ಶಾಲೆಯ ಶೌಚಾಲಯದಲ್ಲಿ ಬಾಂಬ್ ಪತ್ತೆ

                              ಕಣ್ಣೂರು: ಶಾಲೆಯೊಂದರ ಶೌಚಾಲಯದಲ್ಲಿ ಬಾಂಬ್ ಪತ್ತೆಯಾದ ಘಟನೆ ನಡೆದಿದೆ. ಕಣ್ಣೂರು ಅರಳಂ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಈ ಘಟನೆ ನಡೆದಿದೆ. ಶೌಚಾಲಯದಲ್ಲಿ ಎರಡು ಸ್ವದೇಶಿ ಬಾಂಬ್‍ಗಳು ಪತ್ತೆಯಾಗಿವೆ.

                         ಶಾಲೆಯ ಸ್ವಚ್ಛತೆಯ ವೇಳೆ ಬಾಂಬ್‍ಗಳು ಪತ್ತೆಯಾಗಿವೆ. ಸ್ಥಳಕ್ಕೆ ಬಾಂಬ್ ಸ್ಕ್ವಾಡ್ ಮತ್ತು ಪೋಲೀಸರು ಆಗಮಿಸಿ ಬಾಂಬ್ ನಿಷ್ಕ್ರಿಯಗೊಳಿಸಿದ್ದಾರೆ. ಘಟನೆಯ ಹಿಂದೆ ದೇಶ ವಿರೋಧಿ ಶಕ್ತಿಗಳ ಕೈವಾಡವಿದೆ ಎಂಬುದು ಪ್ರಾಥಮಿಕ ತನಿಖೆಯಿಂದ ತಿಳಿಯಲಾಗಿದೆ. ಘಟನೆ ಕುರಿತು ತನಿಖೆ ಆರಂಭಿಸಲಾಗಿದೆ.