ತಿರುವನಂತಪುರಂ: ಕೆಪಿಸಿಸಿ ಅಧ್ಯಕ್ಷ ಕೆ ಸುಧಾಕರನ್ ವಿರುದ್ಧ ಎ-ಐ ಗುಂಪುಗಳು ಕಠಿಣ ಕ್ರಮ ಕೈಗೊಳ್ಳಲಿವೆ. ಜಿಲ್ಲಾಧ್ಯಕ್ಷರ ಆಯ್ಕೆ ಸಂಬಂಧ ಸೂಕ್ತ ಪರಿಗಣನೆ ನೀಡದಿದ್ದರೆ ಎ ಮತ್ತು ಐ ಗುಂಪುಗಳು ಕೆಪಿಸಿಸಿ ಅಧಿಕೃತ ಕಾರ್ಯಗಳಿಂದ ದೂರವಿರುತ್ತವೆ ಎಂದು ಸೂಚಿಸಿದೆ. ಉಮ್ಮನ್ ಚಾಂಡಿ ಮತ್ತು ರಮೇಶ್ ಚೆನ್ನಿತ್ತಲ ಅವರನ್ನು ನಿರ್ಲಕ್ಷ್ಯಿಸುವುದು ಮುಂದುವರಿಯಲು ಇನ್ನು ಬಿಡೆವು ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಪ್ರತಿಪಕ್ಷ ನಾಯಕತ್ವ ಮತ್ತು ಕೆಪಿಸಿಸಿ ಅಧ್ಯಕ್ಷರು ಜಿಲ್ಲಾ ಸಮಿತಿಗಳನ್ನು ಕಡಿತಗೊಳಿಸಲು ಮುಂದಾದಾಗ ಕಾಂಗ್ರೆಸ್‍ನಲ್ಲಿ ಎ ಮತ್ತು ಐ ಗುಂಪುಗಳು ತಮ್ಮ ನಿಲುವನ್ನು ಪ್ರಬಲಗೊಳಿಸಿದೆ. ಜಿಲ್ಲಾ ಅಧ್ಯಕ್ಷರನ್ನು ಗುಂಪುಗಳಿಗಿಂತ ಹೊರತಾಗಿ ನೇಮಿಸಬೇಕು ಎಂಬ ಕೆ ಸುಧಾಕರನ್ ಅವರ ನಿಲುವನ್ನು ತಾವು ಒಪ್ಪುವುದಿಲ್ಲ ಎಂದು ಈ ಹಿಂದೆ ಉಮ್ಮನ್ ಚಾಂಡಿ ಮತ್ತು ರಮೇಶ್ ಚೆನ್ನಿತ್ತಲ ಹೇಳಿಕೆ ನೀಡಿದ್ದರು. ಇದರ ಬೆನ್ನಲ್ಲೇ, ಕೆ ಸುಧಾಕರನ್ ಅವರು ತಮ್ಮ ಪಟ್ಟಿಯನ್ನು ಹೈಕಮಾಂಡ್‍ಗೆ ಹಸ್ತಾಂತರಿಸಿದರು. ಕಾಂಗ್ರೆಸ್‍ನಲ್ಲಿನ ಒಳ ಜಗಳ ಈ ಕಾರಣದಿಂದ ಮತ್ತೆ ಕೆರಳುವ ಸೂಚನೆಗಳಿವೆ.
ಚೆನ್ನಿತ್ತಲ ಮತ್ತು ಉಮ್ಮನ್ ಚಾಂಡಿ ಹೈಕಮಾಂಡ್ ನ ನಿಲುವು ವಿರೋಧಿಸಿದರೂ, ಕೆ ಸುಧಾಕರನ್ ಅವರು ರಾಹುಲ್ ಬೆಂಬಲ ಪಡೆಯಲು ಯಶಸ್ವಿಯಾದರು. ಅದಕ್ಕಾಗಿಯೇ ಕೆ ಸುಧಾಕರನ್ ಅವರು ಚೆನ್ನಿತ್ತಲ ಮತ್ತು ಉಮ್ಮನ್ ಚಾಂಡಿ ಬದಲಿಗೆ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಮರ್ಥರಾಗಿದ್ದಾರೆ. ಎ ಮತ್ತು ಐ ಗುಂಪುಗಳು ಈ ರೀತಿ ಮುಂದುವರಿದರೆ ಅವರು ಸುಧಾಕರನ್ ಜೊತೆ ಸಹಕರಿಸಬಾರದು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಗುಂಪುಗಳು ವಿರೋಧ ಪಕ್ಷದ ನಾಯಕ ವಿ.ಡಿ.ಸತೀಶನ್ ಅವರಿಂದ ದೂರವಾಗುತ್ತವೆ. ಜಿಲ್ಲಾ ಅಧ್ಯಕ್ಷರನ್ನು ಪರಿಗಣಿಸದಿದ್ದರೆ ಗುಂಪು ನಾಯಕರು ಕೆಪಿಸಿಸಿ ಅಧಿಕೃತ ಕಾರ್ಯಗಳಿಂದ ದೂರ ಉಳಿಯುತ್ತಾರೆ. ಪ್ರಸ್ತುತ ಅಭಿಪ್ರಾಯ ವ್ಯತ್ಯಾಸಗಳಿಂದ ಸರ್ಕಾರದ ವಿರುದ್ಧದ ಹೋರಾಟಗಳಿಗೆ ಹಿನ್ನಡೆಯಾಗಲಿದೆ.
ಸರ್ಕಾರದ ವಿರುದ್ಧ ಕಾದಲು ಹಲವು ಅವಕಾಶಗಳ ಹೊರತಾಗಿಯೂ, ಅಸೆಂಬ್ಲಿಯಲ್ಲೂ ಕೂಡ ವಿಪಕ್ಷಗಳು ಅದನ್ನು ಹೆಚ್ಚು ಬಳಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಇದರೊಂದಿಗೆ ಗುಂಪು ಸಮರ ತೀವ್ರವಾಗುತ್ತಿದ್ದಂತೆ ಕಾಂಗ್ರೆಸ್ ದೊಡ್ಡ ಬಿಕ್ಕಟ್ಟನ್ನು ಎದುರಿಸುತ್ತಿದೆ.
DOCTYPE html>
