ಆಯಿಷಾ ಸುಲ್ತಾನಾಳ ಮನವಿ ತಿರಸ್ಕøತ: ದೇಶದ್ರೋಹ ಪ್ರಕರಣ ಊರ್ಜಿತ: ಹೈಕೋರ್ಟ್

                 ಕೊಚ್ಚಿ: ಆಯಿಷಾ ಸುಲ್ತಾನಾ ವಿರುದ್ಧದ ದೇಶದ್ರೋಹ ಪ್ರಕರಣವನ್ನು ವಜಾಗೊಳಿಸಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ತೀರ್ಪು ನೀಡಿದೆ. ಪ್ರಕರಣವು ಆರಂಭಿಕ ಹಂತದಲ್ಲಿದೆ ಮತ್ತು ತನಿಖೆ ಮುಂದುವರಿದ ನಂತರವೇ ನಿರ್ಧಾರ ತೆಗೆದುಕೊಳ್ಳಬಹುದು ಎಂದು ನ್ಯಾಯಾಲಯ ಹೇಳಿದೆ. ಪ್ರಕರಣವನ್ನು ವಜಾಗೊಳಿಸಲು ಆಯಿಷಾ ಸುಲ್ತಾನಾ ಮಾಡಿದ ಮನವಿಯನ್ನು ನ್ಯಾಯಾಲಯ ತಿರಸ್ಕರಿಸಿತು.

              ಪ್ರಕರಣದ ಹೆಚ್ಚಿನ ತನಿಖೆಗೆ ಯಾವುದೇ ಅಡ್ಡಿಯಿಲ್ಲ ಮತ್ತು ತನಿಖೆಗೆ ಸಮಯ ನೀಡಬೇಕು ಎಂದು ಹೈಕೋರ್ಟ್ ಹೇಳಿದೆ. ತನಿಖೆಯನ್ನು ತಡೆಯಲು ಆಯಿಷಾ ಕೋರಿಕೆಯನ್ನು ನ್ಯಾಯಾಲಯ ತಿರಸ್ಕರಿಸಿತು. ಕವರಟ್ಟಿ ಪೋಲೀಸರು ನೋಂದಾಯಿಸಿದ ಎಫ್‍ಐಆರ್ ರದ್ದುಪಡಿಸುವಂತೆ ಮತ್ತು ಪ್ರಕರಣದ ವಿಚಾರಣೆಯನ್ನು ರದ್ದುಗೊಳಿಸುವಂತೆ ಆಯಿಷಾ ಅರ್ಜಿಯಲ್ಲಿ ಕೋರಿದ್ದರು. ಅರ್ಜಿಯಲ್ಲಿ ಕಾನೂನು ದುರುಪಯೋಗಪಡಿಸಿಕೊಳ್ಳಲಾಗುತ್ತಿದೆ ಎಂದೂ ಹೇಳಲಾಗಿದೆ.

             ಮೀಡಿಯಾ ಒನ್ ಚಾನೆಲ್ ಚರ್ಚೆಯ ಸಂದರ್ಭದಲ್ಲಿ ಆಯಿಷಾ  ದೇಶದ್ರೋಹದ ಹೇಳಿಕೆ ನೀಡಿದ್ದಾರೆ ಎಂದು ಕವರಟ್ಟಿ ಪೋಲೀಸರು ಆರೋಪಿಸಿದ್ದಾರೆ. ಕೇಂದ್ರ ಸರ್ಕಾರವು ಕೊರೋನಾ ವೈರಸ್ ನ್ನು ಲಕ್ಷದ್ವೀಪದಲ್ಲಿ ಬಯೋ ಏಜೆಂಟ್ ಆಗಿ ಬಳಸಿದೆ ಎಂದು ಆಯಿಷಾ ಉಲ್ಲೇಖಿಸಿದ್ದರು.        ಚರ್ಚೆಯಲ್ಲಿ ಭಾಗವಹಿಸಿದ ಬಿಜೆಪಿ ಪ್ರತಿನಿಧಿ ಹೇಳಿಕೆಯನ್ನು ಹಿಂಪಡೆಯಬೇಕೆಂದು ಒತ್ತಾಯಿಸಿದ್ದರು, ಆದರೆ ಆಯಿಷಾ ಸುಲ್ತಾನಾ ಆಗಲಿ ಚಾನೆಲ್ ಆಗಲಿ ಅನುಕೂಲಕರ ನಿಲುವು ತೆಗೆದುಕೊಳ್ಳಲಿಲ್ಲ. ಬಿಜೆಪಿ ಮುಖಂಡರು ಸೇರಿದಂತೆ ಹಲವಾರು ಜನರು ಆಯಿಷಾ ವಿರುದ್ಧ ದೂರು ದಾಖಲಿಸಿದ್ದಾರೆ. ಈ ಪ್ರಕರಣದಲ್ಲಿ ಆಯಿಷಾಳನ್ನು ವಶಕ್ಕೆ ಪಡೆದ ಪೋಲೀಲೀಸರು ಪ್ರಶ್ನಿಸಿದ್ದಾರೆ.