ತಿರುವನಂತಪುರ: ಕೇರಳ ದೇಶದ ಅತ್ಯುತ್ತಮ ವ್ಯಾಪಾರ ಸ್ನೇಹಿ ರಾಜ್ಯಗಳಲ್ಲಿ ಒಂದಾಗಲಿದೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ. ಗೋಯೆಂಕಾ ಗ್ರೂಪ್‍ನ ಅಭಿನಂದನಾ ಟ್ವೀಟ್‍ಗೆ ಪ್ರತಿಕ್ರಿಯೆಯಾಗಿ ಪಿಣರಾಯಿ ಅವರು ಈ ಟ್ವೀಟ್ ಮೂಲಕ ಅಭಿನಂದಿಸಿದ್ದಾರೆ.
ಕೇರಳ ಭಾರತದಲ್ಲಿ ಹೆಚ್ಚು ಹೂಡಿಕೆದಾರ ಸ್ನೇಹಿ ರಾಜ್ಯಗಳಲ್ಲಿ ಒಂದಾಗಲಿದೆ. ಸುಸ್ಥಿರ ಮತ್ತು ನವೀನ ಕೈಗಾರಿಕೆಗಳು ಇಲ್ಲಿ ಅಭಿವೃದ್ಧಿ ಹೊಂದುತ್ತವೆ ಎಂದು ಖಚಿತಪಡಿಸಿಕೊಳ್ಳಲು ಎಲ್ಡಿಎಫ್ ಸರ್ಕಾರ ಬದ್ಧವಾಗಿದೆ. ಎಲ್ಡಿಎಫ್ ವ್ಯವಹಾರ ಸ್ನೇಹಿ ನೀತಿಯನ್ನು ಮುಂದುವರಿಸಲಿದೆ ಎಂದು ಪಿಣರಾಯಿ ವಿಜಯನ್ ತಮ್ಮ ಟ್ವೀಟ್‍ನಲ್ಲಿ ಸ್ಪಷ್ಟಪಡಿಸಿದ್ದಾರೆ. ಆರ್‍ಪಿಜಿ ಎಂಟರ್‍ಪ್ರೈಸಸ್‍ನ ಅಧ್ಯಕ್ಷ ಹರ್ಷ್ ಗೋಯೆಂಕಾ ಅವರು ಕೇರಳದ ಅತಿದೊಡ್ಡ ಉದ್ಯೋಗದಾತರು ಎಂದು ಟ್ವೀಟ್ ಮಾಡಿದ್ದಾರೆ.
ಇದೇ ವೇಳೆ ರಾಜ್ಯದ ಕೈಗಾರಿಕೆಗಳನ್ನು ನಾಶಪಡಿಸುವ ನಿಲುವನ್ನು ಸರ್ಕಾರ ತೆಗೆದುಕೊಳ್ಳುತ್ತಿದೆ ಎಂದು ಕೈಟೆಕ್ಸ್ ಗ್ರೂಪ್ ಟೀಕೆ ಮಾಡಿದ ಬೆನ್ನಿಗೇ ಮುಖ್ಯಮಂತ್ರಿಯವರ ಟ್ವೀಟ್ ಮಹತ್ವಪಡೆದಿದೆ. ಸಾವಿರಾರು ಜನರಿಗೆ ಉದ್ಯೋಗ ಕಲ್ಪಿಸುವ ಕಾರ್ಖಾನೆಯನ್ನು ನಾಶಮಾಡುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಕೈಟೆಕ್ಸ್ ಆರೋಪಿಸಿದೆ.
ಒಂದು ತಿಂಗಳಲ್ಲಿ ಹನ್ನೊಂದು ತಪಾಸಣೆಗಳನ್ನು ಉಲ್ಲೇಖಿಸಿ ರಾಜ್ಯ ಸರ್ಕಾರದ ಸಹಯೋಗದೊಂದಿಗೆ ಕೇರಳದಲ್ಲಿ ಜಾರಿಗೆ ತರಲಿರುವ 3,500 ಕೋಟಿ ರೂ.ಯೋಜನೆಯಿಂದ ಕೈಟೆಕ್ಸ್ ಹಿಂದೆ ಸರಿಯುವುದಾಗಿ ಈಗಾಗಲೇ ಪ್ರಕಟಿಸಿದೆ.
DOCTYPE html>
.jpg)
