ಕೊಚ್ಚಿ-ಲಂಡನ್ ವಿಮಾನ ಹಠಾತ್ ರದ್ದು; ತಾಂತ್ರಿಕ ಅಸಮರ್ಪಕತೆಯ ಸಮಜಾಯಿಷಿ: ಹೋಟೆಲ್ ಗೆ ವರ್ಗಾಯಿಸಲ್ಪಟ್ಟ ಪ್ರಯಾಣಿಕರು

               ಕೊಚ್ಚಿ: ಕೊಚ್ಚಿಯಿಂದ ಲಂಡನ್‍ಗೆ ಹೋಗಬೇಕಿದ್ದ ಏರ್ ಇಂಡಿಯಾ ವಿಮಾನವನ್ನು ಭಾನುವಾರ ರದ್ದುಗೊಳಿಸಲಾಯಿತು. ತಾಂತ್ರಿಕ ಸಮಸ್ಯೆಯಿಂದ ವಿಮಾನ ಹಾರಾಟವನ್ನು ರದ್ದುಗೊಳಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರಯಾಣಿಕರನ್ನು ಹೋಟೆಲ್‍ಗಳಿಗೆ ವರ್ಗಾಯಿಸಲಾಗಿದೆ  ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

                     ನಿನ್ನೆ ಮಧ್ಯಾಹ್ನ 1.30 ಕ್ಕೆ ಹೊರಡಬೇಕಿದ್ದ ವಿಮಾನವನ್ನು ರದ್ದುಗೊಳಿಸಲಾಗಿದೆ. ವಿಮಾನದಲ್ಲಿ ಸುಮಾರು 200 ಪ್ರಯಾಣಿಕರು ಪ್ರಯಾಣಿಸಲಿದ್ದರು. ವಿಮಾನವು ಗಂಟೆಗಳ ಕಾಲ ವಿಳಂಬವಾಯಿತು, ಮಕ್ಕಳು, ವೃದ್ಧರು ಹತಾಶೆಗೊಳಗಾಗಿರುವುಉದ ಕಂಡುಬಂತು. ಬಳಿಕ ಪ್ರಯಾಣಿಕರು ರಸ್ತೆಗಿಳಿದು ಪ್ರತಿಭಟನೆ ನಡೆಸಿದರು. ಪ್ರಯಾಣಿಕರು ಪ್ರಯಾಣದ ಬದಲು ವ್ಯವಸ್ಥೆ ಮಾಡಬೇಕೆಂದು ಆಗ್ರಹಿಸಿ ಪ್ರತಿಭಟನೆ ನಡೆಸಿದರು.

                  ಮುಂಬೈನಿಂದ ಏರ್ ಇಂಡಿಯಾದ ತಂಡ ಆಗಮಿಸಿ ಪರಿಶೀಲನೆ ನಡೆಸಿತು. ಏರ್ ಇಂಡಿಯಾ ಮೂಲಗಳ ಪ್ರಕಾರ, ವಿಮಾನವು ಇಂದು ಪ್ರಯಾಣ ಬೆಳೆಸಲಿದೆ ಎನ್ನಲಾಗಿದೆ.