ತಿರುವನಂತಪುರ: ರಾಜ್ಯ ಪೋಲೀಸ್ ಮುಖ್ಯಸ್ಥ ಡಿಜಿಪಿ ಅನಿಲ್ ಕಾಂತ್ ಅವರ ಅಧಿಕಾರಾವಧಿಯನ್ನು ವಿಸ್ತರಿಸಲಾಗಿದೆ. ನವೀಕರಣದ ಅವಧಿಯು ಜೂನ್ 30, 2023 ರವರೆಗೆ ಇರುತ್ತದೆ. ಡಿಜಿಪಿಗಳಿಗೆ ಕನಿಷ್ಠ ಎರಡು ವರ್ಷಗಳ ಸೇವಾವಧಿ ನೀಡಬೇಕು ಎಂಬ ಸುಪ್ರೀಂ ಕೋರ್ಟ್ ಆದೇಶದ ಮೇರೆಗೆ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಅದಕ್ಕೂ ಮುನ್ನ ನಿವೃತ್ತರಾದವರು ಸ್ವಯಂ ಪ್ರೇರಿತರಾಗಿ ರಾಜೀನಾಮೆ ನೀಡಬಹುದು.
ಅನಿಲ್ ಕಾಂತ್ ಅವರು ದಲಿತ ಸಮುದಾಯದಿಂದ ರಾಜ್ಯದ ಪೋಲೀಸ್ ಮುಖ್ಯಸ್ಥರಾದ ಮೊದಲ ಅಧಿಕಾರಿಯಾಗಿದ್ದಾರೆ. ಹೊಸದಿಲ್ಲಿ ಮೂಲದ ಇವರು, ದಿಲ್ಲಿ ವಿಶ್ವವಿದ್ಯಾನಿಲಯದಿಂದ ರಾಜ್ಯಶಾಸ್ತ್ರದಲ್ಲಿ ಎಂಎ ಮುಗಿಸಿದ ನಂತರ ನಾಗರಿಕ ಸೇವೆಗೆ ಸೇರಿದವರು. ಎಡಿಜಿಪಿ ಹುದ್ದೆಯಿಂದ ನೇರವಾಗಿ ಪೋಲೀಸ್ ಮುಖ್ಯಸ್ಥರ ಹುದ್ದೆಗೆ ಏರಿದರು.
ಅನಿಲ್ ಕಾಂತ್ 1988ರ ಬ್ಯಾಚ್‍ನ ಐಪಿಎಸ್ ಅಧಿಕಾರಿ. ಅನಿಲ್ ಕಾಂತ್ ಅವರನ್ನು ಜೂನ್ 30, 2021 ರಂದು ಕ್ಯಾಬಿನೆಟ್ ಪೋಲೀಸ್ ಮುಖ್ಯಸ್ಥರನ್ನಾಗಿ ನೇಮಿಸಿತು. ಲೋಕನಾಥ್ ಬೆಹ್ರಾ ಅವರು ನಿವೃತ್ತರಾದಾಗ ಅನಿಲ್ ಕಾಂತ್ ಅವರನ್ನು ಹೊಸ ಪೋಲೀಸ್ ಮುಖ್ಯಸ್ಥರನ್ನಾಗಿ ನೇಮಿಸಲಾಯಿತು.
ಅನಿಲ್ ಕಾಂತ್ ಅವರು ಕೇರಳ ಕೇಡರ್‍ನಲ್ಲಿ ಎಎಸ್‍ಪಿಯಾಗಿ ವಯನಾಡ್ ನಿಂದ ಸೇವೆಯನ್ನು ಪ್ರಾರಂಭಿಸಿದರು ಮತ್ತು ತಿರುವನಂತಪುರ ಗ್ರಾಮಾಂತರ ಮತ್ತು ರೈಲ್ವೆಯಲ್ಲಿ ಎಸ್ಪಿಯಾಗಿ ಕೆಲಸ ಮಾಡಿರುವರು. ನಂತರ ಅವರು ನವದೆಹಲಿ ಮತ್ತು ಶಿಲ್ಲಾಂಗ್‍ನಲ್ಲಿನ ಇಂಟೆಲಿಜೆನ್ಸ್ ಬ್ಯೂರೋದಲ್ಲಿ ಸಹಾಯಕ ನಿರ್ದೇಶಕರಾಗಿದ್ದರು. ಆ ಬಳಿಕ ಅವರು ಕೊಚ್ಚಿ ನಗರ ಪೋಲೀಸ್ ಆಯುಕ್ತರಾಗಿ ಮತ್ತು ಮಲಪ್ಪುರಂ ಮತ್ತು ಎರ್ನಾಕುಳಂ ಅಪರಾಧ ವಿಭಾಗದಲ್ಲಿ ಎಸ್ಪಿಯಾಗಿ ಸೇವೆ ಸಲ್ಲಿಸಿದರು.
DOCTYPE html>
.jpg)
