ಪತ್ತನಂತಿಟ್ಟ: ತಿರುವಾಂಕೂರು ದೇವಸ್ವಂ ಬೋರ್ಡ್ ದೇವಸ್ಥಾನಗಳಲ್ಲಿ ಕಾಣಿಕೆ ದರವನ್ನು ಹೆಚ್ಚಿಸುವ ಪ್ರಕ್ರಿಯೆಯನ್ನು ಚುರುಕುಗೊಳಿಸಿದೆ. ಈ ಸಂಬಂಧ ವರದಿಯನ್ನು ಹೈಕೋರ್ಟ್‍ಗೆ ಸಲ್ಲಿಸಲಾಗಿದೆ. ವರದಿಯನ್ನು ಅನುಮೋದಿಸಿದರೆ, ದೇಣಿಗೆ ದರದಲ್ಲಿ ಶೇಕಡಾ ಐದರಿಂದ 25 ರಷ್ಟು ಹೆಚ್ಚಳವಾಗುತ್ತದೆ.
ಞoರೋನಾ ವಿಸ್ತರಣೆಯ ಹಿನ್ನೆಲೆಯಲ್ಲಿ ಶಬರಿಮಲೆ ಸೇರಿದಂತೆ ದೇವಸ್ಥಾನಗಳಿಗೆ ಭೇಟಿ ನೀಡುವವರ ಸಂಖ್ಯೆಯಲ್ಲಿ ತೀವ್ರ ಇಳಿಕೆ ಕಂಡುಬಂದಿದೆ. ಇದು ಮಂಡಳಿಯನ್ನು ತೀವ್ರ ಆರ್ಥಿಕ ಬಿಕ್ಕಟ್ಟಿಗೆ ಸಿಲುಕಿಸಿದೆ. ಇದನ್ನು ನಿವಾರಿಸಲು ಕಾಣಿಕೆ ದರವನ್ನು ಹೆಚ್ಚಿಸಲಾಗಿದೆ.
ವರದಿಯನ್ನು ನ್ಯಾಯಾಲಯವು ಅನುಮೋದಿಸಿದರೆ, ಹೊಸ ಕಾಣಿಕೆ ಸೇವಾ ದರ ಹೆಚ್ಚಳಗೊಂಡು ಜಾರಿಗೆ ಬರಲಿದೆ. ಪ್ರಸ್ತುತ, ಶಬರಿಮಲೆ ಸೇರಿದಂತೆ ದೇವಾಲಯಗಳು ಆನ್‍ಲೈನ್ ಸೇವೆಗಳನ್ನು ನೀಡುತ್ತವೆ. ಶಬರಿಮಲೆಯಲ್ಲಿ ರೂ .10 ತುಪ್ಪದ ಅಭಿಷೇಕದಿಂದ ರೂ .75,000 ಪಡಿಪೂಜೆಯವರೆಗೆ 57 ಕಾಣಿಕೆಗಳಿವೆ.
ಪ್ರಸ್ತುತ ಪರಿಸ್ಥಿತಿಯು ಉದ್ಯೋಗಿಗಳಿಗೆ ಸಂಬಳ ಪಾವತಿ ಸೇರಿದಂತೆ ಹಣವನ್ನು ಹೊಂದಿಸಲು ಸಾಧ್ಯವಾಗುತ್ತಿಲ್ಲ. ಇದಕ್ಕಾಗಿ ದೇವಸ್ವಂ ಮಂಡಳಿ ವಿವಿಧ ಉಪಕ್ರಮಗಳನ್ನು ಕೈಗೊಳ್ಳುತ್ತಿದೆ. ಹಣವನ್ನು ಸಂಗ್ರಹಿಸಲು ದೇವಸ್ಥಾನಗಳಲ್ಲಿ ಬಳಕೆಯಾಗದ ಪಾತ್ರೆಗಳನ್ನು ಮಾರಾಟ ಮಾಡಲು ನಿರ್ಧರಿಸಿದೆ.
DOCTYPE html>
.jpg)
