ಪತ್ತನಂತಿಟ್ಟು: ಶಬರಿಮಲೆಯಲ್ಲಿ ವಿದ್ಯುತ್ ಉತ್ಪಾದನೆಗಾಗಿ ಯೋಜನೆಗಳನ್ನು ಪ್ರಾರಂಭಿಸಲು ನಿರ್ಧರಿಸಲಾಗಿದೆ ಎಂದು ವರದಿಯಾಗಿದೆ. ಸ್ವಂತವಾಗಿ ವಿದ್ಯುತ್ ಉತ್ಪಾದಿಸಲು ಸೌರ ಸ್ಥಾವರಗಳನ್ನು ಸ್ಥಾಪಿಸಲು ತೀರ್ಮಾನಿಸಲಾಯಿತು. ಸನ್ನಿಧಿಗೆ ಮತ್ತು ನೀಲಕ್ಕಲ್ ಗೆ ಪ್ರಾಯೋಜಕರ ಸಹಾಯದಿಂದ ಸ್ಥಾವರ ನಿರ್ಮಿಸಲಾಗುವುದು. ಈ ನಿಟ್ಟಿನಲ್ಲಿ ಆರಂಭಿಕ ಚರ್ಚೆಗಳನ್ನು ಪ್ರಾರಂಭಿಸಲಾಗಿದೆ ಎಂದು ತಿಳಿದುಬಂದಿದೆ.
ಸೌರ ಸ್ಥಾವರ ಸೇರಿದಂತೆ ಶಬರಿಮಲೆಯ ಅಭಿವೃದ್ಧಿಗೆ ನೆರೆಯ ರಾಜ್ಯಗಳ ಅಯ್ಯಪ್ಪ ಭಕ್ತರ ಸಹಾಯ ಪಡೆಯುವುದಾಗಿ ದೇವಸ್ವಂ ಮಂಡಳಿಯ ಅಧಿಕಾರಿಗಳು ತಿಳಿಸಿದ್ದಾರೆ. ಕೇರಳೀಯರು ಮತ್ತು ಕೇರಳೀಯೇತರರು, ಅನೇಕ ವ್ಯಾಪಾರಸ್ಥರು ಈ ಬಗ್ಗೆ ಆಸಕ್ತಿ ತೋರಿಸಿದ್ದಾರೆ. ಚೆನ್ನೈ ಮತ್ತು ಹೈದರಾಬಾದ್‍ನ ಉದ್ಯಮಿಗಳು ಈ ಯೋಜನೆಯನ್ನು ಬೆಂಬಲಿಸಲು ಮುಂದೆ ಬಂದಿದ್ದಾರೆ ಎಂಬ ಸೂಚನೆಗಳಿವೆ.
ಶಬರಿಮಲೆ ಉತ್ಸವದಲ್ಲಿ, ವಿದ್ಯುತ್ ವೆಚ್ಚವು ವರ್ಷಕ್ಕೆ ಸುಮಾರು 10 ಕೋಟಿ ರೂ. ಬೇಕಾಗುತ್ತಿದೆ. ಕೊರೋನಾ ಬಿಕ್ಕಟ್ಟಿನಿಂದಾಗಿ, ಇದು ತಿರುವಾಂಕೂರು ದೇವಾಲಯಕ್ಕೂ ಭಾರಿ ಹೊರೆಯಾಗಿದೆ. ಈ ಹಿನ್ನೆಲೆಯಲ್ಲಿಯೇ ಸೌರ ಸ್ಥಾವರಗಳನ್ನು ನಿರ್ಮಿಸುವ ನಿರ್ಧಾರ ಕೈಗೊಳ್ಳಲಾಯಿತು. ಎರಡು ಸೌರ ಸ್ಥಾವರಗಳಿಗೆ ಸುಮಾರು 20 ಕೋಟಿ ರೂ.ಖರ್ಚು ಅಂದಾಜಿಸಲಾಗಿದೆ. ಕೊರೋನದ ಸಂದರ್ಭದಲ್ಲಿ ದೇವಸ್ವಂ ಮಂಡಳಿಗೆ ಅಷ್ಟೊಂದು ಹೂಡಿಕೆ ಮಾಡಲು ಸಾಧ್ಯವಾಗದ ಕಾರಣ ಪ್ರಾಯೋಜಕತ್ವವನ್ನು ಮಾಡುವ ನಿರ್ಧಾರ ತೆಗೆದುಕೊಳ್ಳಲಾಯಿತು. ಮೊದಲು ಸ್ಥಾವರವನ್ನು ಸ್ಥಾಪಿಸಲಾಗುವುದು ಎಂಬ ವರದಿಗಳಿವೆ.
ಕೊಚ್ಚಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಕಂಪೆನಿ (ಸಿಐಎಎಲ್) ನೆರವಿನೊಂದಿಗೆ ಸೌರ ಸ್ಥಾವರವನ್ನು ನಿರ್ಮಿಸಲಾಗುವುದು. ದೇವಸ್ವಂ ಮಂಡಳಿಯ ಅಧ್ಯಕ್ಷರು, ಅಧಿಕಾರಿಗಳು ಮತ್ತು ಸಿಯಾಲ್ ಅಧಿಕಾರಿಗಳು ಮುಂದಿನ ದಿನಗಳಲ್ಲಿ ಈ ಬಗ್ಗೆ ಚರ್ಚಿಸಲಿದ್ದಾರೆ. ಒಂದು ವರ್ಷದೊಳಗೆ ಯೋಜನೆಯನ್ನು ಪೂರ್ಣಗೊಳಿಸುವ ನಿರ್ಧಾರ ಇದೆ ಎನ್ನಲಾಗಿದೆ. ಇದರೊಂದಿಗೆ, ಅಗತ್ಯವಿರುವ ಎಲ್ಲ ವಿದ್ಯುತ್ ಶಕ್ತಿಯನ್ನು ಶಬರಿಮಲೆಯಲ್ಲಿ ಉತ್ಪಾದಿಸಬಹುದಾಗಿದೆ. ವಿದ್ಯುತ್‍ಗಾಗಿ ಖರ್ಚು ಮಾಡುವ ಹಣವನ್ನು ಇತರ ಚಟುವಟಿಕೆಗಳಿಗೆ ಬಳಸಬಹುದು ಎಂದು ಅಂದಾಜಿಸಲಾಗಿದೆ.
DOCTYPE html>
.jpg)
