ತ್ರಿಶೂರ್: ಗುರುವಾಯೂರು ದೇವಸ್ಥಾನದ ಬಳಿ ಇರುವ ಪುತೇರಿ ಬಂಗಲೆ ತನ್ನ ಹಳೆಯ ವೈಭವದಲ್ಲಿ ಗಮನ ಸೆಳೆಯುತ್ತಿದೆ. ಕಿಜಕೇನದ ಆಡಳಿತಾಧಿಕಾರಿಯ ನಿವಾಸವಾಗಿ ಬಳಕೆಯಾಗುತ್ತಿರುವ ಪುತೇರಿ ಬಂಗಲೆಯನ್ನು ಹೈಟೆಕ್ ಭೋಜನ ಶಾಲೆಗೆ ದಾರಿ ಮಾಡಿಕೊಡಲು ನೆಲಸಮ ಮಾಡಲಾಗುತ್ತಿದೆ. ದೇವಸ್ವಂ ಅಧಿಕಾರಿಗಳ ಪ್ರಕಾರ, ಟೆಂಡರ್ ಪ್ರಕ್ರಿಯೆ ಪೂರ್ಣಗೊಂಡಿದೆ. ಆದರೆ ಅತ್ಯಾಧುನಿಕ ನಾಲ್ಕು ಅಂತಸ್ತಿನ ಊಟದ ಹಾಲ್‍ಗಾಗಿ ಪುತೇರಿ ಬಂಗಲೆಯನ್ನು ಕೆಡವಬಾರದೆಂದು ಭಕ್ತರು ಮತ್ತು ಸ್ಥಳೀಯರು ಒತ್ತಾಯಿಸಿದ್ದಾರೆ.
ಪ್ರಸ್ತುತ, ಅನ್ನಲಕ್ಷ್ಮಿ ಹಾಲ್ ಮತ್ತು ಉರುಳು ಸೇವೆಯ ಅಷ್ಟಮಿರೋಹಿಣಿ ಕಟ್ಟಡ ಮತ್ತು ಗಂಜಿ ವಿತರಣೆ ಕೊಠಡಿಯನ್ನು ಪ್ರತ್ಯೇಕವಾಗಿ ನಿರ್ಮಿಸಲಾಗಿದೆ. ಸಾಮಾನ್ಯ ತಾತ್ಕಾಲಿಕ ಟೆಂಟ್ ಇರುವ ಸ್ಥಳದಲ್ಲಿಯೇ ಹೆಚ್ಚು ಅನುಕೂಲಕರವಾಗಿ ನಿರ್ಮಿಸಲಾಗಿದೆ. ಸೌಲಭ್ಯಗಳ ಜೊತೆಗೆ, ಪುತೇರಿ ಬಂಗಲೆಯನ್ನು ನೆಲಸಮ ಮಾಡಲಾಗುತ್ತಿದೆ ಮತ್ತು `32 ಕೋಟಿ ವೆಚ್ಚದಲ್ಲಿ ನೂತನ ಭೋಜನಗೃಹ ನಿರ್ಮಿಸಲಾಗುತ್ತಿದೆ. ಶೋಭಾ ಡೆವಲಪರ್ ಸಂಸ್ಥೆ ಯೋಜನೆ ಮತ್ತು ಸ್ಕೆಚ್ ನ್ನು ಉಚಿತವಾಗಿ ಭರಿಸಲಿದೆ ಎಂದು ತಿಳಿದುಬಂದಿದೆ.
ಈ ಬಂಗಲೆ ಕೋಝಿಕ್ಕೋಡ್‍ನ ಶ್ರೀಮಂತ ಕುಟುಂಬವಾದ ಪುತೇರಿ ಕುಟುಂಬಕ್ಕೆ ಸೇರಿತ್ತು. ಬಂಗಲೆಯ ಮಾಲೀಕ ಭಾಗ್ಯನಾಥ್, ಹಳೆಯ ಕಾಲದ ಪ್ರಸಿದ್ಧ ಜಾದೂಗಾರ ಮತ್ತು ನಟಿ ವಿಧುಬಾಲಾ ಅವರ ಪತಿ. ಪುತೇರಿ ಬಂಗಲೆ ವಾಸ್ತುಶಿಲ್ಪ ಮತ್ತು ಸುಂದರ ಕಾರಿಡಾರ್‍ಗಳಿಗೆ ಹೆಸರುವಾಸಿಯಾಗಿದೆ. ಕೋಝಿಕ್ಕೋಡ್ ಜಾಮೊರಿನ್ ಕುಟುಂಬದ ಅತಿಥಿಗಳು ಗುರುವಾಯೂರನ್ನು ತಲುಪಿದಾಗ, ಅವರು ಇಲ್ಲಿ ತಂಗಿದ್ದರು. ಆದರೆ ನಂತರ ಆ ಬಂಗಲೆಯನ್ನು ದೇವಸ್ವಂ ಸ್ವಾಧೀನಪಡಿಸಿಕೊಂಡಿತು.
ಹಳೆಯ ಬಂಗಲೆಯನ್ನು ಕೆಡವಿ ಬಹುಮಹಡಿ ಕಟ್ಟಡ ನಿರ್ಮಿಸುವ ನಿರ್ಧಾರವನ್ನು ಕೈಬಿಟ್ಟು ಪರಂಪರೆಯ ಸ್ಮಾರಕವಾಗಿ ಉಳಿಸಿಕೊಳ್ಳಬೇಕು ಎಂದು ಭಕ್ತರು ಆಗ್ರಹಿಸಿರುವರು. ಅನಗತ್ಯವಾದ ಪ್ರಮುಖ ದುರಸ್ಥಿ ನಡೆಸುವ ಹೆಸರಿನಲ್ಲಿ ಭಾರೀ ಭ್ರಷ್ಟಾಚಾರವನ್ನು ಗುರಿಯಾಗಿಸಲಾಗುತ್ತಿದೆ ಎಂಬ ಆರೋಪಗಳೂ ಇವೆ. ಬಂಗಲೆಯನ್ನು ಕೆಡವಿ ದೊಡ್ಡಭೋಜನ ಗೃಹ ನಿರ್ಮಾಣಗೊಂಡ ಬಳಿಕ ಅನ್ನಲಕ್ಷ್ಮಿ ಹಾಲ್ ನ್ನು ನೆಲಸಮ ಮಾಡಲಾಗುತ್ತದೆ ಎಂದು ತಿಳಿದುಬಂದಿದೆ.
DOCTYPE html>
.jpg)
