ಕೆ.ಎಸ್.ಆರ್.ಟಿ.ಸಿ.ಯ ವೇತನ ವಿತರಣೆಗೆ ಸರ್ಕಾರ 60 ಕೋಟಿ ಮಂಜೂರು: ಮಂಗಳವಾರದಿಂದ ವಿತರಣೆ ಆರಂಭ

                                         

                 ತಿರುವನಂತಪುರ: ಕೆ.ಎಸ್.ಆರ್.ಟಿ.ಸಿ. ನೌಕರರಿಗೆ ವೇತನ ವಿತರಣೆಗೆ ಸರ್ಕಾರ 60 ಕೋಟಿ ರೂ. ಮಂಜೂರು ಮಾಡಿದೆ. ಕೆ.ಎಸ್.ಆರ್.ಟಿ.ಸಿ.ಗೆ ಇಂಧನ ವೆಚ್ಚದಲ್ಲಿ ಸುಮಾರು 10 ಕೋಟಿ ರೂ.ಗಳ ಲಾಭದ ಊಹೆಯಲ್ಲಿ ಸರಕಾರ 60 ಕೋಟಿ ರೂ. ಮಂಜೂರು ಮಾಡಿದೆ. ಇನ್ನುಳಿದ 24 ಕೋಟಿ ರೂ.ಗಳನ್ನು ಕೆಎಸ್ ಆರ್ ಟಿಸಿ ನಿಧಿಯಿಂದ ಸೇರಿಸಿ 84 ಕೋಟಿ ರೂ.ಗಳನ್ನು ಮಂಗಳವಾರದಿಂದ ವೇತನವಾಗಿ ವಿತರಿಸಲಾಗುವುದು ಎಂದು ಅಂದಾಜಿಸಲಾಗಿದೆ.

                     ಈ ತಿಂಗಳಿಂದÀ ಕೊರೋನಾ ಅವಧಿಯಲ್ಲಿ ನೌಕರರ ವೇತನದಿಂದ ಸರ್ಕಾರ ಕಡಿತಗೊಳಿಸಿದ 7.20 ಕೋಟಿ ರೂ.ಗಳ ಕೊನೆಯ ಕಂತನ್ನು ಕೆಎಸ್‍ಆರ್‍ಟಿಸಿ ನಿಧಿಯಿಂದ ಪಾವತಿಸಲಾಗಿದೆ. ಇದರೊಂದಿಗೆ ಕೆಎಸ್‍ಆರ್‍ಟಿಸಿಯ ಸ್ವಂತ ನಿಧಿಯಿಂದ ಈ ತಿಂಗಳ ವೇತನಕ್ಕಾಗಿ 31.20 ಕೋಟಿ ರೂ. ನೀಡಲಾಗಿದೆ. ಆದರೆ ಕೆಎಸ್‍ಆರ್‍ಟಿಸಿ ನೌಕರರಿಗೆ ಈ ತಿಂಗಳ ವೇತನ ಇನ್ನೂ ಪಾವತಿಯಾಗಿಲ್ಲ.

               ಅನಿರ್ದಿಷ್ಟಾವಧಿ ಮುಷ್ಕರ ನಡೆಸುವುದಾಗಿ ಹಾಗೂ ಶೀಘ್ರದಲ್ಲಿಯೇ ದಿನಾಂಕ ಪ್ರಕಟಿಸುವುದಾಗಿ ಪ್ರತಿಪಕ್ಷಗಳ ಕಾರ್ಮಿಕ ಸಂಘ ಹೇಳಿದ ಬಳಿಕ ಸರ್ಕಾರ ಹಣ ಬಿಡುಗಡೆ ಮಾಡಿದೆ. ವೇತನ ಪರಿಷ್ಕರಣೆ ವಿಸ್ತರಣೆ ವಿರೋಧಿಸಿ ಇದೇ 5 ಮತ್ತು 6ರಂದು ಕೆಎಸ್‍ಆರ್‍ಟಿಸಿ ನೌಕರರು ಅನಿರ್ದಿಷ್ಟಾವಧಿ ಮುಷ್ಕರ ಆರಂಭಿಸಿದ್ದರು. ಆದರೆ ವೇತನ ಪರಿಷ್ಕರಣೆ ಕುರಿತು ಯಾವುದೇ ನಿರ್ಧಾರ ಅಥವಾ ಚರ್ಚೆ ನಡೆದಿಲ್ಲ. ಬಳಿಕ ಕೆಎಸ್‍ಆರ್‍ಟಿಸಿ ನೌಕರರು ಮುಷ್ಕರವನ್ನು ತೀವ್ರಗೊಳಿಸಲು ಸಿದ್ಧತೆ ನಡೆಸಿದ್ದಾರೆ.