ಘೋಷಣೆಗಷ್ಟೇ ಸೀಮಿತ: ಉದ್ಘಾಟನೆಗೊಂಡು ಎರಡೂವರೆ ವರ್ಷ ಕಳೆದರೂ ಕಾರ್ಯಾಚರಿಸದ ವೈರಾಲಜಿ ಇನ್ಸ್ಟಿಟ್ಯೂಟ್

                                                              

                           ತಿರುವನಂತಪುರಂ: ಎರಡೂವರೆ ವರ್ಷಗಳ ಹಿಂದೆ ಉದ್ಘಾಟನೆಗೊಂಡ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿ (ಐಐವಿ) ರಾಜ್ಯದ ಕೊರೋನಾ ಮತ್ತು ನಿಪ್ಪಾ ಭಯದ ಹೊರತಾಗಿಯೂ ಕಾರ್ಯನಿರ್ವಹಿಸಲು ಆರಂಭಿಸಿಲ್ಲ. ರೋಗನಿರೋಧಕ ವ್ಯವಸ್ಥೆಯನ್ನು ಸಕಾಲದಲ್ಲಿ ಸಿದ್ಧಪಡಿಸುವಲ್ಲಿ ರಾಜ್ಯ ಸರ್ಕಾರ ಸಂಪೂರ್ಣವಾಗಿ ವಿಫಲವಾಗಿದೆ ಎಂಬುದನ್ನು ಇದು ತೋರಿಸುತ್ತದೆ.

                  ಈ ಕೇಂದ್ರವನ್ನು 2019ರ ಫೆಬ್ರವರಿಯಲ್ಲಿ ತಿರುವನಂತಪುರಂನ ಕೈಗಾರಿಕಾ ಅಭಿವೃದ್ಧಿ ನಿಗಮದ ಅಡಿಯಲ್ಲಿರುವ ಲೈಫ್ ಸೈನ್ಸ್ ಪಾರ್ಕ್‍ನಲ್ಲಿ ಸ್ಥಾಪಿಸಲಾಗಿತ್ತು. ಇತರ ರಾಜ್ಯಗಳಿಂದ ವೈರಸ್ ಪರೀಕ್ಷೆಗಳನ್ನು ಸಹ ತೋನಕ್‍ನಲ್ಲಿರುವ ವೈರಾಲಜಿ ಲ್ಯಾಬ್‍ನಲ್ಲಿ ನಡೆಸಬಹುದು ಎಂದು ಘೋಷಿಸಲಾಗಿತ್ತು. ಆದರೆ ಈ ಪ್ರಕಟಣೆ ಮುಖ್ಯಮಂತ್ರಿಯವರ ಫೇಸ್ ಬುಕ್ ಪೋಸ್ಟ್ ಗಷ್ಟೇ ಸೀಮಿತವಾಗಿತ್ತು.

                ಎರಡೂವರೆ ವರ್ಷ ಕಳೆದರೂ ಕೇಂದ್ರದಲ್ಲಿ ವಿಜ್ಞಾನಿಗಳ ನೇಮಕಾತಿ ಪೂರ್ಣಗೊಂಡಿಲ್ಲ. ಪ್ರಯೋಗಾಲಯಗಳ ನಿರ್ಮಾಣವೂ ನಿಂತಿದೆ. ಆದ್ದರಿಂದ ಕೋಝಿಕೋಡ್ ನಲ್ಲಿ ನಿಪ್ಪಾ ವೈರಸ್  ದೃಢೀಕರಿಸಲು ಪುಣೆಯ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿಯನ್ನು ಅವಲಂಬಿಸಬೇಕಾಯಿತು. ಲಕ್ಷಗಳ ವೆಚ್ಚದಲ್ಲಿ ನಿರ್ಮಿಸಲಾದ ಕೇಂದ್ರವು ಮೂಲಭೂತ ಪರೀಕ್ಷೆಗಳನ್ನು ಸಹ ನಡೆಸಲಾಗದ ಸ್ಥಿತಿಯಲ್ಲಿದೆ. ವೈರಾಲಜಿ ಲ್ಯಾಬ್ ಶೀಘ್ರವಾಗಿ ಕಾರ್ಯನಿರ್ವಹಿಸಲು ಪ್ರಾರಂಭಿಸುವ ಅಗತ್ಯವು ಈಗ ಬಲವಾಗುತ್ತಿದೆ. ಹಲವರು ಪ್ರತಿಭಟನೆಗಳಿಗೆ ಜನರು ಮುಂದಾಗುತ್ತಿದ್ದಾರೆ.