ತಿರುವನಂತಪುರ: ರಾಜ್ಯದಲ್ಲಿ 58 ಸಾರ್ವಜನಿಕ ವಲಯದ ಸಂಸ್ಥೆಗಳು ನಷ್ಟದಲ್ಲಿವೆ ಎಂದು ಸಿಎಜಿ ವರದಿ ಹೇಳಿದೆ. ಈ ಕಂಪನಿಗಳಿಗೆ 1796.55 ಕೋಟಿ ರೂ.ನಷ್ಟಗಳಾಗಿವೆ. ನಷ್ಟವನ್ನುಂಟುಮಾಡುವ ಸಂಸ್ಥೆಗಳನ್ನು ಮುಚ್ಚಲು ಸಿಎಜಿ ಶಿಫಾರಸು ಮಾಡಿದೆ. ಲೆಕ್ಕಪರಿಶೋಧನಾ ವರದಿಗೆ ಸರ್ಕಾರ ಸ್ಪಂದಿಸದ ಕಾರಣ 922 ಪರಿಶೀಲನಾ ವರದಿಗಳನ್ನು ಅಂತಿಮಗೊಳಿಸಿಲ್ಲ ಎಂದು ವರದಿಯಲ್ಲಿ ಹೇಳಲಾಗಿದೆ. 2019 ರ ಮಾರ್ಚ್ 31 ರವರೆಗೆ ಸಿಎಜಿ ವರದಿಯನ್ನು ನಿನ್ನೆ ವಿಧಾನಸಭೆಯಲ್ಲಿ ಮಂಡಿಸಲಾಯಿತು.
58 ಸಾರ್ವಜನಿಕ ವಲಯ ಸಂಸ್ಥೆಗಳ(ಪಿಎಸ್ಯು) ನಷ್ಟದೊಂದಿಗೆ, ಸರ್ಕಾರವು 1796.55 ಕೋಟಿ ರೂ.ನಷ್ಟಕ್ಕೊಳಗಾಗಿದೆ. ಕೆಎಸ್‍ಆರ್‍ಟಿಸಿ ಅತಿದೊಡ್ಡ ನಷ್ಟ ಅನುಭವಿಸಿತು. ಶಾಪಿಂಗ್ ಕಾಂಪ್ಲೆಕ್ಸ್ ನಿರ್ಮಾಣದಲ್ಲಿ ಕೆಎಸ್‍ಆರ್‍ಟಿಸಿ ದಕ್ಷತೆಯನ್ನು ತೋರಿಸಿಲ್ಲ. ಇದು ಸಂಕೀರ್ಣಗಳನ್ನು ಪೂರ್ಣಗೊಳಿಸಲು ವಿಳಂಬಕ್ಕೆ ಕಾರಣವಾಯಿತು. ಪೂರ್ಣಗೊಂಡ ಶಾಪಿಂಗ್ ಸಂಕೀರ್ಣಗಳನ್ನು ಸರಿಯಾಗಿ ಬಾಡಿಗೆಗೆ ನೀಡಿಲ್ಲ ಎಂದು ಸಿಎಜಿ ಕಂಡುಹಿಡಿದಿದೆ. ಸಿಎಜಿ ವರದಿಯು ರಾಜ್ಯದ 16 ಸಾರ್ವಜನಿಕ ವಲಯ ಸಂಸ್ಥೆಗಳು(ಪಿಎಸ್ಯು) ನಿಷ್ಕ್ರಿಯವಾಗಿದೆ ಎಂದು ಸೂಚಿಸಿದೆ. ಇದಲ್ಲದೆ, ಎರಡು ಪಿಎಸ್ಯುಗಳು ಲಾಭರಹಿತ ಸ್ಥಿತಿಯಲ್ಲಿವೆ. ನಷ್ಟವನ್ನುಂಟುಮಾಡುವ ಸಂಸ್ಥೆಗಳನ್ನು ಮುಚ್ಚಲು ಸಿಎಜಿ ಶಿಫಾರಸು ಮಾಡುತ್ತದೆ.
ಇದೇ ವೇಳೆ, 53 ಪಿಎಸ್ಯುಗಳು ಲಾಭದಾಯಕವೆಂದು ಸಿಎಜಿ ಹೇಳುತ್ತದೆ. ಈ ಕಂಪನಿಗಳು ಒಟ್ಟಾಗಿ 574.49 ಕೋಟಿ ರೂ.ಲಾಭಗಳಿಸಿದೆ. ಕೆಎಸ್‍ಎಫ್‍ಇ, ಕೆಎಂಎಂಎಲ್ ಮತ್ತು ಮದ್ಯ ಮಾರಾಟ ನಿಗಮವು ಪ್ರಮುಖ ಲಾಭ ಗಳಿಸಿದ ಸಂಸ್ಥೆಗಳಾಗಿವೆ. ಸಿಎಜಿ ವರದಿಯ ಪ್ರಕಾರ, ರಾಜ್ಯದ ಭತ್ತ ಸಂಸ್ಕರಣಾ ಸಾಮಥ್ರ್ಯವನ್ನು ಬಳಸದೆ ಪಿಎಸ್ಯುಗಳು ರೈತರಿಂದ ಅಗತ್ಯ ಪ್ರಮಾಣದ ಭತ್ತವನ್ನು ಸಂಗ್ರಹಿಸಿಲ್ಲ. ರಾಜ್ಯದಲ್ಲಿ ಉತ್ಪಾದಿಸುವ ಅಲ್ಪ ಪ್ರಮಾಣದ ಅಕ್ಕಿ ಮಾತ್ರ ವಿತರಿಸಲ್ಪಟ್ಟಿದೆ, ಇದರಿಂದಾಗಿ ಗ್ರಾಹಕರು ಅಗ್ಗದ ಅಕ್ಕಿ ಪಡೆಯುತ್ತಿಲ್ಲ ಮತ್ತು ಭತ್ತದ ರೈತರಿಗೆ ನ್ಯಾಯಯುತ ಬೆಲೆ ಸಿಗುತ್ತಿಲ್ಲ ಎಮದು ಸಿಎಜಿ ಬೊಟ್ಟುಮಾಡಿದೆ.
ಲೆಕ್ಕಪರಿಶೋಧನೆಗೆ ಸರ್ಕಾರ ಸ್ಪಂದಿಸುತ್ತಿಲ್ಲ. ರಾಜ್ಯ ಸರಕು ಮತ್ತು ಸೇವಾ ತೆರಿಗೆ ಇಲಾಖೆ ಆಡಿಟ್ ಅವಲೋಕನಗಳ ಕುರಿತು ಹೆಚ್ಚಿನ ನಿರ್ಧಾರಗಳನ್ನು ತೆಗೆದುಕೊಳ್ಳುವುದಿಲ್ಲ. ಪ್ರಕರಣಗಳನ್ನು ಇತ್ಯರ್ಥಪಡಿಸುವಲ್ಲಿನ ವಿಳಂಬವು ಕೇಂದ್ರದಿಂದ ಅರ್ಹವಾದ ಜಿಎಸ್ಟಿ ಪರಿಹಾರದ ಸಾಧ್ಯತೆಯನ್ನು ಇಲ್ಲವಾಗಿಸಿವೆ ಮತ್ತು ಲೆಕ್ಕಪರಿಶೋಧನೆಗೆ ತೆರಿಗೆ ಮೌಲ್ಯಮಾಪನ ಫೈಲ್‍ಗಳು ಲಭ್ಯವಿಲ್ಲದಿರುವುದು ಹಣವನ್ನು ದುರುಪಯೋಗಪಡಿಸಿಕೊಳ್ಳುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ ಎಂದು ಸಿಎಜಿ ವರದಿ ಸೂಚಿಸಿದೆ. ಇದಲ್ಲದೆ, ಕೇರಳದ ವಿಶ್ವವಿದ್ಯಾಲಯಗಳಲ್ಲಿ ಆಡಳಿತ ವ್ಯವಸ್ಥೆ ಪರಿಣಾಮಕಾರಿಯಾಗಿಲ್ಲ ಎಂದು ಸಿಎಜಿ ವರದಿ ಹೇಳುತ್ತದೆ.
DOCTYPE html>
-SAMHITHA%20M..jpg)
.jpg)
.jpg)
