ಶ್ರೀಲಂಕಾದ ಡ್ರಗ್ ಕಳ್ಳಸಾಗಣೆಗೆ ಎರ್ನಾಕುಳಂನಲ್ಲಿ ಯೋಜನೆ: ಪಾಕಿಸ್ತಾನಿ ಪ್ರಜೆ ಪ್ರಮುಖ ಮಾರಾಟಗಾರ: ಮಾಹಿತಿ ಬಿಡುಗಡೆಮಾಡಿದ ಎನ್.ಐ.ಎ.

                ಕೊಚ್ಚಿ: ಶ್ರೀಲಂಕಾದ ಮಾದಕ ದ್ರವ್ಯ ಕಳ್ಳಸಾಗಣೆಗೆ ಎರ್ನಾಕುಳಂನಲ್ಲಿ ಯೋಜನೆ ರೂಪಿಸಲಾಗಿದೆ ಎಂದು ಎನ್.ಐ.ಎ ಹೇಳಿದೆ. ಮರೈನ್ ಡ್ರೈವ್‍ನಲ್ಲಿರುವ ಪೆಂಟಾ ಮೇನಕಾದಲ್ಲಿ ಹವಾಲಾ ವಹಿವಾಟು ನಡೆದಿರುವುದನ್ನು ಎನ್‍ಐಎ ಪತ್ತೆ ಮಾಡಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಎನ್.ಐ.ಎ ವಶಕ್ಕೆ ಪಡೆದ ಶ್ರೀಲಂಕಾ ಪ್ರಜೆ ಸುರೇಶ್ ರಾಜ್ ಹವಾಲಾ ಒಪ್ಪಂದದ ವ್ಯಕ್ತಿಯಾಗಿದ್ದಾನೆ. ಪುರಾವೆಗಳನ್ನು ಸಂಗ್ರಹಿಸಲು ಸುರೇಶ್ ರಾಜ್ ಅವರನ್ನು ಪೆಂಟ್ ಮೇನಕಾಗೆ ಕರೆದುಕೊಂಡು ಹೋಗಲು ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಎನ್ ಐ ಎ ತಿಳಿಸಿದೆ.

                       ಏತನ್ಮಧ್ಯೆ, ತಮಿಳುನಾಡಿನಲ್ಲಿ ಲಿಬರೇಶನ್ ಟೈಗರ್ಸ್ ಆಫ್ ತಮಿಳ್ ಈಳಂ (ಎಲ್ ಟಿಟಿಇ) ಗುಂಪುಗಳು ಸಕ್ರಿಯವಾಗಿರುವುದನ್ನು ಎನ್.ಐ.ಎ ಪತ್ತೆ ಮಾಡಿದೆ. ಅವರು ಪಾಕಿಸ್ತಾನ-ಶ್ರೀಲಂಕಾಗಳ ಡ್ರಗ್ಸ್ ವ್ಯಾಪಾರವನ್ನು ನಿಯಂತ್ರಿಸುತ್ತಾರೆ. ಗುಂಪಿನ ಮುಖ್ಯ ಪ್ರದೇಶಗಳು ಶ್ರೀಲಂಕಾದ ಹಂಬಂಟೋಟ ಬಂದರು, ತಮಿಳುನಾಡಿನ ತೀರಗಳು ಮತ್ತು ಲಕ್ಷದ್ವೀಪದ ನಿರ್ಜನ ದ್ವೀಪಗಳು.

                  ಡ್ರಗ್ ಕಳ್ಳಸಾಗಣೆ ಮಾಫಿಯಾವನ್ನು ಪಾಕಿಸ್ತಾನಿ ಪ್ರಜೆಯೊಬ್ಬರು ನಿಯಂತ್ರಿಸುತ್ತಾರೆ ಎಂದು ತಿಳಿದುಬಂದಿದೆ. ಆತನ ಬಗ್ಗೆ ವಿವರಗಳನ್ನು ಪಡೆದಿದ್ದೇವೆ ಎಂದು ಎನ್.ಐ.ಎ ಅಧಿಕಾರಿಗಳು ತಿಳಿಸಿದ್ದಾರೆ. ಈ ಮೊದಲು, ಅಂತರಾಷ್ಟ್ರೀಯ ಮಾದಕವಸ್ತು ಕಳ್ಳಸಾಗಣೆ ಗ್ಯಾಂಗ್ ಕೇರಳದೊಂದಿಗೆ ಸಂಪರ್ಕ ಹೊಂದಿದೆ ಎಂದು ವರದಿಯಾಗಿತ್ತು. ತನಿಖೆಯ ಸಮಯದಲ್ಲಿ ಎನ್.ಐ.ಎ ನಿರ್ಣಾಯಕ ಮಾಹಿತಿಯನ್ನು ಪಡೆದುಕೊಂಡಿದೆ.