ವಿದ್ಯಾನಗರದಲ್ಲಿ ಸಿದ್ಧಗೊಳ್ಳುತ್ತಿದೆ ಮಾದರಿ ಹಾದಿ: ಉಭಯ ಕಡೆಗಳಲ್ಲಿ ನೆರಳು ನೀಡಲಿವೆ ಅಶೋಕ ವೃಕ್ಷಗಳು : ಸಾಕಾರಗೊಳ್ಳಲಿದೆ ರೋಲರ್ ಸ್ಕೇಟಿಂಗ್ ಸೌಲಭ್ಯ

 

          ಕಾಸರಗೋಡು: ಕಾಸರಗೋಡು ಜಿಲ್ಲೆಯಲ್ಲಿ ಸಿದ್ಧಗೊಳ್ಳುತ್ತಿದೆ ಮಾದರಿ ಹಾದಿ. ಈ ರಸ್ತೆಯ ಉಭಯ ಕಡೆಗಳಲ್ಲಿ ನೆರಳು ನೀಡಲಿವೆ ಅಶೋಕ ವೃಕ್ಷಗಳು.  

                 ನಾಯನ್ಮಾರುಮೂಲೆಯ ತನ್ ಬೀಹುಲ್ ಇಸ್ಲಾಂ ಹೈಯರ್ ಸೆಕೆಂಡರಿ ಶಾಲೆಯಿಂದ ಜಿಲ್ಲಾಧಿಕಾರಿ ಕಚೇರಿ ಸಮುಚ್ಚಯ ಮೂಲಕ ಜಿಲ್ಲಾ ಪೆÇಲೀಸ್ ವರಿಷ್ಠಾಧಿಕಾರಿ ಅವರ ಅಧಿಕೃತ ವಸತಿ ವರೆಗಿನ ರಸ್ತೆಯನ್ನು ಮಾದರಿ ಹಾದಿಯಾಗಿ ನಿಮಿ೵ಸಲಾಗುತ್ತಿದೆ.     

              ಜೊತೆಗೆ ಕಾಸರಗೋಡು ಜಿಲ್ಲೆಯ ಮಂದಿಗೆ ಅಷ್ಟೇನೂ ಪರಿಚಯವಿರದ ರೋಲರ್ ಸ್ಕೇಟಿಂಗ್ ನಲ್ಲೊಂದು ಯತ್ನ ನಡೆಸುವ ಅವಕಾಶದ ಹದ ತೆರೆಯಲಿದೆ. ರಸ್ತೆಯೊಂದು ಈ ನಿಟ್ಟಿನಲ್ಲಿ ಸಿದ್ಧಗೊಳ್ಳಲಿದ್ದು, ತರಬೇತಿಯೊಂದಿಗೆ ರೋಲರ್ ಸ್ಕೇಟಿಂಗ್ ನಡೆಸಲು ಸಾಧ್ಯವಾಗಲಿದೆ. ನೂತನ ಸೌಲಭ್ಯಗಳೊಂದಿಗೆ ನವೀಕರಣಗೊಳ್ಳುತ್ತಿರುವ ಈ ರಸ್ತೆಯ ನಿಮಾ೵ಣ ಅಂತಿಮ ಹಂತದಲ್ಲಿದೆ. 250 ಮೀಟರ್ ಉದ್ದದಲ್ಲಿ ಈ ಹಾದಿಯ ನವೀಕರಣ ನಡೆಯುತ್ತಿದೆ.  

              ಜಿಲ್ಲಾ ಪಂಚಾಯತ್ ಯೋಜನೆಯಲ್ಲಿ ಈ ರಸ್ತೆಯ ನವೀಕರಣ ನಡೆದುಬರುತ್ತಿದೆ. ಜಿಲ್ಲಾ ಕ್ರೀಡಾ ಮಂಡಳಿಯ ಸಹಕಾರದೊಂದಿಗೆ ಸ್ಕೇಟಿಂಗ್ ಸೌಲಭ್ಯ ಜಾರಿಗೊಳಿಸಲಾಗುವುದು. ಆಯ್ದ ಮಕ್ಕಳಿಗೆ ಉಚಿತವಾಗಿ ಈ ಸಂಬಂಧ ತರಬೇತಿ ನೀಡುವ ಯೋಜನೆಯಿದೆ. ಪರಂಪರಾಗತ ಕ್ರೀಡೆಗಳ ಜೊತೆಗೆ ಇತರ ಕ್ರೀಡೆಗಳ ವಲಯದಲ್ಲೂ ಮಕ್ಕಳಿಗೆ ಬೆಂಬಲ ನೀಡುವ ಯೋಜನೆಯನ್ನು ಜಿಲ್ಲಾ ಪಂಚಾಯತ್ ರಚಿಸಿದೆ. 

                ಬೆಳಗ್ಗೆ 6 ರಿಂದ 8 ಗಂಟೆ ವರೆಗೆ, ಸಂಜೆ 6 ರಿಂದ ರಾತ್ರಿ 8 ಗಂಟೆ ವರೆಗೆ ರೋಲರ್ ಸ್ಕೇಟಿಂಗ್ ತರಬೇತಿ ಇಲ್ಲಿ ನಡೆಸಲಾಗುವುದು. ಸಾವ೵ಜನಿಕ ಕೇಂದ್ರಗಳನ್ನು ಹೆಚ್ಚುವರಿ ಸೃಷ್ಟಿಸುವ ರಾಜ್ಯ ಸರಕಾರದ ಆದೇಶ ಜಾರಿಗೊಳಿಸುವ ನಿಟ್ಟಿನಲ್ಲಿ ಜಿಲ್ಲಾಧಿಕಾರಿ ಡಾ.ಡಿ.ಸಜಿತ್ ಬಾಬು ಅವರ ಆಶಯ ಈ ಮೂಲಕ ಸಾಕಾರಗೊಳ್ಳುತ್ತಿದೆ. 

            ಇದರೊಂದಿಗೆ ಬೆಳಗ್ಗಿನ ವಾಕಿಂಗ್ ಗೂ ಇಲ್ಲಿ ವ್ಯವಸ್ಥೆಗಳಿವೆ. ಈ ಎಲ್ಲ ಕಾರಣಗಳಿಂದ ಈ ರಸ್ತೆ ಕಾಸರಗೋಡು ಜಿಲ್ಲೆಯ ಮಾದರಿ ಹಾದಿಯಾಗಿ ಮಾಪಾ೵ಡುಗೊಳ್ಳಲಿದೆ. 

                 ಅಶೋಕ ಸಸಿಗಳ ನೆಡುವಿಕೆಗೆ ಚಾಲನೆ  

      ಈ ರಸ್ತೆಯ ಬದಿಗಳಲ್ಲಿ ಅಶೋಕ ಸಸಿಗಳನ್ನು ನೆಡುವ ಪ್ರಕ್ರಿಯೆಗೆ ಭಾನುವಾರ ಚಾಲನೆ ಲಭಿಸಿದೆ. ಜಿಲ್ಲಾ ಪಂಚಾಯತ್ ಅಧ್ಯಕ್ಷೆ ಬೇಬಿ ಬಾಲಕೃಷ್ಣನ್ ಅವರು ಅಶೋಕ ಸಸಿ ನೆಟ್ಟು ಉದ್ಘಾಟನೆ ನಡೆಸಿದರು. ಉಪಾಧ್ಯಕ್ಷ ಷಾನವಾಝ್ ಪಾದೂರು, ಚೆಂಗಳ ಗ್ರಾಮ ಪಂಚಾಯತ್ ಅಧ್ಯಕ್ಷ ಖಾದರ್ ಬದ್ರಿಯಾ ಈ ಕಾಯಕಕ್ಕೆ ಜತೆಸೇರಿದರು. 

......