ಆಲಪ್ಪುಳ: ಕೋವಿಡ್ ಚಿಕಿತ್ಸಾ ಕೇಂದ್ರಗಳ ವೈದ್ಯರು ಸೇರಿದಂತೆ ನೇಮಕಾತಿಗೊಂಡ ತಾತ್ಕಾಲಿಕ ಸಿಬ್ಬಂದಿಯನ್ನು ವಜಾಗೊಳಿಸಲಾಗುತ್ತಿದೆ. ಕಡಿಮೆ ವೆಚ್ಚದ ಚಿಕಿತ್ಸಾ ಕೇಂದ್ರಗಳನ್ನು ತಕ್ಷಣವೇ ಮುಚ್ಚಿ ಸಿಬ್ಬಂದಿಯನ್ನು ವಜಾಗೊಳಿಸುವಂತೆ ಆಸ್ಪತ್ರೆಗಳಿಗೆ ಸೂಚನೆ ನೀಡಲಾಗಿದೆ. ವಜಾಗೊಳಿಸುವಿಕೆಯು ಈ ವಾರದಿಂದ ರಾಜ್ಯಾದ್ಯಂತ ಪ್ರಾರಂಭವಾಗುವುದು ಎನ್ನಲಾಗಿದೆ.
ಆರು ತಿಂಗಳ ಒಪ್ಪಂದದ ಮೇರೆಗೆ ನೇಮಕಾತಿ ಮಾಡಲಾಗಿತ್ತು. ಕೆಲವರಿಗೆ ಅವಧಿ ಮುಗಿಯಲು ಮೂರು ತಿಂಗಳವರೆಗೆ ಉಳಿದಿದೆ. ಕೋವಿಡ್ ಬ್ರಿಗೇಡ್‍ನಲ್ಲಿ ವೈದ್ಯರು, ದಾದಿಯರು, ಶುಶ್ರೂಷಾ ಸಹಾಯಕರು, ಲ್ಯಾಬ್ ತಂತ್ರಜ್ಞರು, ಔಷಧಿಕಾರರು ಮತ್ತು ಕ್ಲೀನರ್‍ಗಳು ಇದ್ದಾರೆ.
ತಾತ್ಕಾಲಿಕ ಆರೋಗ್ಯ ಕಾರ್ಯಕರ್ತರಿಗೆ ರಾಷ್ಟ್ರೀಯ ಆರೋಗ್ಯ ಮಿಷನ್ (ಎನ್‍ಎಚ್‍ಎಂ) ಸಂಬಳ ನೀಡುತ್ತಿತ್ತು. ಕೋವಿಡ್ ಚಿಕಿತ್ಸೆಯಲ್ಲಿ ಹೆಚ್ಚು ಅಪಾಯಗಳಿರುವುದರಿಂದ ಅವರಿಗೆ ಅಪಾಯ ನಿರ್ವಹಣಾ ಭತ್ಯೆಯನ್ನೂ ನೀಡಲಾಯಿತು. ಇದು ಎನ್‍ಎಚ್‍ಎಂ ಗೆ ಭಾರೀ ಆರ್ಥಿಕ ಹೊರೆಗೆ ಕಾರಣವಾಗಿದೆ. ರೋಗಿಗಳಿಲ್ಲದೆ ಮುಂದುವರಿಯಲು ಕೋವಿಡ್ ನೌಕರರಿಗೆ ಅವಕಾಶ ನೀಡಿದರೆ, ಹೊರೆ ಮತ್ತಷ್ಟು ಹೆಚ್ಚುತ್ತದೆ. ಇದನ್ನು ಮನಗಂಡು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ಹೇಳುತ್ತಾರೆ. ಆದಾಗ್ಯೂ, ಹಿರಿಯ ಆರೋಗ್ಯ ಅಧಿಕಾರಿಗಳು ಹೇಳುವಂತೆ ವಜಾಗೊಳಿಸಲು ಒಕ್ಕೂಟಗಳು, ಸಂಘಟನೆಗಳ ಪತ್ತಡಗಳೂ ಇದ್ದವು ಎನ್ನಲಾಗಿದೆ.
DOCTYPE html>
.jpg)
