ಕೋಝಿಕ್ಕೋಡ್ ನಿಂದ ಸಂಗ್ರಹಿಸಿದ ಮಾದರಿಗಳಲ್ಲಿ ನಿಪಾ ಇರುವಿಕೆ ಪತ್ತೆ: ಗುರುತಿಸಿಕೊಂಡ ಪ್ರತಿಕಾಯ

0 samarasasudhi ಸೆಪ್ಟೆಂಬರ್ 29, 2021

ಕೋಝಿಕೋಡ್: ಬಾವಲಿಗಳಲ್ಲಿ ನಿಪಾ ವೈರಸ್ ಇರುವಿಕೆ ಕೊನೆಗೂ ದೃಢಪಟ್ಟಿದೆ. ಕೋಝಿಕೋಡ್ ನಿಂದ ಸಂಗ್ರಹಿಸಿದ ಬಾವಲಿಗಳಲ್ಲಿ ನಿಪಾ ಪತ್ತೆಯಾಗಿದೆ. ನಿಪಾ ವಿರುದ್ಧದ ಪ್ರತಿಕಾಯವು ಎರಡು ಜಾತಿಯ ಬಾವಲಿಗಳಲ್ಲಿ ಕಂಡುಬಂದಿದೆ. ನಿಪಾ ವೈರಸ್ ಇರುವುದರಿಂದ ಈ ಬಾವಲಿಗಳಲ್ಲಿ ಪ್ರತಿಕಾಯಗಳು ಕಂಡುಬಂದಿವೆ. ವಿವಿಧ ವಿಭಾಗಗಳನ್ನು ಸಂಯೋಜಿಸುವ ಮೂಲಕ ಈ ವಿಷಯದ ಕುರಿತು ಹೆಚ್ಚಿನ ಅಧ್ಯಯನದ ಅಗತ್ಯವಿದೆ ಎಂದು ತಜ್ಞರು ಗಮನಸೆಳೆದಿರುವರು.

ಪುಣೆ ವೈರಾಲಜಿ ಸಂಸ್ಥೆಯಿಂದ ಫಲಿತಾಂಶಗಳು ಬಂದಿವೆ. ಕೆಲವು ಮಾದರಿಗಳ ಪರೀಕ್ಷಾ ಫಲಿತಾಂಶಗಳು ಇನ್ನಷ್ಟೇ ಹೊರಬೀಳಬೇಕಿದೆ. ಕೋಝಿಕೋಡ್ ಜಿಲ್ಲೆಯಲ್ಲಿ ಸೆಪ್ಟೆಂಬರ್ 5 ರಂದು 12 ವರ್ಷದ ಬಾಲಕ ನಿಪಾ ದಿಂದ ಮೃತಪಟ್ಟಿದ್ದ. ಆ ಬಳಿಕ, ಮಗುವಿನ ಮನೆ ಇರುವ ಚಾತ್ತಮಂಗಲಂ ಮತ್ತು ಹತ್ತಿರದ ಪ್ರದೇಶಗಳಿಂದ ಬಾವಲಿಗಳನ್ನು ಹಿಡಿಯಲಾಯಿತು ಮತ್ತು ಜೊಲ್ಲಿನ ಮಾದರಿಗಳನ್ನು ಪರೀಕ್ಷೆಗೆ ಕಳುಹಿಸಲಾಗಿತ್ತು. ಪರೀಕ್ಷಾ ಮಾದರಿಗಳನ್ನು ಕೇಂದ್ರ ತಂಡ ನೇರವಾಗಿ ಸಂಗ್ರಹಿಸಿತ್ತು.