ಕೊಚ್ಚಿ: ಹಲವು ವರ್ಷಗಳ ವ್ಯಾಪಾರ ಹಿನ್ನೆಲೆ, ಅನುಭವ ಹೊಂದಿರುವ ನ್ಯಾಷನಲ್ ಪೇಂಟ್ಸ್, ಕೈಟೆಕ್ಸ್ ಗ್ರೂಪ್ ನಂತೆಯೇ ಕೇರಳವನ್ನು ತೊರೆಯುವ ನಿರ್ಧಾರ ಪ್ರಕಟಿಸಿದೆ. ಅಂಗಮಾಲಿಯಲ್ಲಿರುವ ಕಂಪನಿಯ ಸಯೆಗ್ ಪೇಂಟ್ ಕಾರ್ಖಾನೆಯಲ್ಲಿ ಸಿಐಟಿಯು ನಡೆಸಿದ ಮುಷ್ಕರದಿಂದ ಕಂಗೆಟ್ಟು ಈ ನಿರ್ಧಾರಕ್ಕೆ ಬರಲು ಕಾರಣವಾಯಿತು.
ಸಿಐಟಿಯು ನೇತೃತ್ವದ ಕಾರ್ಖಾನೆ ಕಾರ್ಮಿಕರ ಸಂಘವು ವೇತನ ಹೆಚ್ಚಳಕ್ಕಾಗಿ ಫೆಬ್ರವರಿ 22 ರಿಂದ ಮುಷ್ಕರ ನಡೆಸುತ್ತಿದೆ. ಕೆಲಸಕ್ಕೆ ಹೋಗಲು ತಯಾರಾಗಿದ್ದ ಕಾರ್ಮಿಕರ ಮೇಲೆ ಹಲ್ಲೆ ನಡೆಸಲಾಗಿದೆ. ಕಾರ್ಖಾನೆಯನ್ನು 22 ದಿನಗಳವರೆಗೆ ಮುಚ್ಚುವಂತೆ ಒತ್ತಾಯಿಸಲಾಯಿತು. ಕೇವಲ 14 ಸದಸ್ಯರ ಒಕ್ಕೂಟದ ನೇತೃತ್ವದಲ್ಲಿ ಮುಷ್ಕರ ನಡೆಸಲಾಯಿತು.
ಮುಷ್ಕರದ ಕೊನೆಯಲ್ಲಿ ಪಕ್ಷದ ಜಿಲ್ಲಾ ನಾಯಕತ್ವದೊಂದಿಗೆ ನಡೆಸಿದ ಮಾತುಕತೆಯಲ್ಲಿ, ನಷ್ಟದಲ್ಲಿರುವ ಕಂಪನಿಯು ಕೊರೋನಾ ಬಿಕ್ಕಟ್ಟಿನ ಹೊರತಾಗಿಯೂ, ದೀರ್ಘಾವಧಿಯ ಪರಿಹಾರದ ಭಾಗವಾಗಿ ಮುಂದಿನ ಮೂರು ವರ್ಷಗಳಲ್ಲಿ 42 ಶೇಕಡಾ ವೇತನ ಹೆಚ್ಚಳಕ್ಕೆ ಒಪ್ಪಿಕೊಂಡಿತು. ಆದರೆ ಕಾರ್ಮಿಕ ನೇತಾರರು ಒಪ್ಪಂದಕ್ಕೆ ಸಹಿ ಹಾಕಲು ಮುಂದಾದ ವೇಳೆ ಕಂಪನಿಯು ಭವಿಷ್ಯ ನಿಧಿಯಲ್ಲಿ ಕಾನೂನುಬದ್ಧವಾಗಿ ಪಾವತಿಸಬೇಕಾದ ಮೊತ್ತವನ್ನು ಕಾರ್ಮಿಕರ ಕೈಗೆ ನೇರವಾಗಿ ನೀಡಬೇಕು ಎಂಬ ವಿಲಕ್ಷಣ ವಾದವನ್ನು ಮಂಡಿಸಿತು.
ಕಂಪನಿಯ ಜನರಲ್ ಮ್ಯಾನೇಜರ್ ಘೇರಾವ್ ಅವರನ್ನು ಬೆಳಿಗ್ಗೆ 11 ರಿಂದ ರಾತ್ರಿ 9 ರವರೆಗೆ ದಿಗ್ಬಂಧನಗೊಳಿಸಲಾಯಿತು. ಇಂತಹ ನಿರಂತರ ಹಿಂಸಾತ್ಮಕ ನಡೆಗಳಿಂದ ಬೇಸತ್ತಿರುವ ಕಾರಣ ಕಂಪನಿಯು ಕೇರಳವನ್ನು ತೊರೆಯಲು ಸಿದ್ಧತೆ ನಡೆಸಿದೆ. ಈ ವರ್ಷದ ಕೊನೆಯಲ್ಲಿ ಸ್ಥಳಾಂತರಗೊಳ್ಳಲಿದೆ.
ಈ ಹಿಂದೆ ರಾಜಕೀಯ ನಾಯಕತ್ವದ ಅಸಮಾಧಾನದಿಂದಾಗಿ ಕೈಟೆಕ್ಸ್ ಗ್ರೂಪ್ ರೂ .3,500 ಕೋಟಿ ಹೂಡಿಕೆ ಯೋಜನೆಯಿಂದ ಹಿಂದೆ ಸರಿಯಿತು. ಕೇರಳದಿಂದ ಹಿಂತೆಗೆದುಕೊಂಡ ನಂತರ, ಅವರು ಅದೇ ಯೋಜನೆಗಾಗಿ ತೆಲಂಗಾಣ ವನ್ನು ಸಂಪರ್ಕಿಸಿದರು ಮತ್ತು ಅಲ್ಲಿ ಹೂಡಿಕೆ ಮಾಡಲು ಒಪ್ಪಿದರು. 35,000 ಜನರಿಗೆ ನೇರವಾಗಿ ಉದ್ಯೋಗ ನೀಡಬಹುದಾದ ಈ ಯೋಜನೆಯು ರಾಜ್ಯ ಸರ್ಕಾರದ ಹಿಡಿತದಿಂದ ನಷ್ಟವಾಯಿತು. ಇದರ ನಂತರ ಇದೀಗ ನೇಶನಲ್ ಪೇಂಟ್ಸ್ ಗೂ ಇದೇ ಗತಿ ಬಂದೊದಗಿರುವುದು ಕೇರಳ ಹೂಡಿಕೆ ಸ್ನೇಹಿ ರಾಜ್ಯವಲ್ಲ. ಮತ್ತು ಕೇರಳದಕಲ್ಲಿ ಯಾವ ಕಾಲಕ್ಕೂ ಬೃಹತ್ ಯೋಜನೆಗಳಾವುದೂ ಯಶಸ್ವಿಯಾಗದು ಎಂಬುದರ ದ್ಯೋತಕವಾಗಿದ್ದು, ಯುವ ಸಮುದಾಯ ಹತಾಶೆಗೊಳಗಾಗಿದ್ದಾರೆ.
DOCTYPE html>
