ನವೆಂಬರ್ 1 ರಂದು ರಾಜ್ಯದಲ್ಲಿ ಶಾಲಾ ಪುನರಾರಂಭ: ತರಗತಿಗಳಿಗೆ ಬ್ಯಾಚ್‍ಗಳಲ್ಲಿ ವ್ಯವಸ್ಥೆ ಮಾಡಲು ಮಾರ್ಗಸೂಚಿ: ಮೊದಲ ಬ್ಯಾಚ್ ಸೋಮವಾರದಿಂದ ಬುಧವಾರದವರೆಗೆ ಮತ್ತು ಎರಡನೇ ಬ್ಯಾಚ್ ಗುರುವಾರದಿಂದ ಶನಿವಾರದವರೆಗೆ ತರಗತಿಗಳು; ಮಕ್ಕಳಿಗೆ ಸಂವಹನ ಮಾಡಲು ಅವಕಾಶವಿಲ್ಲ

                                     

               ತಿರುವನಂತಪುರಂ: ರಾಜ್ಯದಲ್ಲಿ ನವೆಂಬರ್ 1 ರಂದು ಶಾಲೆ ಪುನರಾರಂಭಗೊಳ್ಳುವಾಗ  ತರಗತಿಗಳನ್ನು ಬ್ಯಾಚ್‍ಗಳಲ್ಲಿ ವ್ಯವಸ್ಥೆ ಮಾಡುವುದಾಗಿ ಶಿಕ್ಷಣ ಇಲಾಖೆ ಮಾರ್ಗಸೂಚಿಯಲ್ಲಿ ತಿಳಿಸಿದೆ.  ಮೊದಲ ಬ್ಯಾಚ್‍ನ ತರಗತಿಗಳು ಸೋಮವಾರದಿಂದ ಬುಧವಾರದವರೆಗೆ ಮತ್ತು ಎರಡನೇ ಬ್ಯಾಚ್‍ಗೆ ಗುರುವಾರದಿಂದ ಶನಿವಾರದವರೆಗೆ ಇರುತ್ತದೆ. ಎರಡೂ ಬ್ಯಾಚ್‍ಗಳಲ್ಲಿನ ಮಕ್ಕಳನ್ನು ಸಂವಹನ ಮಾಡಲು ಅನುಮತಿಸಲಾಗುವುದಿಲ್ಲ. ಬೆಂಚ್‍ನಲ್ಲಿ ಇಬ್ಬರು ಮಕ್ಕಳು ಮಾತ್ರ ಕುಳಿತಿರಲು ಮಾರ್ಗಸೂಚಿ ಸೂಚಿಸುತ್ತದೆ.

                   ತರಗತಿಗಳು 1-7 ಮತ್ತು  10 ಮತ್ತು 12 ನೇ ತರಗತಿಗಳಿಗೆ ನವೆಂಬರ್ 1 ರಂದು ತೆರೆದಿರುತ್ತವೆ. 8 ಮತ್ತು 9 ನೇ ತರಗತಿಗಳು ನವೆಂಬರ್ 15 ರಿಂದ ತೆರೆಯಲಿವೆ. ವಾರದಲ್ಲಿ ಆರು ದಿನ ತರಗತಿಗಳು ಇರುತ್ತವೆ. ಶನಿವಾರ, ರಜಾ ಇರುವುದಿಲ್ಲ. ಮೊದಲ ಎರಡು ವಾರಗಳಲ್ಲಿ ಮಧ್ಯಾಹ್ನದವರೆಗೆ ಮಾತ್ರ ತರಗತಿಗಳು ನಡೆಯುತ್ತವೆ. ಮಕ್ಕಳು ಶಾಲೆಗೆ ಹಾಜರಾಗಲು ಪೋಷಕರ ಒಪ್ಪಿಗೆ ಕಡ್ಡಾಯವಾಗಿದೆ.

                   ಒಂದು ತರಗತಿಯನ್ನು ಎರಡು ತಂÀಡಗಳಾಗಿ ವಿಂಗಡಿಸಲಾಗುತ್ತದೆ. ಒಂದು ಅವಧಿಯಲ್ಲಿ ಒಟ್ಟು ವಿದ್ಯಾರ್ಥಿಗಳ ಶೇ.50 ಮಂದಿ ಹಾಜರಾಗಬಹುದು. ಒಂದು ಪ್ರದೇಶದ ಮಕ್ಕಳನ್ನು ಒಂದು ಬ್ಯಾಚ್‍ನಲ್ಲಿ ಸೇರಿಸಬೇಕು ಮತ್ತು ಸಾವಿರಕ್ಕಿಂತ ಹೆಚ್ಚು ಮಕ್ಕಳಿರುವ ಶಾಲೆಗಳಲ್ಲಿ ಏಕಕಾಲದಲ್ಲಿ ಒಟ್ಟು ಮಕ್ಕಳ ಸಂಖ್ಯೆಯಲ್ಲಿ ಕೇವಲ 25 ಶ|ಏ. ಮಾತ್ರ ಶಾಲೆಗೆ ಬರಬೇಕು ಎಂದು ಮಾರ್ಗಸೂಚಿಯಲ್ಲಿ ಹೇಳಲಾಗಿದೆ. ಪ್ರತಿ ಬ್ಯಾಚ್ ಸತತ ಮೂರು ದಿನಗಳ ಕಾಲ ಶಾಲೆಗೆ ಹಾಜರಾಗಬೇಕು (ಹೆಚ್ಚು ಮಕ್ಕಳಿರುವ ಶಾಲೆಗಳಲ್ಲಿ ಎರಡು ದಿನಗಳು).

                   ಮಕ್ಕಳು ಕೋವಿಡ್ ಪೀಡಿತರಾಗಿದ್ದರೆ ತರಗತಿಯ ಪ್ರತಿಯೊಬ್ಬರೂ ಕ್ವಾರಂಟೈನ್‍ಗೆ ಹೋಗಬೇಕು. ಪೂರ್ವಭಾವೀ ತಯಾರಿಗೆ ಎಲ್ಲಾ ಶಿಕ್ಷಕರು ಸೋಮವಾರದಿಂದ ಶಾಲೆಯಲ್ಲಿರಬೇಕು ಎಂದು ಸೂಚಿಸಲಾಗಿದೆ.