ರಾಜ್ಯದಲ್ಲಿ ಈವರೆಗೆ ಒಂದು ಕೋಟಿಗೂ ಹೆಚ್ಚು ಲಸಿಕೆಗಳನ್ನು ವಿತರಿಸಲಾಗಿದೆ: ಕೇಂದ್ರದ 50,000 ಡೋಸ್ ಲಸಿಕೆ ಇಂದು ಕೇರಳಕ್ಕೆ ತಲುಪಲಿದೆ: ಆರೋಗ್ಯ ಸಚಿವೆ

                ತಿರುವನಂತಪುರ: ನಿನ್ನೆ ತನಕ ರಾಜ್ಯದಲ್ಲಿ ಒಂದು ಕೋಟಿಗಿಂತ ಹೆಚ್ಚು (1,00,13186) ಡೋಸ್ ಲಸಿಕೆಗಳನ್ನು ವಿತರಿಸಲಾಗಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ತಿಳಿಸಿದ್ದಾರೆ. 78,75,797 ಮಂದಿಗೆ ಮೊದಲ ಡೋಸ್ ಮತ್ತು 21,37,389 ಮಂದಿಗೆ ಎರಡನೇ ಡೋಸ್ ನೀಡಲಾಗಿದೆ.  18 ರಿಂದ 44 ವರ್ಷದೊಳಗಿನ 4,74,676 ಮಂದಿ ಜನರಿಗೆ ಲಸಿಕೆ ಮೊದಲ ಡೋಸ್ ಮತ್ತು 50 ಮಂದಿಗೆ ಲಸಿಕೆಯ ಎರಡನೇ ಡೋಸ್ ನೀಡಲಾಗಿದೆ ಎಂದು ಸಚಿವರು ಹೇಳಿದರು.

                 45 ರಿಂದ 60 ವರ್ಷದೊಳಗಿನ 27,96,267 ಮಂದಿ ಜನರಿಗೆ ಮೊದಲ ಡೋಸ್ ಲಸಿಕೆ, 1,97,052 ಮಂದಿ ಜನರಿಗೆ ಎರಡನೇ ಡೋಸ್ ಲಸಿಕೆ, 60 ವರ್ಷಕ್ಕಿಂತ ಮೇಲ್ಪಟ್ಟ 35,48,887 ಮಂದಿ ಜನರಿಗೆ ಲಸಿಕೆ ಮೊದಲ ಡೋಸ್ ಮತ್ತು 11,38,062 ಮಂದಿ ಜನರಿಗೆ ಎರಡನೇ ಡೋಸ್ ಲಸಿಕೆ ನೀಡಲಾಗಿದೆ. 5,20,788 ಮಂದಿ ಆರೋಗ್ಯ ಕಾರ್ಯಕರ್ತರಿಗೆ ಒಂದನೇ ಡೋಸ್ ಲಸಿಕೆ, 4,03,698 ಮಂದಿ ಜನರಿಗೆ ಎರಡನೇ ಡೋಸ್ ಲಸಿಕೆ ಮತ್ತು 5,35,179 ಮಂದಿ ಕೊರೋನಾ ಫ್ರಂಟ್ ಲೈನ್ ಕಾರ್ಯಕರ್ತರಿಗೆ ಪ್ರಥಮ ಡೋಸ್ ಲಸಿಕೆ ಮತ್ತು 3,98,527 ಮಂದಿ ಜನರಿಗೆ ಎರಡನೇ ಡೋಸ್ ಲಸಿಕೆ ನೀಡಲಾಗಿದೆ.

                ರಾಜ್ಯದಲ್ಲಿ ಒಟ್ಟು 1,04,13,620 ಡೋಸ್ ಲಸಿಕೆಗಳು ಲಭ್ಯವಿವೆ. ಇದರಲ್ಲಿ ರಾಜ್ಯವು ಒಟ್ಟು 8,84,290 ಡೋಸ್ ಲಸಿಕೆಗಳನ್ನು ಖರೀದಿಸಿತು. ಇದರಲ್ಲಿ 7,46,710 ಡೋಸ್ ಕೋವಿಚೀಲ್ಡ್ ಲಸಿಕೆ ಮತ್ತು 1,37,580 ಡೋಸ್ ಕೊವಾಕ್ಸ್ ಸೇರಿವೆ. ಒಟ್ಟು 95,29,330 ಡೋಸ್‍ಗಳನ್ನು ಕೇಂದ್ರ ಸರ್ಕಾರವು ಉಚಿತವಾಗಿ ನೀಡಿದ್ದು, ಇದರಲ್ಲಿ 86,84,680 ಡೋಸ್ ಕೋವ್‍ಶೀಲ್ಡ್ ಲಸಿಕೆ ಮತ್ತು 8,44,650 ಡೋಸ್ ಕೊವಾಕ್ಸ್  ಸೇರಿವೆ. ಕೊವಾಕ್ಸಿನ್‍ನ 50,000 ಡೋಸ್‍ಗಳನ್ನು ಇಂದು ತಲುಪಿಸಲಾಗುತ್ತಿದೆ  ಎಂದು ಕೇಂದ್ರ ಪ್ರಕಟಿಸಿದೆ.

                 ಲಸಿಕೆಯನ್ನು ಮೊದಲು ತಿರುವನಂತಪುರ, ಎರ್ನಾಕುಳಂ ಮತ್ತು ಕೋಝಿಕೋಡ್ ನಲ್ಲಿರುವ ಪ್ರಾದೇಶಿಕ ಲಸಿಕೆ ಕೇಂದ್ರಗಳಿಗೆ ತಲುಪಿಸಲಾಗುವುದು.

             ಪ್ರಾದೇಶಿಕ ಲಸಿಕೆ ಕೇಂದ್ರಗಳಿಂದ ಜಿಲ್ಲಾ ಲಸಿಕೆ ಕೇಂದ್ರಗಳಿಗೆ ವಿತರಿಸುತ್ತದೆ. ಜಿಲ್ಲೆಗಳ ಜನಸಂಖ್ಯೆ, ಜಿಲ್ಲೆಗಳಲ್ಲಿ ಲಸಿಕೆ ಬಳಕೆ ಮತ್ತು ಜಿಲ್ಲೆಗಳಲ್ಲಿ ಲಸಿಕೆ ದಾಸ್ತಾನು ಆಧರಿಸಿ ಲಸಿಕೆ ವಿತರಿಸಲಾಗುತ್ತದೆ. ಯಾವುದೇ ಲಸಿಕೆಯನ್ನು ರಾಜ್ಯ ವ್ಯರ್ಥ ಮಾಡಿಲ್ಲ ಎಂದು ಸಚಿವರು ಹೇಳಿದರು.