ತಿರುವನಂತಪುರ: ಪಕ್ಷದ ನಿರ್ದೇಶನವನ್ನು ಧಿಕ್ಕರಿಸಿ ಸ್ವತಃ ನಿರ್ಧಾರ ಕೈಗೊಂಡಿರುವುದರಿಂದ ರಾಜ್ಯ ಆರೋಗ್ಯಸಚಿವೆ ವೀಣಾ ಜಾರ್ಜ್ ಗೆ ಎದುರಾಗಿ ಸಿಪಿಎಂ ಕುಪಿತಗೊಂಡಿರುವುದಾಗಿ ತಿಳಿದುಬಂದಿದೆ. ಪಕ್ಷಕ್ಕೆ ಮಾಹಿತಿ ನೀಡದ ಪಿಆರ್‍ಒ ನನ್ನು ತಕ್ಷಣ ಹೊರಹಾಕುವಂತೆ ಪಕ್ಷ ಸಚಿವೆಗೆ ಸೂಚಿಸಿದೆ. ಖಾಸಗಿ ಕಾರ್ಯದರ್ಶಿಯೊಂದಿಗೆ ಸಮಾಲೋಚಿಸದೆ ನಿರ್ಧಾರ ಕೈಗೊಳ್ಳದಂತೆ ಪಕ್ಷವು ಸಚಿವರಿಗೆ ಸೂಚನೆ ನೀಡಿದೆ.
ಆರೋಗ್ಯ ಸಚಿವೆಯಾದ ಬಳಿಕ, ವೀಣಾ ಜಾರ್ಜ್ ಇಂಡಿಯಾ ವಿಷನ್ ಚಾನೆಲ್ ನಲ್ಲಿ ತನ್ನ ಸಹೋದ್ಯೋಗಿಯಾಗಿದ್ದ ಪತ್ರಕರ್ತೆಯನ್ನು ತನ್ನ ಮಾಧ್ಯಮ ಪ್ರತಿನಿಧಿಯಾಗಿ ನೇಮಿಸಿಕೊಂಡಿದ್ದರು. ಆದರೆ ಈ ಬಗ್ಗೆ ಪಕ್ಷದ ಅನುಮತಿ ಪಡೆದಿರಲಿಲ್ಲ. ಪಕದ್ಷ ಸಂಯೋಜಿತ ಪತ್ರಕರ್ತೆಯಾಗಿರುವವಳನ್ನು ಸೇರಿಸಲು ಪಕ್ಷವು ವಿರೋಧಿಸದು ಎಂದು ಭಾವಿಸಿದ್ದರಿಂದ ವೀಣಾ ಇಂತಹ ನಿರ್ಧಾರ ಕೈಗೊಂಡರು ಎನ್ನಲಾಗಿದೆ.
ಆದರೆ, ಪಕ್ಷವು ಸಿಪಿಎಂ ರಾಜ್ಯ ಸಮಿತಿ ಸದಸ್ಯ ಮತ್ತು ಎಕೆಜಿ ಕೇಂದ್ರ ಕಾರ್ಯದರ್ಶಿ ಕೆ ಸಜೀವನ್ ಅವರನ್ನು ಆರೋಗ್ಯ ಸಚಿವರ ಖಾಸಗಿ ಕಾರ್ಯದರ್ಶಿಯಾಗಿ ನೇಮಿಸಿದೆ. ಪಕ್ಷದ ಪ್ರತಿನಿಧಿ ಸಿಬ್ಬಂದಿಯ ಬಳಿಗೆ ಬಂದಾಗ ಮಾತ್ರ ಸಚಿವರು ತಮ್ಮ ಸ್ವಂತ ಇಚ್ಚೆಯಂತೆ ಸಿಬ್ಬಂದಿಯನ್ನು ನೇಮಿಸಲು ಸಾಧ್ಯವಿಲ್ಲ ಎಂದು ನಿರ್ಧರಿಸಲಾಯಿತು.
ಪತ್ರಕರ್ತೆ ಆರ್‍ಎಂಪಿ ನಾಯಕಿ ಕೆ.ಕೆ.ರೇಮಾ ಅವರೊಂದಿಗೆ ಸಂಬಂಧ ಹೊಂದಿದ್ದರು. ಅವರ ಪತಿಯನ್ನು ಈಗಾಗಲೇ ಸಿಪಿಎಂ ಗುರುತಿಸಿದೆ. ಅವರ ಸಂಬಂಧಿ ಈ ಹಿಂದೆ ಪಕ್ಷದ ಚಾನೆಲ್‍ಗಾಗಿ ಕೆಲಸ ಮಾಡಿದ್ದರು.
ಇಂಡಿಯಾವಿಷನ್ ನಲ್ಲಿದ್ದ ಸಂದರ್ಭ ವೀಣಾ ಜಾರ್ಜ್ ಈ ಪತ್ರಕರ್ತೆಯೊಂದಿಗೆ ನಿಕಟ ಸಂಬಂಧ ಹೊಂದಿದ್ದರು. ಅವರು ಚುನಾವಣೆಯ ಸಮಯದಲ್ಲಿ ವೀಣಾ ಜಾರ್ಜ್ ಪರ ಪ್ರಚಾರ ನಡೆಸಿದ್ದರು. ಬಳಿಕ ಸಚಿವೆಯಾದಾಗ ವೀಣಾ ಜಾರ್ಜ್ ಆಕೆಯನ್ನು ತನ್ನ ಮಾಧ್ಯಮ ಪ್ರತಿನಿಧಿಯಾಗಿಸಲು ನಿರ್ಧರಿಸಿದ್ದರು.
ನೇಮಕಾತಿ ಆದೇಶ ಬರದಿದ್ದರೂ, ಅವರು ಸಚಿವರ ಕಚೇರಿಗೆ ಬರಲು ಪ್ರಾರಂಭಿಸಿದ್ದರು. ಯಾವುದೇ ಸಂದರ್ಭವೇ ಇರಲಿ, ತಕ್ಷಣ ತೆಗೆದುಹಾಕುವಂತೆ ಸಿಪಿಎಂ ವೀಣಾ ಜಾರ್ಜ್‍ಗೆ ಸೂಚನೆ ನೀಡಿದೆ. ಪಕ್ಷದ ಅರಿವಿಲ್ಲದೆ ಇಂತಹ ವಿಷಯಗಳಲ್ಲಿ ಯಾವುದೇ ನಿರ್ಧಾರ ತೆಗೆದುಕೊಳ್ಳದಂತೆ ನಿರ್ದೇಶನ ನೀಡಲಾಗಿದೆ.
DOCTYPE html>
