ಅ.2 ರಂದು ಕನ್ನಡ ಭವನದ ವಿಂಶತಿ ವರ್ಷಾಚರಣೆಗೆ ಚಾಲನೆ

            ಕಾಸರಗೋಡು :  20 ನೇ ವರ್ಷಕ್ಕೆ ಹೆಜ್ಜೆಯಿಡುತ್ತಿರುವ ಕಾಸರಗೋಡು ನುಳ್ಳಿಪ್ಪಾಡಿಯ ಸೀತಮ್ಮ ಪುರುಷ ನಾಯಕ ಸ್ಮಾರಕ ಕನ್ನಡ ಭವನ ಗ್ರಂಥಾಲಯದ ವಿಂಶತಿ ವರ್ಷಾಚರಣೆಯ ಅಂಗವಾಗಿ ವರ್ಷಪೂರ್ತಿ 20 ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ. 

                  ಶ್ರೀಮದ್ ಎಡನೀರು ಮಠಾಧೀಶ ಶ್ರೀ ಸಚ್ಚಿದಾನಂದ ಭಾರತಿ ಶ್ರೀಪಾದಂಗಳವರು ಆಶೀರ್ವದಿಸಿ ಚಾಲನೆ ನೀಡಿ ಇದರ ಪ್ರಥಮ ಹಂತವಾಗಿ ಗುರುನಮನ ಕಾರ್ಯಕ್ರಮದೊಂದಿಗೆ ನಡೆಯಲಿದೆ.  ಅಕ್ಟೋಬರ್ 2 ಗಾಂಧಿ ಜಯಂತಿಯಂದು ಹಿರಿಯ ಕನ್ನಡ ಹೋರಾಟಗಾರ, ಶಿಕ್ಷಣ ತಜ್ಞ ಪುರುಷೋತ್ತಮ ಮಾಸ್ತರ್ ಕಾಳ್ಯಂಗಾಡು ಅವರಿಗೆ ಗುರುನಮನ ಸಲ್ಲಿಸುವುದರೊಂದಿಗೆ ವಿಂಶತಿ ವರ್ಷಾಚರಣೆಗೆ ಚಾಲನೆ ನೀಡಲಾಗುವುದು. ಬಳಿಕ ಕಾಸರಗೋಡು ನಗರಸಭಾ ಮಾಜಿ ಉಪಾಧ್ಯಕ್ಷ, ಕನ್ನಡ ಮುಂದಾಳು ಕೆ.ಸುಂದರ ರಾವ್, ಶಿಕ್ಷಣ ತಜ್ಞ ಸುಂದರ ಶೆಟ್ಟಿ ಮಾಸ್ತರ್ ಅವರಿಗೆ ಗುರು ನಮನ ನೀಡಿ ಗೌರವಿಸಲು ಕನ್ನಡ ಭವನ ಗ್ರಂಥಾಲಯ ತೀರ್ಮಾನಿಸಿದೆ.