ಸಾಧನೆಯ ಮೂಲಕ ಸಹಿ ದ್ವಿಗುಣಗೊಳಿಸಿದ ಮುಳಿಯಾರಿನ ಸಿಹಿ ತುಳಸಿ ಕೃಷಿ

                                                  

            ಮುಳ್ಳೇರಿಯ: ಜಿಲ್ಲೆಯ ಮುಳಿಯಾರ್ ಕುಟುಂಬಶ್ರೀ ಕಾರ್ಯಕರ್ತರು ಸಕ್ಕರೆಗಿಂತ 30 ಪಟ್ಟು ಸಿಹಿಯಾದ ಸಿಹಿ ತುಳಸಿ ಕೃಷಿಯನ್ನು ಯಶಸ್ವಿಯಾಗಿ ನಿರ್ವಹಿಸಿ ಗಮನ ಸೆಳೆದಿದ್ದಾರೆ.

       ಸಿಹಿ ತುಳಸಿಯನ್ನು ಕುಟುಂಬಶ್ರೀಗಳ ನೇತೃತ್ವದಲ್ಲಿ ಬೆಳೆಸುವುದು ಜಿಲ್ಲೆಯಲ್ಲಿ ಇದೇ ಮೊದಲು. ಸಿಹಿ ತುಳಸಿ ಕೃಷಿಯನ್ನು ಮುಳಿಯಾರ್ ಕುಟುಂಬಶ್ರೀ ಸಿಡಿಎಸ್ ನ ನೇತೃತ್ವದಲ್ಲಿ ಕಳೆದ ಜೂನ್ ನಲ್ಲಿ ಆರಂಭಿಸಲಾಯಿತು. ಮೊದಲ ಹಂತವಾಗಿ ಸ್ಥಳೀಯ ಕೃಷಿಕೆ ಖೈರುನ್ನೀಸಾ ಅವರ ಭೂಮಿಯಲ್ಲಿ 500 ಸಸಿಗಳನ್ನು ನೆಟ್ಟು ನಿರ್ವಹಿಸಲಾಯಿತು. 

                ಖೈರುನ್ನೀಸಾ, ರಜಿಯಾ, ಸೌದಾ ಮತ್ತು ನಬೀಸಾ, ಕುಟುಂಬಶ್ರೀ ಸಿಡಿಎಸ್ ಅಕೌಂಟೆಂಟ್ ಪಿಎಸ್ ಸಕೀನಾ ಅವರ ಮೇಲ್ವಿಚಾರಣೆಯಲ್ಲಿ ಫಾರ್ಮ್ ನ್ನು ನಿರ್ವಹಿಸುತ್ತಾರೆ. ಮುಳಿಯಾರ್ ಕುಟುಂಬಶ್ರೀ ಸಿಡಿಎಸ್ ಯಶಸ್ವಿಯಾದ ಬಳಿಕ, ಮಧುರ ತುಳಸಿ ಕೃಷಿಯನ್ನು ಪಂಚಾಯಿತಿಯ ಇತರ ವಾರ್ಡ್‍ಗಳಿಗೂ ವಿಸ್ತರಿಸಲಾಗುವುದು ಎಂದು ಸಿಡಿಎಸ್ ಅಧ್ಯಕ್ಷೆ ಪ್ರೇಮಾವತಿ ಹೇಳಿರುವರು. ಸಿಹಿ ತುಳಸಿ ಮೊಳಕೆಗಳನ್ನು ಸಾಮಾನ್ಯವಾಗಿ ಬೇರುಗಳಿಂದ ಉತ್ಪಾದಿಸಲಾಗುತ್ತದೆ. ಆದಾಗ್ಯೂ, ಕೃಷಿಯನ್ನು ವಿಸ್ತರಿಸುವ ಉದ್ದೇಶದಿಂದ, ಮಹಿಳಾ ಗುಂಪು ಸಿಹಿ ತುಳಿಸಿಯನ್ನು ಕಾಂಡದ ಹಾರ್ಮೋನುಗಳನ್ನು ಬಳಸಿ ಹೆಚ್ಚು ಉತ್ಪಾದಕ ಸಿಹಿ ತುಳಸಿ ಮೊಳಕೆ ಬರಿಸಲಾಗುತ್ತಿದೆ. 

             ಸಿಹಿ ಸ್ವಲ್ಪ ಜಾಸ್ತಿಯಾಗಿದ್ದರೂ, ಸಿಹಿ ತುಳಸಿ ಆರೋಗ್ಯ ಪ್ರಯೋಜನಗಳು ಅನನ್ಯವಾಗಿವೆ. ಸಿಹಿ ತುಳಸಿ ಮಧುಮೇಹ, ಅಧಿಕ ರಕ್ತದೊತ್ತಡ, ತಲೆಹೊಟ್ಟು, ಮೊಡವೆ ಮತ್ತು ಕೂದಲು ಉದುರುವಿಕೆಯಂತಹ ರೋಗಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಇದರ ಎಲೆಗಳನ್ನು ಇತ್ತೀಚೆಗೆ ಆಹಾರ ಸುರಕ್ಷತಾ ಇಲಾಖೆಯು ಆಹಾರದಲ್ಲಿ ಬಳಸಲು ಅನುಮೋದಿಸಿದೆ. ಇತ್ತೀಚಿನ ಕಾಪೆರ್Çರೇಟ್ ಹಗರಣಗಳ ಪರಿಣಾಮವಾಗಿ ಈ ಬೇಡಿಕೆ ಗಣನೀಯವಾಗಿ ಹೆಚ್ಚಿದೆ. ಕುಟುಂಬಶ್ರೀ ಜಿಲ್ಲಾ ಮಿಷನ್ ನೆರವಿನೊಂದಿಗೆ, ಮುಳಿಯಾರಿನಲ್ಲಿ ಪ್ರಾಯೋಗಿಕವಾಗಿ ಆರಂಭಿಸಿದ ಸಿಹಿ ತುಳಸಿ ಕೃಷಿಯು ಜಿಲ್ಲೆಯ ಇತರ ಭಾಗಗಳಿಗೂ ವಿಸ್ತರಿಸುವ ಸಾಧ್ಯತೆಯಿದೆ.

               ಮುಳಿಯಾರ್ ಪಂಚಾಯತ್ ಅಧ್ಯಕ್ಷ ಪಿವಿ ಮಿನಿ ಮತ್ತು ಕುಟುಂಬಶ್ರೀ ಜಿಲ್ಲಾ ಮಿಷನ್ ಸಂಯೋಜಕ ಟಿ.ಟಿ. ಸುರೇಂದ್ರನ್, ಎಡಿಎಂಸಿಗಳಾದ ಸಿಎಚ್ ಇಕ್ಬಾಲ್ ಮತ್ತು ಪ್ರಕಾಶನ್ ಪಾಲಾಯಿ ಅವರ ಸಲಹೆಗಳು ಮತ್ತು ಸಹಾಯವು ಸಿಹಿ ತುಳಸಿ ಕೃಷಿಯ ಯಶಸ್ಸಿನ ಹಿಂದೆ ಇದೆ.