ಕೇರಳದಲ್ಲಿ ಒಂದು ವಾರದಲ್ಲಿ 24 ಲಕ್ಷಕ್ಕೂ ಹೆಚ್ಚು ಜನರಿಗೆ ಲಸಿಕೆ ವಿತರಣೆ: ಆರೋಗ್ಯ ಇಲಾಖೆ

                                       

                 ತಿರುವನಂತಪುರಂ: ಕಳೆದ ಒಂದು ವಾರದಲ್ಲಿ ರಾಜ್ಯದಲ್ಲಿ 24 ಲಕ್ಷಕ್ಕೂ ಹೆಚ್ಚು ಜನರಿಗೆ ಲಸಿಕೆ ಹಾಕಲಾಗಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ. ಕಳೆದ ಸೋಮವಾರದಿಂದ ಭಾನುವಾರದವರೆಗೆ ಒಟ್ಟು 24,16,706 ಜನರಿಗೆ ಲಸಿಕೆ ಹಾಕಲಾಗಿದೆ ಎಂದು ಸಚಿವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

                  ಆರಂಭಿಕ ದಿನಗಳಲ್ಲಿ, ಲಸಿಕೆಯ ಕೊರತೆಯಿಂದಾಗಿ ಸಂಖ್ಯೆ ಕಡಿಮೆಯಾಯಿತು. ಆದರೆ ಹೆಚ್ಚು ಲಸಿಕೆಗಳು ಲಭ್ಯವಾಗುತ್ತಿದ್ದಂತೆ ಲಸಿಕೆ ವಿತರಣೆ ಹೆಚ್ಚಳಗೊಂಡಿತು. ಸೋಮವಾರ 2,54,409, ಮಂಗಳವಾರ 99,528, ಬುಧವಾರ 2,42,422, ಗುರುವಾರ 4,08,632, ಶುಕ್ರವಾರ 5,60,515, ಶನಿವಾರ 5,26,246 ಮತ್ತು ಭಾನುವಾರ 3,24,954 ಲಸಿಕೆ ನೀಡಲಾಗಿದೆ.

               1220 ಸರ್ಕಾರಿ ಕೇಂದ್ರಗಳು ಮತ್ತು 189 ಖಾಸಗಿ ಕೇಂದ್ರಗಳು ಸೇರಿದಂತೆ 1409 ಲಸಿಕೆ ಕೇಂದ್ರಗಳು ಇದ್ದವು. ಇಲ್ಲಿಯವರೆಗೆ, ರಾಜ್ಯದಲ್ಲಿ ಒಟ್ಟು 2,42,66,857 ಮಂದಿ ಜನರಿಗೆ ಒಂದು ಅಥವಾ ಎರಡನೇ ಡೋಸ್ ಲಸಿಕೆ ಹಾಕಲಾಗಿದೆ. ಈ ಪೈಕಿ 1,75,79,206 ಮಂದಿಗೆ ಮೊದಲ ಡೋಸ್ ಮತ್ತು 66,87,651 ಮಂದಿಗೆ ಎರಡನೇ ಡೋಸ್ ನೀಡಲಾಗಿದೆ.

                  ಐದು ಲಕ್ಷ ಡೋಸ್ ಕೋವಿ ಶೀಲ್ಡ್ ಲಸಿಕೆಯನ್ನು ನಿನ್ನೆ ಎರ್ನಾಕುಳಂಗೆ  ತಲುಪಿದೆ. ಇದನ್ನು ಇತರ ಜಿಲ್ಲೆಗಳಿಗೆ ವಿತರಿಸಲಾಗುತ್ತಿದೆ ಎಂದರು.