ಅತ್ಯಂತ ಬಡವರನ್ನು ಗುರುತಿಸಲು ಕಿಲಾದ ನೇತೃತ್ವದಲ್ಲಿ ತರಬೇತಿ

               ಕಾಸರಗೋಡು: ಕೇರಳ ಇಸ್ಟಿಟ್ಯೂಟ್ ಆಫ್ ಲೋಕಲ್ ಅಡ್ಮಿನಿಸ್ಟ್ರೇಶನ್ (ಕಿಲಾ)ದ ನೇತೃತ್ವದಲ್ಲಿ, ಸ್ಥಳೀಯಾಡಳಿತ ಸಂಸ್ಥೆಗಳ ಸಂಪನ್ಮೂಲ ವ್ಯಕ್ತಿಗಳು, ನೋಡಲ್ ಅಧಿಕಾರಿಗಳು ಮತ್ತು ಸಹಾಯಕ ನೋಡಲ್ ಅಧಿಕಾರಿಗಳಿಗೆ ಒಂದು ದಿನದ ತರಬೇತಿಯನ್ನು ನಡೆಯಿತು. ಐದು ವರ್ಷಗಳಲ್ಲಿ ರಾಜ್ಯದ ಬಡತನವನ್ನು ನಿರ್ಮೂಲನೆ ಮಾಡುವ ಸರ್ಕಾರದ ಧ್ಯೇಯದ ಭಾಗವಾಗಿ ವಿವಿಧ ಪಂಚಾಯಿತಿಗಳು ಮತ್ತು ಪುರಸಭೆಗಳ ಪ್ರತಿನಿಧಿಗಳು ಭಾಗವಹಿಸಿದರು. ಆಶ್ರಯ ಯೋಜನೆಯ ವ್ಯಾಪ್ತಿಗೆ ಒಳಪಡಬೇಕಾದ ಆದರೆ ಹಿಂದುಳಿದಿರುವ ಕಡು ಬಡವರನ್ನು ಗುರುತಿಸುವುದು ಮತ್ತು ಯೋಜನೆಗಳನ್ನು ಜಾರಿಗೊಳಿಸುವುದು ಹಾಗೂ ನಿಖರವಾದ ಯೋಜನೆಯ ಮೂಲಕ ಅವರಿಗೆ ತೀವ್ರ ಬಡತನದಿಂದ ಹೊರಬರಲು ಸಹಾಯ ಮಾಡುವುದು ಇದರ ಗುರಿಯಾಗಿದೆ.

                   ಮೊದಲ ಹಂತದಲ್ಲಿ, ಸ್ಥಳೀಯಾಡಳಿತ ಸಂಸ್ಥೆಗಳ ಮಿತಿಯಲ್ಲಿ ವಾಸಿಸುತ್ತಿರುವ ಬಡ ವರ್ಗಗಳಿಗೆ ಸೇರಿದವರನ್ನು ಗುರುತಿಸಿ ಪಟ್ಟಿಯನ್ನು ತಯಾರಿಸಲಾಗುತ್ತದೆ. ಗಣತಿದಾರರು ನಂತರ ಮೊಬೈಲ್ ಆಪ್ ಬಳಸಿ ಪಟ್ಟಿಯಲ್ಲಿರುವವರ ಸಮೀಕ್ಷೆ ನಡೆಸುತ್ತಾರೆ. ಸಾಮಾಜಿಕ ಭಾಗವಹಿಸುವಿಕೆಯನ್ನು ಖಾತ್ರಿಪಡಿಸಲಾಗುವುದು.

                   ಜಿಲ್ಲಾ ಯೋಜನಾ ನಿರ್ದೇಶಕ ಕೆ. ಪ್ರದೀಪನ್ ತರಬೇತಿ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅತ್ಯಂತ ಬಡವರನ್ನು ಹುಡುಕುವ ಪ್ರಾಮುಖ್ಯತೆ ಮತ್ತು ವಿಧಾನದ ಕುರಿತು ಮೊದಲ ತರಗತಿಯನ್ನು ತೆಗೆದುಕೊಂಡರು. ನಂತರ ಕಿಲಾದ ರಾಜ್ಯ ಮಟ್ಟದ ಮಾಸ್ಟರ್ ತರಬೇತುದಾರ ಪಪ್ಪನ್ ಕುಟ್ಟಮಠ, ಅಜಯನ್ ಪನಯಾಲ್, ಸಿ ರಾಜಾರಾಮ್, ಇವಿ ಗಂಗಾಧರನ್, ಹೆಚ್. ಕೃಷ್ಣ ಮತ್ತು ಇತರರು ತರಗತಿ ನಡೆಸಿದರು.