2017 ಮತ್ತು 18ರಲ್ಲಿ ಬಾಡಿಗೆ ಬಸ್‍ಗಳು ನಷ್ಟದಲ್ಲಿ: ಕೆ.ಎಸ್.ಆರ್.ಟಿ.ಸಿ. ಮರು ಬಾಡಿಗೆಗೆ ಕ್ರಮ ಕೈಗೊಂಡಿರುವುದರ ಹಿಂದೆ ಭ್ರಷ್ಟಾಚಾರ: ಬಿಎಂಎಸ್ ಆರೋಪ

                                                 

                    ತಿರುವನಂತಪುರ: ಬಸ್ ಬಾಡಿಗೆಗೆ ಕೆ.ಎಸ್.ಆರ್.ಟಿ.ಸಿ. ಕ್ರಮದ ಹಿಂದೆ ಭಾರಿ ಭ್ರಷ್ಟಾಚಾರದ ಆರೋಪ ಕೇಳಿಬಂದಿದೆ. ಕಾರ್ಮಿಕ ಸಂಘಟನೆಯಾದ ಬಿಎಂಎಸ್ ಈ ಆರೋಪ ಮಾಡಿದೆ.  ಮಹಾರಾಷ್ಟ್ರದ ಎನ್ ಸಿ ಪಿ ನಾಯಕರಿಂದ 2017 ಮತ್ತು 2018 ರಲ್ಲಿ ಬಸ್ ನ್ನು ಬಾಡಿಗೆಗೆ ಪಡೆಯಲಾಗಿದೆ. ಪ್ರಸ್ತುತ ಈ ಬಸ್‍ಗಳು ಭಾರಿ ನಷ್ಟದಲ್ಲಿ ಕಾರ್ಯನಿರ್ವಹಿಸುತ್ತಿವೆ ಎಂದು ಕಾರ್ಮಿಕರು ಹೇಳುತ್ತಾರೆ.

              ಕೆ.ಎಸ್.ಆರ್.ಟಿ.ಸಿ. 250 ಬಸ್‍ಗಳನ್ನು ಬಾಡಿಗೆಗೆ ನೀಡಲು ನಿರ್ಧರಿಸಿದ್ದವು. ಕೆ.ಎಸ್.ಆರ್.ಟಿ.ಸಿ. ಈ ನಿಟ್ಟಿನಲ್ಲಿ ಪ್ರಕ್ರಿಯೆ ಆರಂಭಿಸಿದೆ. ಆದರೆ ಭಾರೀ ಆರ್ಥಿಕ ಬಿಕ್ಕಟ್ಟಿಗೆ ಸಿಲುಕಿರುವ ಕೆ.ಎಸ್.ಆರ್.ಟಿ.ಸಿ.ಯನ್ನು ಮತ್ತಷ್ಟು ದುರ್ಬಲಗೊಳಿಸುವ ಕ್ರಮ ಇದಾಗಿದೆ ಎನ್ನುತ್ತಾರೆ ಕಾರ್ಮಿಕರು. ಈ ಬಸ್ ಬಾಡಿಗೆಯ ಹಿಂದೆ ಭಾರಿ ಭ್ರಷ್ಟಾಚಾರ ನಡೆದಿದೆ ಎಂದು ಕಾರ್ಮಿಕರು ಶಂಕಿಸಿದ್ದಾರೆ.

                   2017 ರಲ್ಲಿ, 10 ಸ್ಕಾನಿಯಾ ಬಸ್‍ಗಳನ್ನು ಎನ್‍ಸಿಪಿ ನಾಯಕ ಬಾಡಿಗೆಗೆ ಪಡೆದರು ಮತ್ತು 2018 ರಲ್ಲಿ 5 ಎಲೆಕ್ಟ್ರಿಕ್ ಬಸ್‍ಗಳನ್ನು ಬಾಡಿಗೆಗೆ ಪಡೆದರು. ರಾಜಕೀಯ ಅಧಿಕಾರಶಾಹಿ ಮಾಫಿಯಾದ ಹಿತಾಸಕ್ತಿಯಿಂದ ಬಾಡಿಗೆ ಬಸ್ ಓಡಿಸಲಾಗುತ್ತಿದೆ ಎಂದು ಆರೋಪಿಸಲಾಗಿದೆ.

                   ಇಲ್ಲಿಯವರೆಗೆ, ಬಾಡಿಗೆ ಬಸ್‍ಗಳ ನಿಖರ ಸಂಖ್ಯೆಯನ್ನು ಖಚಿತಪಡಿಸಿಕೊಳ್ಳಲು ಕೆಎಸ್‍ಆರ್‍ಟಿಸಿಗೆ ಸಾಧ್ಯವಾಗಿಲ್ಲ. ಘಟನೆಯಲ್ಲಿ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಬಿಎಂಎಸ್  ತಿಳಿಸಿದೆ.