ಬ್ಯಾಂಕ್ ಉದ್ಯೋಗಿಗಳು ಮತ್ತು ಒಳರೋಗಿಗಳಿಗೆ ಲಸಿಕೆಗಳಲ್ಲಿ ಆದ್ಯತೆ; ಕೊರೋನಾ ನಿಂತ್ರಕ ಲಸಿಕೆಗಳ ಆದ್ಯ ಪಟ್ಟಿ ನವೀಕರಿಸಿದ ಸರ್ಕಾರ

                                               

                ತಿರುವನಂತಪುರ: ಕೊರೋನಾ ಲಸಿಕೆಯ ಆದ್ಯತೆಯ ಪಟ್ಟಿಯನ್ನು ರಾಜ್ಯ ಸರ್ಕಾರ ನವೀಕರಿಸಿದೆ. ಸುಮಾರು 11 ವಿಭಾಗಗಳನ್ನು ಪಟ್ಟಿಗೆ ಸೇರಿಸಲಾಗಿದೆ. ಬುಡಕಟ್ಟು ಪ್ರದೇಶಗಳ  18 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲರನ್ನು ಆದ್ಯತೆಯ ಪಟ್ಟಿಯಲ್ಲಿ ಸೇರಿಸಲಾಗಿದೆ. 

                   ಹೊಸ ಪಟ್ಟಿಯಲ್ಲಿ ಹಜ್ ಯಾತ್ರಿಕರು, ಒಳರೋಗಿಗಳು, ಬ್ಯಾಂಕ್ ನೌಕರರು ಮತ್ತು ವೈದ್ಯಕೀಯ ಔಷಧಿ ಮಾರಾಟ ಪ್ರತಿನಿಧಿಗಳು ಸೇರಿದ್ದಾರೆ. ಮೆಟ್ರೋ ರೈಲು ಮತ್ತು ವಾಟರ್ ಮೆಟ್ರೋ ಕ್ಷೇತ್ರದ ಉದ್ಯೋಗಿಗಳನ್ನು ಸಹ ಪಟ್ಟಿಯಲ್ಲಿ ಸೇರಿಸಲಾಗಿದೆ. ಈ ಮೊದಲು, 18 ರಿಂದ 44 ವರ್ಷ ವಯಸ್ಸಿನವರಿಗೆ ವ್ಯಾಕ್ಸಿನೇಷನ್ ಆದ್ಯತೆಯ ಪಟ್ಟಿಯಲ್ಲಿ 32 ವಿಭಾಗಗಳನ್ನು ಸೇರಿಸಲಾಗಿತ್ತು.

            ಇದೇ ವೇಳೆ, 18 ರಿಂದ 44 ವರ್ಷದೊಳಗಿನ ಜನರಿಗೆ ಸ್ಟಾಕ್ ಇದ್ದರೂ ಲಸಿಕೆ ನೀಡಲಾಗುತ್ತಿಲ್ಲ ಎಂಬ ಆರೋಪಗಳಿವೆ. ಈ ವಯಸ್ಸಿನವರಿಗೆ ಖರೀದಿಸಿದ ಉಳಿದ ಲಸಿಕೆಗಳು ಇಂಜೆಕ್ಷನ್ ಗೆ ಲಭ್ಯವಿದೆ ಎಂದು ವರದಿಯಾಗಿದೆ.

               ಕೊರೋನದ ಎರಡನೇ ತರಂಗದಲ್ಲಿ ರೋಗಿಗಳ ಸಂಖ್ಯೆ ಕ್ಷೀಣಿಸುತ್ತಿದ್ದರೂ, ದೇಶದಲ್ಲಿ ಮೂರನೇ ತರಂಗದ ಬಗ್ಗೆ ಕಳವಳವಿದೆ.  ಮೂರನೇ ತರಂಗವನ್ನು ಎದುರಿಸಲು ಒಂದು ಮಾರ್ಗವಾಗಿ ಲಸಿಕೆಯ ಒಂದು ಪ್ರಮಾಣವನ್ನಾದರೂ ಪಡೆಯಬೇಕೆಂದು ಆರೋಗ್ಯ ಕಾರ್ಯಕರ್ತರು ಜನರನ್ನು ಒತ್ತಾಯಿಸುತ್ತಿದ್ದಾರೆ. ಆದರೆ, ಕೇಂದ್ರದಿಂದ ಲಸಿಕೆ ಲಭ್ಯವಿದ್ದರೂ, ಕೇರಳದಲ್ಲಿ ವಿತರಣೆ ಕಡಿಮೆ.