ಕೋವಿಡ್ ಮುಕ್ತರಾದವರಲ್ಲಿ ಕ್ಷಯ ಸಾಧ್ಯತೆ; ಚಿಕಿತ್ಸೆ ಖಚಿತಪಡಿಸಿಕೊಳ್ಳಲು ಮಾರ್ಗಸೂಚಿ ಹೊರಡಿಸಿದ ಆರೋಗ್ಯ ಇಲಾಖೆ

             ತಿರುವನಂತಪುರ: ರಾಜ್ಯದಲ್ಲಿ ಕ್ಷಯ ರೋಗಿಗಳನ್ನು ಪತ್ತೆ ಹಚ್ಚಲು ಮತ್ತು ಚಿಕಿತ್ಸೆ ನೀಡಲು ಆರೋಗ್ಯ ಇಲಾಖೆ ಮಾರ್ಗಸೂಚಿಗಳನ್ನು ಹೊರಡಿಸಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ.

                   ಕೋವಿಡ್ ಮುಕ್ತ ರೋಗಿಗಳ ದೇಹದಲ್ಲಿ ನಿಷ್ಕ್ರಿಯಗೊಂಡ ಕ್ಷಯರೋಗ ಸೂಕ್ಷ್ಮಜೀವಿಗಳನ್ನು ಸಕ್ರಿಯಗೊಳಿಸುವ ಸಾಮಥ್ರ್ಯವನ್ನು ವಿಶ್ವದಾದ್ಯಂತ ಹಲವಾರು ಅಧ್ಯಯನಗಳು ವರದಿ ಮಾಡಿವೆ. ರಾಜ್ಯದಲ್ಲಿ ಸುಮಾರು 10 ಕ್ಷಯರೋಗ ಪ್ರಕರಣಗಳು ವರದಿಯಾಗಿವೆ.

              ಕೋವಿಡ್‍ನಿಂದ ಉಂಟಾಗುವ ಶ್ವಾಸಕೋಶದ ತಾತ್ಕಾಲಿಕ ರೋಗನಿರೋಧಕ ಶಕ್ತಿ ಮತ್ತು ಉರಿಯೂತ ಕ್ಷಯರೋಗಕ್ಕೆ ಕಾರಣವಾಗಬಹುದು. ಕ್ಷಯರೋಗದ ರೋಗನಿರ್ಣಯದಲ್ಲಿ ವಿಳಂಬವು ಸಂಭವಿಸುವ ಸಾಧ್ಯತೆಯಿದೆ. ಏಕೆಂದರೆ ಹೆರಿಯ ಬಳಿಕದ ಉಸಿರಾಟದ ಕಾಯಿಲೆಯ ಲಕ್ಷಣಗಳು ಕ್ಷಯರೋಗದಂತೆಯೇ ಇರುತ್ತವೆ. ಈ ಸಂದರ್ಭದಲ್ಲಿ, ಕೋವಿಡ್ ಮುಕ್ತ ರೋಗಿಗಳಲ್ಲಿ ಕ್ಷಯರೋಗವನ್ನು ಕಂಡುಹಿಡಿಯಲು ಮಾರ್ಗಸೂಚಿಗಳನ್ನು ನೀಡಲಾಯಿತು.

                ಕೋವಿಡ್ ಮುಕ್ತರಾಗಿರುವವರಲ್ಲಿ ಯಾವುದೇ ಉಸಿರಾಟದ ಲಕ್ಷಣಗಳು ಕಂಡುಬಂದರೆ, ಟಿ.ಬಿ. ಇಲ್ಲ ಎಂದು ಖಚಿತಪಡಿಸಿಕೊಳ್ಳುವುದು ಬಹಳ ಮುಖ್ಯ. ಎಲ್ಲಾ ಪೋಸ್ಟ್‍ಕೋವಿಡ್ ಚಿಕಿತ್ಸಾಲಯಗಳಲ್ಲಿ ಟಿಬಿ ಸ್ಕ್ರೀನಿಂಗ್ ಜಾರಿಗೆ ತರಲಾಗುವುದು. ಪೋಸ್ಟ್ ಕೋವಿಡ್ ಕ್ಲಿನಿಕ್ ಗಳಿಗೆ ಬರುವ ಎಲ್ಲಾ ರೋಗಿಗಳಿಗೆ ಜಾಗೃತಿ ನೀಡಲಾಗುವುದು. 2 ವಾರಗಳಿಗಿಂತ ಹೆಚ್ಚು ಕಾಲ ಕೆಮ್ಮು, ಎರಡು ವಾರಗಳಿಗಿಂತ ಹೆಚ್ಚು ಕಾಲ ಜ್ವರ, ರಾತ್ರಿ ಬೆವರು, ದೇಹದ ತೂಕದ ಇಳಿತ, ಎದೆ ನೋವು ಮತ್ತು ಉಸಿರಾಟದ ತೊಂದರೆಗಳಂತಹ ಯಾವುದೇ ಲಕ್ಷಣಗಳು ಕಂಡುಬಂದರೆ, ಅಂತಹ ವ್ಯಕ್ತಿಯನ್ನು ಕ್ಷಯರೋಗಕ್ಕೆ ಪರೀಕ್ಷಿಸಲಾಗುತ್ತದೆ ಮತ್ತು ನ್ಯಾಟ್ ಪರೀಕ್ಷೆಗಳನ್ನು ಮಾಡಲಾಗುತ್ತದೆ.

                ಪಲ್ಮನರಿ ರೋಗಲಕ್ಷಣಗಳನ್ನು ಹೊಂದಿರುವ ಕೋವಿಡ್ ಮುಕ್ತ ರೋಗಿಗಳು ಟೆಲಿ-ಸಮಾಲೋಚನೆಯ ಮೂಲಕ ಕಂಡುಬಂದರೆ, ಅವರನ್ನು ಕ್ಷಯರೋಗಕ್ಕೂ ಪರೀಕ್ಷಿಸಲಾಗುತ್ತದೆ. ಒಳರೋಗಿ ಚಿಕಿತ್ಸೆಯ ಅಗತ್ಯವಿರುವ ಕೋವಿಡ್ ರೋಗಿಗಳಿಗೆ ಎನ್‍ಟಿಇಪಿ ಸದಸ್ಯರು ದೂರವಾಣಿ ಕರೆ ಮಾಡುತ್ತಾರೆ ಮತ್ತು ಅಗತ್ಯವಿದ್ದಲ್ಲಿ ಕ್ಷಯರೋಗವನ್ನು ಪರೀಕ್ಷಿಸುತ್ತಾರೆ ಎಂದು ಸಚಿವರು ಹೇಳಿದರು.