ್ಥೆಗಳು ಮತ್ತು ಬ್ಯಾಂಕುಗಳು ಶೇಕಡಾ 50 ರಷ್ಟು ಉದ್ಯೋಗಿUಳೊಂದಿಗೆ ಕಾರ್ಯನಿರ್ವಹಿಸಲು ಅನುಮತಿಸಲಾಗುವುದು ಮತ್ತು ಸಿ ವರ್ಗದ ಎಲ್ಲಾ ಸರ್ಕಾರಿ ಸಂಸ್ಥೆಗಳಿಗೆ ಶೇಕಡಾ 25 ರಷ್ಟು ಉದ್ಯೋಗಿಗಳನ್ನು ನಿರ್ವಹಿಸಲು ಅವಕಾಶ ನೀಡಲಾಗುವುದು.