ಕೇರಳದಿಂದ ತೆರಳುವವರಿಗೆ ಕರ್ನಾಟಕವು ಹೆಚ್ಚಿನ ನಿಯಂತ್ರಣವನ್ನು ತರುತ್ತಿರುವುದು ಆತಂಕಕಾರಿ: ಶಾಸಕ ಎ. ಕೆ. ಎಂ ಅಶ್ರಫ್

    

                 ಮಂಜೇಶ್ವರ: ಕೇರಳದಿಂದ ತೆರಳುವ  ಪ್ರಯಾಣಿಕರಿಗೆ ಕರ್ನಾಟಕ ಹೆಚ್ಚಿನ ನಿರ್ಬಂಧಗಳನ್ನು ತರಲು ಮುಂದಾಗಿದೆ.  ಕೇರಳದಲ್ಲಿ ಹೆಚ್ಚುತ್ತಿರುವ ಕೋವಿಡ್ ದರಗಳ ಹಿನ್ನೆಲೆಯಲ್ಲಿ ಕರ್ನಾಟಕವು ಕೇರಳದಿಂದ ಬರುವ ಪ್ರಯಾಣಿಕರಿಗೆ ಏಳು ದಿನಗಳ ಕಡ್ಡಾಯ ಕ್ವಾರಂಟೈನ್ ನ್ನು ಘೋಷಿಸಿದೆ. ಆದರೆ ಕರ್ನಾಟಕ ಮುಖ್ಯ ಕಾರ್ಯದರ್ಶಿಯಾಗಲಿ ಅಥವಾ ಜಿಲ್ಲಾಧಿಕಾರಿಯಾಗಲಿ ಈ ಬಗ್ಗೆ ಅಧಿಕೃತ ಆದೇಶ ಹೊರಡಿಸದಿರುವುದು ಕಳವಳಕಾರಿಯಾಗಿದೆ. ಕೇಂದ್ರ ಸರ್ಕಾರದ ನಿರ್ದೇಶನವನ್ನು ವ್ಯಾಪಕವಾಗಿ ಉಲ್ಲಂಘಿಸುತ್ತಿರುವ ಕರ್ನಾಟಕದ ಅಧಿಕಾರಿಗಳ ವರ್ತನೆ, ಸಂಪೂರ್ಣವಾಗಿ ಖಂಡನೀಯ ಎಂದು ಮಂಜೇಶ್ವರ ಶಾಸಕ ಎಕೆಎಂ ಅಶ್ರಫ್ ಮಾಧ್ಯಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

             ಈ ನಿಟ್ಟಿನಲ್ಲಿ ಕರ್ನಾಟಕಕ್ಕೆ ತೆರಳುವವರು ಆರ್‍ಟಿ ಪಿಸಿಆರ್ ಋಣಾತ್ಮಕ ಪ್ರಮಾಣಪತ್ರ ಮತ್ತು ಲಸಿಕೆ ಪ್ರಮಾಣ ಪತ್ರಗಳನ್ನು ಹೊರತುಪಡಿಸಬೇಕು ಎಂದು ಶಾಸಕರು ಒತ್ತಾಯಿಸಿದ್ದು, ಈ ವಿಷಯಗಳಲ್ಲಿ ಕರ್ನಾಟಕ ತಕ್ಷಣ ಕ್ರಮ ಕೈಗೊಳ್ಳಬೇಕು ಎಂದು ಕೋರಿ ಕೇರಳ ಮತ್ತು ಕರ್ನಾಟಕದ ಮುಖ್ಯಮಂತ್ರಿಗಳಿಗೆ ಹಾಗೂ ಮುಖ್ಯ ಕಾರ್ಯದರ್ಶಿಗಳಿಗೆ ಶಾಸಕರು ಇ-ಮೇಲ್ ಕಳುಹಿಸಿದ್ದಾರೆ.