ರಜೆ ತೊರೆದು ಸ್ವಚ್ಚತಾ ಕಾರ್ಯದಲ್ಲಿ ತೊಡಗಿಸಿದ ಎಪ್ಪತ್ತು ನೌಕರರು: ಒಂದೇ ದಿನದಲ್ಲಿ ತಿರುವನಂತಪುರ ವೈದ್ಯಕೀಯ ಕಾಲೇಜು ಒಪಿ ಬ್ಲಾಕ್ ಗೆ ಹೊಸ ನೋಟ!: ಆರೋಗ್ಯ ಸಚಿವರಿಂದ ಶ್ಲಾಘನೆ

                 ತಿರುವನಂತಪುರ: ರಜೆಯಲ್ಲಿ ತೆರಳಿದ್ದ ಎಪ್ಪತ್ತು ಮಂದಿ ಆರೋಗ್ಯ  ನೌಕರರು ಸಾಲಾಗಿ ಕರ್ತವ್ಯಕ್ಕೆ ವೈದ್ಯಕೀಯ ಕಾಲೇಜು ಆಸ್ಪತ್ರೆಯ ಒಪಿ ಬ್ಲಾಕ್‍ಗೆ ಒಂದೇ ದಿನ ಆಗಮಿಸಿದ್ದು ಕಳೆ ಮೂಡಿಸಿತು ಎನ್ನಲಾಗಿದೆ. ಕೋವಿಡ್ ವಿಸ್ತರಣೆಯ ಸಮಯದಲ್ಲಿ ಎರಡು ವರ್ಷಗಳಿಂದ ಭಾಗಶಃ ಶಿಥಿಲಗೊಂಡಿದ್ದ ಒಪಿ ಬ್ಲಾಕ್ ನ್ನು ಸಿಬ್ಬಂದಿಗಳು ಸಂಪೂರ್ಣವಾಗಿ ಸ್ವಚ್ಚಗೊಳಿಸಿದರು.

                    ಸಿಬ್ಬಂದಿಯ ಪ್ರಾಮಾಣಿಕ ಕೆಲಸದ ಬಗ್ಗೆ ಮಾಹಿತಿ ಪಡೆದ ಆರೋಗ್ಯ ಸಚಿವೆ ವೀಣಾ ಜಾರ್ಜ್, ಆಸ್ಪತ್ರೆಗೆ ಭೇಟಿ ನೀಡಿ ಸ್ವಚ್ಚಗೊಳಿಸುವ ಕಾರ್ಯವನ್ನು ಅವಲೋಕನ ನಡೆಸಿ,  ರಜೆಯ ಮೇಲೆ ಸಿಬ್ಬಂದಿ ಮಾಡಿದ ಉತ್ತಮ ಕಾರ್ಯಗಳನ್ನು ಶ್ಲಾಘಿಸಿದರು.

                ವೈದ್ಯಕೀಯ ಕಾಲೇಜಿನ ವಾರ್ಡ್ ಕೌನ್ಸಿಲರ್ ಮತ್ತು ನಗರಸಭೆ ಲೋಕೋಪಯೋಗಿ ಸ್ಥಾಯಿ ಸಮಿತಿಯ ಅಧ್ಯಕ್ಷ ಡಿ.ಆರ್.ಅನಿಲ್ ಸಚಿವೆಯ ಜೊತೆಗಿದ್ದರು. ಮೂರು ಅಂತಸ್ತಿನ ಕಟ್ಟಡದ ಧೂಳು ಮತ್ತು ಇತರ ಮಾಲಿನ್ಯ, ಕಸಕಡ್ಡಿಗಳನ್ನು ವಿಲೇವಾರಿಗೈಯ್ಯಲು ಸಿಬ್ಬಂದಿಗಳು ಉತ್ಸಾಹದಿಂದ ಕಾರ್ಯನಿರ್ವಹಿಸಿದರು. 

            ವೈದ್ಯಕೀಯ ಕಾಲೇಜು ಒಪಿ ಬ್ಲಾಕ್ ಆಸ್ಪತ್ರೆ ಅಧೀಕ್ಷಕ ಡಾ. ಜಾಬಿ ನಾಯಕತ್ವದಲ್ಲಿ ಸ್ವಚ್ಚತಾ ಕಾರ್ಯ ನಡೆಯಿತು.

               ಸಿಫಿಲಿಸ್, ಡೆಂಗ್ಯೂ ಮತ್ತು ಚಿಕೂನ್‍ಗುನ್ಯಾದಂತಹ ಸೊಳ್ಳೆಯಿಂದ ಹರಡುವ ರೋಗಗಳ ವರದಿಗಳು ಬರುತ್ತಿರುವ ಕಾರಣ ಆಸ್ಪತ್ರೆಯ ಅಧೀಕ್ಷಕ ಡಾ.ಜೋಬಿಜೋನ್ ಒಂದು ದಿನದ ಸ್ವಚ್ಚತಾ  ಡ್ರೈವ್ ನಡೆಸಲು ನಿರ್ಧರಿಸಿದ್ದರು.

                 ಕೋವಿಡ್ ತೀವ್ರಗೊಂಡಂತೆ ರೋಗಿಗಳ ಸಂಖ್ಯೆ ಸಾಮಾನ್ಯವಾಗಿ ಕಡಿಮೆ ಇದ್ದರೂ, ಭಾನುವಾರ ಹೊರತುಪಡಿಸಿ ಬೇರೆ ದಿನಗಳಲ್ಲಿ ವ್ಯಾಪಕ ಶುಚಿಗೊಳಿಸುವಿಕೆ ಸಾಧ್ಯವಾಗಲಿಲ್ಲ. ಸೊಳ್ಳೆಯಿಂದ ಹರಡುವ ರೋಗಗಳ ಆರಂಭಿಕ ಆಕ್ರಮಣವನ್ನು ತಡೆಗಟ್ಟಲು ಆಸ್ಪತ್ರೆಯ ಅಧೀಕ್ಷಕರ ನೇತೃತ್ವದಲ್ಲಿ ನೈರ್ಮಲ್ಯ ಚಟುವಟಿಕೆ  ನಡೆಸಲಾಯಿತು.

                   ಈ ಹಿನ್ನೆಲೆಯಲ್ಲಿ ಭಾನುವಾರ ಸಾಮೂಹಿಕ ಶುಚಿಗೊಳಿಸುವ ನಿರ್ಧಾರ ಕೈಗೊಳ್ಳಲಾಗಿದೆ. ಗಾಲಿಕುರ್ಚಿಗಳು ಮತ್ತು ಟ್ರಾಲಿ ಕುರ್ಚಿಗಳನ್ನು ಸಹ ತೊಳೆದು ಸ್ವಚ್ಚಗೊಳಿಸಲಾಯಿತು. ಅಧೀಕ್ಷಕ ಡಾ.ಜೋಬಿಜೋನ್, ಆರ್‍ಎಂಒ ಡಾ.ಮೋಹನ್ ರಾಯ್, ನರ್ಸಿಂಗ್ ಅಧಿಕಾರಿ ಅನಿತಾಕುಮಾರಿ, ಅಧಿಕಾರಿ ಶ್ರೀದೇವಿ, ವಿಕಾಸ್ ಬಶೀರ್ ಮತ್ತು ಭದ್ರತಾ ಅಧಿಕಾರಿ ನಜರುದ್ದೀನ್ ಅವರು ನೇತೃತ್ವ ನೀಡಿದ್ದರು.