ನವದೆಹಲಿ: ಇಲ್ಲೊಂದು ಕಂಪನಿಯು ಸದ್ಯದಲ್ಲೇ 10 ಸಾವಿರಕ್ಕೂ ಅಧಿಕ ಮಹಿಳೆಯರನ್ನು ಉದ್ಯೋಗಕ್ಕೆ ತೆಗೆದುಕೊಳ್ಳಲಿದ್ದು, ಇದು ಬರೀ ಮಹಿಳೆಯರೇ ಇರುವ ವಿಶ್ವದ ಮೊದಲ ಆಟೋಮೋಟಿವ್ ಮ್ಯಾನುಫ್ಯಾಕ್ಚರಿಂಗ್ ಫ್ಯಾಕ್ಟರಿ ಎಂದು ಕೂಡ ಅನಿಸಿಕೊಳ್ಳಲಿದೆ. ಅಂದಹಾಗೆ ಇಂಥದ್ದೊಂದು ಮಹಿಳಾಪ್ರಧಾನ ಫ್ಯಾಕ್ಟರಿಯ ಹೆಸರು ಓಲಾ ಫ್ಯೂಚರ್ ಫ್ಯಾಕ್ಟರಿ.
ಓಲಾ ಇಲೆಕ್ಟ್ರಿಕ್ ಕಂಪನಿಯ ಸಿಎಒ ಹಾಗೂ ಸ್ಥಾಪಕ ಭವಿಷ್ ಅಗರ್ವಾಲ್ ಈ ಕುರಿತು ಘೋಷಿಸಿದ್ದು, ಓಲಾ ಫ್ಯೂಚರ್ ಫ್ಯಾಕ್ಟರಿ ಸಂಪೂರ್ಣವಾಗಿ ಮಹಿಳೆಯರಿಂದಲೇ ನಡೆಯಲಿದೆ ಎಂಬುದನ್ನೂ ಹೇಳಿದ್ದಾರೆ. ಓಲಾ ಇಲೆಕ್ಟ್ರಿಕ್ನ ಓಲಾ ಫ್ಯೂಚರ್ ಫ್ಯಾಕ್ಟರಿಗೆ ಸದ್ಯದಲ್ಲೇ ಹತ್ತು ಸಾವಿರಕ್ಕೂ ಅಧಿಕ ಮಹಿಳೆಯರನ್ನು ಉದ್ಯೋಗಕ್ಕೆ ತೆಗೆದುಕೊಳ್ಳಲಿದ್ದು, ಓಲಾ ಫ್ಯೂಚರ್ ಫ್ಯಾಕ್ಟರಿ ಜಗತ್ತಿನಲ್ಲಿ ಮಹಿಳೆಯರೇ ಇರುವ ಮೊದಲ ಆಟೋಮೋಟಿವ್ ಮ್ಯಾನುಫ್ಯಾಕ್ಚರಿಂಗ್ ಫ್ಯಾಕ್ಟರಿ ಆಗಲಿದೆ ಎಂದಿದ್ದಾರೆ.
ಇದು ಓಲಾದ ಉಪಕ್ರಮಗಳ ಸರಣಿಯಲ್ಲಿ ಇದು ಮೊದಲನೆಯದಾಗಿದ್ದು, ಮಹಿಳೆಯರಿಗೆ ಆರ್ಥಿಕ ಅವಕಾಶ ಹಾಗೂ ಕಾರ್ಯಶಕ್ತಿ ಒದಗಿಸಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅವರು ತಿಳಿಸಿದ್ದಾರೆ. ಸಂಪೂರ್ಣ ಉತ್ಪಾದನೆ ಹಾಗೂ ಪ್ರತಿ ವಾಹನದ ತಯಾರಿಕೆಯಲ್ಲೂ ಮಹಿಳೆಯರು ಕೌಶಲಗಳನ್ನು ರೂಪಿಸಿಕೊಳ್ಳುವಂತೆ ಮಾಡುವ ನಿಟ್ಟಿನಲ್ಲಿ ನಾವು ಗಣನೀಯ ಹೂಡಿಕೆ ಮಾಡಿದ್ದೇವೆ ಎಂದೂ ಹೇಳಿದ್ದಾರೆ.
DOCTYPE html>
