ಕ್ಲಬ್‍ಹೌಸ್ ನಮ್ಮ ಮನೆಯಲ್ಲ; ವಂಚಕರಿದ್ದಾರೆ: ಎಚ್ಚರಿಕೆ ನೀಡಿದ ಪೋಲೀಸರು

                ತಿರುವನಂತಪುರ: ಇತ್ತೀಚೆಗೆ ಭಾರೀ ಜನಾಕರ್ಷಣೆಗೆ ಕಾರಣವಾಗಿರುವ ಸೋಶಿಯಲ್ ಮೀಡಿಯಾ ಕ್ಲಬ್‍ಹೌಸ್‍ನಲ್ಲಿ ವಂಚಕರನ್ನು ಗುರುತಿಸಲು ಕೇರಳ ಪೋಲೀಸರು ಎಚ್ಚರಿಕೆ ನೀಡಿದ್ದಾರೆ ವೈಯಕ್ತಿಕ ಮಾಹಿತಿಯನ್ನು ಬಹಿರಂಗಪಡಿಸುವವರಿಗೆ ಹೆಚ್ಚಿನ ಸಂಖ್ಯೆಯ ವಂಚನೆಗಳ ಜಾಲ ಕಾಯುತ್ತಿವೆ. ಇದನ್ನು ಗಮನದಲ್ಲಿಟ್ಟುಕೊಳ್ಳಬೇಕು ಎಂದು ಪೋಲೀಸರು ಫೇಸ್‍ಬುಕ್‍ನಲ್ಲಿ ಎಚ್ಚರಿಸಿದ್ದಾರೆ. "ಕ್ಲಬ್‍ಹೌಸ್ ನಿಮ್ಮ ಸ್ವಂತ ಮನೆ ಅಲ್ಲ, ನೀವು ಅದನ್ನು ಬಿಟ್ಟುಕೊಡದಂತೆ ನೋಡಿಕೊಳ್ಳಬೇಕು" ಎಂಬ ಶೀರ್ಷಿಕೆಯಡಿಯಲ್ಲಿ ಫೇಸ್‍ಬುಕ್‍ನಲ್ಲಿ ಪೋಸ್ಟ್ ಮಾಡಲಾದ ಸಂದೇಶ ಈ ಎಚ್ಚರಿಕೆ ನೀಡಿದೆ. 

                     ಕ್ಲಬ್‍ಹೌಸ್ ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಮಾಧ್ಯಮ ಸಮುದಾಯದಲ್ಲಿ  ಹೆಚ್ಚು ಪ್ರಚಲಿತಗೊಂಡಿದೆ. ಇದು ಆಡಿಯೊ ಚಾಟ್ ಅಪ್ಲಿಕೇಶನ್ ಆಗಿದೆ. ಧ್ವನಿ ಮಾಧ್ಯಮವಾಗಿದೆ. ಆಸಕ್ತಿಯ ವಿಷಯಗಳನ್ನು ಚರ್ಚಿಸಿ, ಅನ್ಯಾಯದ ವಿರುದ್ಧ ಮಾತನಾಡಿ, ಜೋಕ್‍ಗಳನ್ನು ಹೇಳಿ, ಇತರರ ಮಾತುಗಳನ್ನು ಕೇಳಿ, ಬಹಿರಂಗವಾಗಿ ನಗುವನ್ನೂ ಬೀರಬಹುದು. ಮತ್ತು ಸ್ನೇಹವನ್ನು ಹಂಚಿಕೊಳ್ಳಲೂ ಸಾಧ್ಯ. ಎಲ್ಲವೂ ಲೈವ್ ಆಗಿದೆ. ಅಂತಹ ಮಾಹಿತಿಯುಕ್ತ ರೀತಿಯಲ್ಲಿ ಅದನ್ನು ಬಳಸುವವರಿಗೆ, ಕ್ಲಬ್ ಹೌಸ್ ಕಾನ್ಫರೆನ್ಸ್ ಹಾಲ್‍ನಂತೆಯೇ ವಾತಾವರಣವನ್ನು ಸೃಷ್ಟಿಸುತ್ತದೆ. ಆದರೆ ಇತರ ಸಾಮಾಜಿಕ ಮಾಧ್ಯಮಗಳಂತೆ, ಕ್ಲಬ್‍ಹೌಸ್ ಅನ್ನು ಎಚ್ಚರಿಕೆಯಿಂದ ಬಳಸದಿದ್ದರೆ ಅಪಾಯಕಾರಿ. ಕ್ಲಬ್‍ಹೌಸ್ ಸಾಮಾಜಿಕ ಮಾಧ್ಯಮ ಎಂಬ ಹೆಸರಿನ ಸಮಾನಾರ್ಥಕ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಇಲ್ಲಿ ಯಾವುದೇ ರಹಸ್ಯಗಳಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ. ಏನು ಹೇಳಿದರೂ ಅದು ಸಾರ್ವಜನಿಕವಾಗಿರುತ್ತದೆ. ನೀವು ಹೇಳುವ ಮತ್ತು ಕೇಳುವದನ್ನು ಆ ಚಾಟ್ ರೂಂನಲ್ಲಿ ಸಾರ್ವಜನಿಕವಾಗಿ ನೇರಪ್ರಸಾರ ಮಾಡಲಾಗುತ್ತದೆ. ಇದರಿಂದ ಆಗುವ ಹಾನಿ ಸಣ್ಣದಾಗಿರುವುದಿಲ್ಲ.

               ಯುವಜನರು ಮತ್ತು ವಿದ್ಯಾರ್ಥಿಗಳನ್ನು ಆಕರ್ಷಿಸಲು ವಿವಿಧ ಗುಂಪುಗಳೊಂದಿಗೆ ಪ್ರತಿದಿನ ಅನೇಕರು ತುದಿಗಾಲಲ್ಲಿ ಕಾಯುತ್ತಿರುತ್ತಾರೆ. ಆಕರ್ಷಣೀಯ ಹೆಸರುಗಳ ಗುಂಪುಗಳೊಂದಿಗೆ. ಏಕಾಂಗಿಯಾಗಿ  ಬನ್ನಿ, ಬದ್ಧರಾಗಿರಿ, ಪ್ರದರ್ಶನ ಚಿತ್ರವನ್ನು ನೋಡಿ ಮತ್ತು ಪ್ರೀತಿಯ ಬಗ್ಗೆ ತೆರೆದುಕೊಳ್ಳಿ, ಏಕಾಂಗಿಯಾಗಿ ಬಂದು ಏಕಾಂಗಿಯಾಗಿ ತೆರಳಿ, ಮೊದಲಾದವುಗಳು ಕೆಲವು ಗುಂಪುಗಳ ಆಕರ್ಷಣೀಯ ನಾಮ ಫಲಕಗಳು! ಈ ಸದಸ್ಯರಲ್ಲಿ ಅನೇಕರು 11 ಮತ್ತು 12 ನೇ ತರಗತಿ ಮತ್ತು 18 ವರ್ಷದೊಳಗಿನ ಮಕ್ಕಳು.

                  ಮಕ್ಕಳು ಅನೇಕ ಇಂತಹ ಶ್ರಾವ್ಯ  ಗುಂಪುಗಳಲ್ಲಿ ಸಕ್ರಿಯರಾಗಿದ್ದಾರೆ, ಪರಿಚಯವಿಲ್ಲದ ಜನಸಮೂಹದ ಮುಂದೆ ವೈಯಕ್ತಿಕ ಮಾಹಿತಿಯನ್ನು ಸಾರ್ವಜನಿಕವಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಏನು ಹೇಳಬೇಕು ಅಥವಾ ಹಂಚಿಕೊಳ್ಳಬೇಕು ಎಂದು ತಿಳಿಯದೆ ಹರಟುತ್ತಾರೆ. ಅಂತಹ ಜನರಿಗೆ ದೊಡ್ಡ ವಂಚನೆಯ ಜಾಲ ಕಾಯುತ್ತಿರುವುದರ ಅರಿವೇ ಇರುವುದಿಲ್ಲ.  ಮಕ್ಕಳು ಸೇರಿದಂತೆ ಜನರು ತಮ್ಮ ವೈಯಕ್ತಿಕ ಸ್ವಾತಂತ್ರ್ಯ ಮತ್ತು ಗೌಪ್ಯತೆಯನ್ನು ಇತರರಿಗೆ ಬಹಿರಂಗಪಡಿಸುವ ಅಪಾಯ ಮತ್ತು ವೈಯಕ್ತಿಕ ಮಾಹಿತಿಯನ್ನು ದುರುಪಯೋಗಪಡಿಸಿಕೊಳ್ಳುವ ಅಪಾಯಗಳನ್ನು ಅರಿತುಕೊಳ್ಳದೆ ಈ ಬಲೆಗೆ ಬೀಳುತ್ತಿರುವುದು ಇತ್ತೀಚೆಗೆ ವರದಿಯಾಗಿದೆ. 

                ತಮ್ಮನ್ನು ಸಮರ್ಥಿಸಿಕೊಳ್ಳಲು, ಕ್ಲಬ್‍ಹೌಸ್‍ನಲ್ಲಿ ಧ್ವನಿ ವೀಡಿಯೊವನ್ನು ರೆಕಾರ್ಡ್ ಮಾಡಲು ಸಾಧ್ಯವಿಲ್ಲ ಎಂದು ಹಲವರು ವಾದಿಸುತ್ತಾರೆ. ಆದರೆ ಇದೆಲ್ಲವನ್ನೂ ಮತ್ತೊಂದು ಪೋನ್ ಅಥವಾ ಇತರ ರೆಕಾಡಿರ್ಂಗ್ ಸಿಸ್ಟಮ್ ಬಳಸಿ ಅಥವಾ ಸ್ಕ್ರೀನ್ ರೆಕಾರ್ಡರ್ ಬಳಸಿ ರೆಕಾರ್ಡ್ ಮಾಡಬಹುದು. ಮತ್ತೊಂದು ಅಪಾಯವೆಂದರೆ ಶಾಲೆಗಳು ಮತ್ತು ಇತರೆಡೆಗಳಲ್ಲಿ ಆನ್‍ಲೈನ್ ತರಗತಿಗಳ ಸಮಯದಲ್ಲಿಯೂ ಸಹ ಮಕ್ಕಳು ಅನೇಕ ಗುಂಪುಗಳಲ್ಲಿ ಚರ್ಚೆಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುತ್ತಾರೆ. ಅನೇಕ ಪೋಷಕರು ತರಗತಿಯ ಸಮಯದಲ್ಲಿ ತಮ್ಮ ಮಕ್ಕಳನ್ನು ಬಯ್ಯಲು ಬಯಸುವುದಿಲ್ಲ ಎಂಬ ಅಂಶವನ್ನು ವಿದ್ಯಾರ್ಥಿಗಳು ದುರುಪಯೋಗಪಡಿಸುತ್ತಿರುವುದೂ ಕಂಡುಬಂದಿದೆ.  ಅಪಕ್ವ ವಯಸ್ಸಿನಲ್ಲಿ ವಿವಿಧ ಗುಂಪುಗಳಿಗೆ ಬಲಿಯಾಗುವ ಜನರು ತಮ್ಮ ಜೀವನವನ್ನು ಬದಲಿಸುವ ಅಪಾಯಕಾರಿ ಸಂಘಗಳಲ್ಲಿ ಸಿಲುಕಿ ನಲುಗುತ್ತಾರೆ ಎಂದು ಪೋಲೀಸರು ಎಚ್ಚರಿಸಿದ್ದಾರೆ.