ಸರ್ಕಾರಿ ನೌಕರರ ನಿವೃತ್ತಿ ವಯಸ್ಸನ್ನು 57 ಕ್ಕೆ ಹೆಚ್ಚಳ: ಕೆಲಸದ ದಿನವನ್ನು ವಾರಕ್ಕೆ ಐದು ಕ್ಕೆ ಇಳಿಸಲು ಶಿಫಾರಸು

                                                  

                     ತಿರುವನಂತಪುರಂ: ರಾಜ್ಯ ಸರ್ಕಾರಿ ನೌಕರರ ಪಿಂಚಣಿ ವಯಸ್ಸನ್ನು ಹೆಚ್ಚಿಸುವುದು ಸೇರಿದಂತೆ 11 ನೇ ವೇತನ ಸುಧಾರಣಾ ಆಯೋಗವು ಮುಖ್ಯಮಂತ್ರಿಗೆ ಅಂತಿಮ ವರದಿಯನ್ನು ಹಸ್ತಾಂತರಿಸಿದೆ. ನೌಕರರ ಪಿಂಚಣಿ ವಯಸ್ಸನ್ನು 57 ಕ್ಕೆ ಏರಿಸುವುದು ಮುಖ್ಯ ಶಿಫಾರಸು ಆಗಿದೆ. ಸೇವೆಯಲ್ಲಿ ಮರಣ ಹೊಂದಿದವರ ಕುಟುಂಬಗಳಿಗೆ ಸಂಪೂರ್ಣ ಪಿಂಚಣಿ ನೀಡುವಂತೆಯೂ ಆಯೋಗ ಶಿಫಾರಸು ಮಾಡಿದೆ.

                       ಇನ್ನೊಂದು ಪ್ರಸ್ತಾಪವೆಂದರೆ ಸರ್ಕಾರಿ ನೌಕರರ ಕೆಲಸದ ದಿನವನ್ನು ವಾರಕ್ಕೆ ಐದು ಕ್ಕೆ ಇಳಿಸುವುದಾಗಿದೆ. ಅದಕ್ಕೆ ತಕ್ಕಂತೆ ಕೆಲಸದ ಸಮಯವನ್ನು ಹೆಚ್ಚಿಸಲಾಗುತ್ತದೆ.  ಸರ್ಕಾರಿ ಕಚೇರಿಗಳು ಪ್ರಸ್ತುತ ಬೆಳಿಗ್ಗೆ 10 ರಿಂದ ಸಂಜೆ 5 ರವರೆಗೆ ಕಾರ್ಯನಿರ್ವಹಿಸುತ್ತದೆ.  ಮಧ್ಯಾಹ್ನ 1.15 ರಿಂದ 2 ರವರೆಗೆ ಊಟದ ವಿರಾಮ ಇದೆ. ಕೆಲಸದ ದಿನವನ್ನು ಕುಸಿತಗೊಳಿಸುವ ಬದಲು, ಕೆಲಸದ ಸಮಯವನ್ನು ಬೆಳಿಗ್ಗೆ 9.30 ರಿಂದ ಸಂಜೆ 5.30 ರವರೆಗೆ ವಿಸ್ತರಿಸಲು ಸೂಚಿಸಲಾಗಿದೆ. 

                  ಸರ್ಕಾರಿ ಅನುದಾನಿತ ಶಾಲೆಗಳಲ್ಲಿ ಖಾಲಿ ಇರುವ ಹುದ್ದೆಗಳ ಬಗೆಗಿನ ಜಾಹೀರಾತನ್ನು ಎರಡು ಜನಪ್ರಿಯ ಮಲಯಾಳಂ ಪತ್ರಿಕೆಗಳಲ್ಲಿ ಪ್ರಕಟಿಸಬೇಕು. ಖಾಲಿ ಇರುವ ಹುದ್ದೆಗಳನ್ನು ಶಿಕ್ಷಣ ಇಲಾಖೆ ಮತ್ತು ಶಾಲೆಯ ವೆಬ್‍ಸೈಟ್‍ನಲ್ಲಿ ಪ್ರಕಟಿಸಬೇಕು. ಆಯ್ಕೆ ಸಮಿತಿಯು ಆಡಳಿತ, ವಿಶ್ವವಿದ್ಯಾಲಯ ಮತ್ತು ಸರ್ಕಾರದ ಪ್ರತಿನಿಧಿಗಳನ್ನು ಹೊಂದಿರಬೇಕು. ಅಪಾಯಿಂಟ್‍ಮೆಂಟ್ ಸಂದರ್ಶನದ ಆಡಿಯೋ ಮತ್ತು ವಿಡಿಯೋವನ್ನು ನಕಲು ಮಾಡಿ ಇಟ್ಟುಕೊಳ್ಳಬೇಕು. ನೇಮಕಾತಿಗೆ ಸಂಬಂಧಿಸಿದ ದೂರುಗಳನ್ನು ಪರಿಶೀಲಿಸಲು ಓಂಬುಡ್ಸ್‍ಮನ್‍ನನ್ನು ನೇಮಿಸಬೇಕು ಎಂದು ಸೂಚಿಸಲಾಗಿದೆ.

                  ವರ್ಷದ ರಜಾದಿನಗಳನ್ನು 12 ಕ್ಕೆ ಇಳಿಸಲು ಸ|ಊಚಿಸಲಾಗಿದೆ. ಜನರ ಜೀವನದ ಮೇಲೆ ಪ್ರಭಾವ ಬೀರುವ ಆಚರಣೆಗಳು ಅಥವಾ ಇತರ ಚಟುವಟಿಕೆಗಳಿದ್ದರೆ ಮಾತ್ರ ಸ್ಥಳೀಯ ರಜಾದಿನಗಳನ್ನು ಅನುಮತಿಸಬೇಕು. ಉದ್ಯೋಗ ಲಭಿಸುವ ಮಿತಿಯನ್ನು 30 ವರ್ಷಕ್ಕೆ ಇಳಿಸಬೇಕು. ಪ್ರತಿಯೊಂದು ಇಲಾಖೆಯು ಮನೆಯಿಂದಲೇ ನಿರ್ವಹಿಸಬಹುದಾದ ಕೆಲಸಗಳನ್ನು ಹುಡುಕಬೇಕು. ಉದ್ಯೋಗಿಗಳಿಗೆ ಮನೆಯಿಂದ ಕೆಲಸ ಮಾಡಲು ಪರ್ಯಾಯ ಅವಕಾಶಗಳನ್ನು ನೀಡಬೇಕೆಂದು ಆಯೋಗವು ಶಿಫಾರಸು ಮಾಡಿದೆ.