ಕೊರೋನಾದಿಂದ ಪೋಷಕರು ಮರಣ ಹೊಂದಿದ ಮಕ್ಕಳಿಗೆ ಆರ್ಥಿಕ ನೆರವು: 87 ಮಕ್ಕಳಿಗೆ ರೂ 3.19 ಕೋಟಿ ಮಂಜೂರು

                 ತಿರುವನಂತಪುರಂ: ಕೊರೊನಾ ಸಾಂಕ್ರಾಮಿಕ ರೋಗದಿಂದ ಪೆÇೀಷಕರನ್ನು ಕಳೆದುಕೊಂಡ ಮಕ್ಕಳಿಗೆ ಆರ್ಥಿಕ ನೆರವು ಘೋಷಿಸಲಾಗಿದೆ. ರೂ 3,19,99,000 ಮಂಜೂರಾಗಿದೆ. 18 ವರ್ಷದೊಳಗಿನ ಮಕ್ಕಳಿಗೆ ರೂ. 3 ಲಕ್ಷ ಮತ್ತು ತಿಂಗಳಿಗೆ 2000 ರೂ.ಗಳ ನಿಶ್ಚಿತ ಠೇವಣಿಯನ್ನು ಅನುಮತಿಸಲಾಗಿದೆ. ಇದಲ್ಲದೇ, ಮುಖ್ಯಮಂತ್ರಿಗಳ ವಿಪತ್ತು ಪರಿಹಾರ ನಿಧಿಯು ಮಕ್ಕಳಿಗೆ ಪದವಿ ಹಂತದವರೆಗೆ ಶಿಕ್ಷಣ ವೆಚ್ಚವನ್ನು ಒದಗಿಸುತ್ತದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದರು.

                 ಕೊರೊನಾ ಋಣಾತ್ಮಕವಾದ ನಂತರ ಮೂರು ತಿಂಗಳಲ್ಲಿ ಪೋಷಕರು ಮರಣ ಹೊಂದಿದ ಮಕ್ಕಳು ಕೂಡ ಸಹಾಯಕ್ಕೆ ಅರ್ಹರು. ಪ್ರಯೋಜನಕ್ಕಾಗಿ ಪ್ರಸ್ತುತ 87 ಮಕ್ಕಳನ್ನು ರಾಜ್ಯಾದ್ಯಂತ ಗುರುತಿಸಲಾಗಿದೆ. ಐಸಿಡಿಎಸ್ ಸಿಬ್ಬಂದಿಯ ಮೂಲಕ ಮನೆಗೆ ಭೇಟಿ ನೀಡಿದ ನಂತರ ಮತ್ತು ಮಕ್ಕಳ ಮಾಹಿತಿಯನ್ನು ಸಂಗ್ರಹಿಸಿ  ಜಿಲ್ಲಾ ಮಕ್ಕಳ ರಕ್ಷಣಾ ಘಟಕಗಳು ಪ್ರತಿ ಮಗುವಿನ ಸ್ಥಿತಿಯನ್ನು ಮೌಲ್ಯಮಾಪನ ಮಾಡಿ ವರದಿ ಸಲ್ಲಿಸಿದವು. ಈ ಮಕ್ಕಳ ಕಲ್ಯಾಣಕ್ಕಾಗಿ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಸಚಿವರು ಹೇಳಿದರು.

               ಈ ಆದೇಶವು ಹಣಕಾಸಿನ ಸಹಾಯವನ್ನು ನಿಯೋಜಿಸುವ ಮಾನದಂಡಗಳನ್ನು ಸಹ ಹೊಂದಿದೆ. ಕೊರೋನಾದಿಂದ ತಾಯಿ ಮತ್ತು ತಂದೆಯನ್ನು ಕಳೆದುಕೊಂಡ ಮಕ್ಕಳು, ಕೊರೊನಾ ಋಣಾತ್ಮಕವಾದ ಮೂರು ತಿಂಗಳಲ್ಲಿ ಕೊರೋನ ಸಂಬಂಧಿತ ದೈಹಿಕ ಸಮಸ್ಯೆಗಳಿಂದ ಮರಣ ಹೊಂದಿದ ಮಕ್ಕಳು, ತಂದೆ ಅಥವಾ ತಾಯಿ ಕಳಕೊಂಡವರು,  ಒಂಟಿ ಪೋಷಕರಿಗೆ, ಸಂಬಂಧಿಕರ ಆರೈಕೆಯಲಿರುವ ಮಕ್ಕಳಿಗೆ ನೆರವು ನೀಡಲಾಗುತ್ತದೆ. ಕುಟುಂಬದ ಆದಾಯ ಮಿತಿ ಅಥವಾ ಇತರ ಮಾನದಂಡಗಳು ಪರಿಗಣಿಸುವುದಿಲ್ಲ.