ನಿಪ್ಪಾ ವೈರಸ್ ಸೋಂಕು ರಾಂಬುಟಾನ್ ನಿಂದ ಖಚಿತ: ಆರೋಗ್ಯ ಸಚಿವೆ

                ಕೋಯಿಕ್ಕೋಡ್: ಚಾತ್ತಮಂಗಲಂನ  12 ರ ಹರೆಯದ ಬಾಲಕನಿಗೆ ನಿಪ್ಪಾ ವೈರಸ್ ಸೋಂಕು ತಗಲಲು ರಾಂಬುಟಾನ್ ಕಾರಣ ಖಚಿತ ಎಂದು ಆರೋಗ್ಯ ಇಲಾಖೆ ನಿಖರಪಡಿಸಿದೆ.  ಬಾವಲಿಗಳಿಗೆ  ರಾಂಬುಟಾನ್ ಮರಗಳು ದೊಡ್ಡ ಆವಾಸಸ್ಥಾನಗಳಾಗಿರುವುದು ಈ ಪ್ರದೇಶದಲ್ಲಿ ಕಂಡುಬಂದಿವೆ. ಮಗು ರಾಂಬುಟಾನ್ ಸೇವಿಸಿತ್ತು. ಇದರ ಜೊತೆಗೆ, ಮಗುವಿನೊಂದಿಗೆ ಸಂಪರ್ಕದಲ್ಲಿರುವ ಇತರರ ಫಲಿತಾಂಶವು ಋಣಾತ್ಮಕವಾಗಿದೆ. ಇದು ರಾಂಬುಟಾನ್ ಮತ್ತು ಬಾವಲಿಗಳು ರೋಗದ ಕಾರಣ ಎಂಬ ತೀರ್ಮಾನಕ್ಕೆ ಕಾರಣವಾಗಿದೆ ಎಂದು ಆರೋಗ್ಯ ಇಲಾಖೆಯ  ಮೂಲಗಳು ತಿಳಿಸಿವೆ.

                   ಮೃತ ಬಾಲಕ ಸಂಬಂಧಿಕರ ಮನೆಯಿಂದ ರಾಂಬುಟಾನ್ ಸೇವಿಸಿದ್ದ. ಈ ಪ್ರದೇಶದಿಂದ ಒಂಬತ್ತು ಬಾವಲಿಗಳ ಮಾದರಿಗಳನ್ನು ಸಂಗ್ರಹಿಸಲಾಗಿದೆ ಎಂದು ಆರೋಗ್ಯ ಸಚಿವರು ತಿಳಿಸಿದ್ದಾರೆ. ರಾಜ್ಯ ಮೊದಲ ನಿಪ್ಪಾ ಕಾಲಘಟ್ಟಕ್ಕಿಂತ ಇಂದು ಸಾಕಷ್ಟು ಬದಲಾಗಿದೆ. ಮತ್ತು ಜನರು ಕ್ಯಾರೆಂಟೈನ್, ಸಾಮಾಜಿಕ ಅಂತರದಂತಹ ಸಮಸ್ಯೆಗಳನ್ನು ಅರಿತುಕೊಂಡಿದ್ದು ಇದು ರಕ್ಷಣಾ ಚಟುವಟಿಕೆಗಳನ್ನು ತೀವ್ರಗೊಳಿಸಿದೆ.

                ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜಿನಲ್ಲಿ ನಿಪ್ಪಾ ಲ್ಯಾಬ್ ನ್ನು ತುರ್ತಾಗಿ ಸ್ಥಾಪಿಸಿರುವುದರಿಂದ ರೋಗನಿರ್ಣಯವನ್ನು ಸುಲಭಗೊಳಿಸಿದೆ ಮತ್ತು ತಡೆಗಟ್ಟುವ ಕ್ರಮಗಳನ್ನು ಬಲಪಡಿಸಿದೆ. 10ಮಂದಿಯ ಋಣಾತ್ಮಕ ಪರೀಕ್ಷಾ ಫಲಿತಾಂಶಗಳು ತಾತ್ಕಾಲಿಕ ಪರಿಹಾರವಾಗಿದ್ದರೂ, ರೋಗದ ಮೂಲವನ್ನು ಸಂಪೂರ್ಣವಾಗಿ ಗುರುತಿಸುವವರೆಗೂ ತೀವ್ರ ಎಚ್ಚರಿಕೆ ಅಗತ್ಯ ಎಂದು ಸಚಿವರು ಹೇಳಿದರು.