ವ್ಯಾಪಾರಿಯನ್ನು ಹನಿಟ್ರಾಪ್ ಗೆ ಸಿಲುಕಿಸಿ ಹಣ ದೋಚುವಿಕೆ: ಕಾಸರಗೋಡಿನ ಯುವತಿ ಸೇರಿದಂತೆ ನಾಲ್ವರ ಬಂಧನ

                                                            

                 ಕೊಚ್ಚಿ: ಹನಿ ಟ್ರ್ಯಾಪ್ ನಲ್ಲಿ ಸಿಲುಕಿಸಿ ವ್ಯಾಪಾರಿಯಿಂದ ಹಣ, ಚಿನ್ನ ಮತ್ತು ಮೊಬೈಲ್ ಪೋನ್ ಕದ್ದೊಯ್ದ ಪ್ರಕರಣದಲ್ಲಿ ಹೊಸದುರ್ಗ ಪೋಲೀಸರು ಯುವತಿ ಸೇರಿದಂತೆ ನಾಲ್ವರನ್ನು ಬಂಧಿಸಿದ್ದಾರೆ.

                 ಕಾಸರಗೋಡು ಮೂಲದ ಸಾಜಿದಾ (30) ಮತ್ತು ಎನ್ ಎ ಉಮ್ಮರ್ (41), ಪತ್ನಿ ಫಾತಿಮಾ (35) ಮತ್ತು ಪರಿಯಾರಂ ನಿವಾಸಿ ಇಕ್ಬಾಲ್ ಅವರನ್ನು ಹೊಸದುರ್ಗ ಪೋಲೀಸರು ಬಂಧಿಸಿದ್ದಾರೆ.

             ಕೊಚ್ಚಿ ಕಡವಂದ್ರಾದ ಸಿಎ ಸತ್ತಾರ್ (58) ದೂರಿನ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗಿದೆ. ಈ ತಿಂಗಳ 2 ರಂದು ಆರೋಪಿಗಳು ಸಾಜಿದಾಳನ್ನು ಸತ್ತಾರ್ ನಿಗೆ ವಿವಾಹಮಾಡಿ ಕೊಟ್ಟಿದ್ದರು. ಆ ಬಳಿಕ ಸತ್ತಾರ್ ಮತ್ತು ಸಾಜಿದಾ ಕೋವಲಪಳ್ಳಿಯ ಕ್ವಾರ್ಟರ್ಸ್ ನಲ್ಲಿ ವಾಸಿಸುತ್ತಿದ್ದರು. 

               ಈ ಮಧ್ಯೆ, ಗುಂಪು ಸಾಜಿದಾ ಮತ್ತು ಸತ್ತಾರ್ ಅವರ ಖಾಸಗಿ ದೃಶ್ಯಗಳನ್ನು ಚಿತ್ರೀಕರಿಸಿತು. ಅವರು ಸಾಮಾಜಿಕ ಮಾಧ್ಯಮದಲ್ಲಿ ಈ ಸುದ್ದಿಯನ್ನು ಹರಡುವ ಬೆದರಿಕೆಯನ್ನೂ ಹಾಕಿದರು. ಬಳಿಕ  ಸತ್ತರ್ ನಿಂದ ಮೂರೂವರೆ ಲಕ್ಷ ರೂ., ಏಳೂವರೆ ಪವನ್ ಚಿನ್ನದ ಸರ ಹಾಗೂ 15,700 ರೂ. ಬೇಡಿಕೆ ಇರಿಸಿ ಒತ್ತಡ ನೀಡಿ ಪಡೆದುಕೊಂಡರು. ಕೊಚ್ಚಿಯಲ್ಲಿರುವ ಸಂಬಂಧಿಕರು ಕಾಞಂಗಾಡ್ ನಿಂದ ತಾನು ವಿವಾಹದ ಬಗ್ಗೆ ತಿಳಿಯಬಾರದೆಂದು ಹೆದರಿ ಬೇಡಿಕೆ ಇರಿಸಿದ ಹಣ, ಚಿನ್ನ ನೀಡಿದರೆಂದು ತಿಳಿಸಿರುವರು.  ಆದಾಗ್ಯೂ, ಆರೋಪಿಗಳು ಮತ್ತಷ್ಟು ಹಣಕ್ಕೆ ಬೇಡಿಕೆ ಇರಿಸಿದ ಹಿನ್ನೆಲೆಯಲ್ಲಿ ಸತ್ತಾರ್ ಕೊನೆಗೂ ಪೋಲೀಸರಿಗೆ ದೂರು ನೀಡಿದ್ದರು.