ತಿರುವನಂತಪುರ: ಕೇರಳ ಎಸ್.ಎಸ್.ಎಲ್.ಸಿ. ಪರೀಕ್ಷೆಯ ಫಲಿತಾಂಶವನ್ನು ಬುಧವಾರ ಪ್ರಕಟಿಸಲಾಗುವುದು. ನಾಳೆ ಮಧ್ಯಾಹ್ನ 2 ಗಂಟೆಗೆ ಫಲಿತಾಂಶಗಳನ್ನು ಪ್ರಕಟಿಸಲಾಗುವುದು. ಈ ಬಾರಿ ಸುಮಾರು 4.5 ಲಕ್ಷ ವಿದ್ಯಾರ್ಥಿಗಳು ಫಲಿತಾಂಶಕ್ಕಾಗಿ ಕಾಯುತ್ತಿದ್ದಾರೆ.
ಕೊರೋನಾ ಪರಿಸ್ಥಿತಿಯಲ್ಲಿ ನಿಯಮಿತ ತರಗತಿಗಳಿಲ್ಲದೆ ಕಳೆದ ಶೈಕ್ಷಣಿಕ ವರ್ಷ ಕಳೆದಿದೆ. ಶಾಲೆಗಳಲ್ಲಿ ಮಾತ್ರ ಪರೀಕ್ಷೆಗಳು ನಡೆದವು. ಆನ್‍ಲೈನ್ ಶಾಲಾ ವ್ಯವಸ್ಥೆಯಿಂದ ಸಾಮಾನ್ಯ ಪರೀಕ್ಷೆಯನ್ನು ಬರೆದ ಕೇರಳದ ಮೊದಲ ಬ್ಯಾಚ್ ಇದಾಗಿದೆ.
ಈ ಬಾರಿ 2947 ಕೇಂದ್ರಗಳಲ್ಲಿ 4,22,226 ವಿದ್ಯಾರ್ಥಿಗಳು ಎಸ್‍ಎಸ್‍ಎಲ್‍ಸಿ ಪರೀಕ್ಷೆಗೆ ಹಾಜರಾಗಿದ್ದಾರೆ. ಈ ಪೈಕಿ 4,21,977 ಮಂದಿ ಸ್ಕೂಲ್ ಗೋಯಿಂಗ್ ವಿಭಾಗದವರಾಗಿದ್ದಾರೆ. ಅಲ್ಲದೆ 2,15,660 ಬಾಲಕರು ಮತ್ತು 2,06,566 ಬಾಲಕಿಯರು ಸೇರಿದ್ದಾರೆ. ಗಲ್ಫ್‍ನ ಒಂಬತ್ತು ಕೇಂದ್ರಗಳಲ್ಲಿ ಒಟ್ಟು 573 ಮತ್ತು ಲಕ್ಷದ್ವೀಪದ ಒಂಬತ್ತು ಕೇಂದ್ರಗಳಲ್ಲಿ 627 ಅಭ್ಯರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದರು.
ಪಠ್ಯೇತರ ಚಟುವಟಿಕೆಗಳಿಗೆ ಈ ಬಾರಿ ಗ್ರೇಸ್ ಮಾಕ್ರ್ಸ್ ನೀಡದಿರಲು ಸರ್ಕಾರ ನಿರ್ಧರಿಸಿದೆ. ಕಲೋತ್ಸವ ಸೇರಿದಂತೆ ಪಠ್ಯೇತರ ಚಟುವಟಿಕೆಗಳು ನಡೆಯದಿರುವುದರಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.
DOCTYPE html>
