ಮಾನ್ಸನ್ ಮಾವುಂಗಲ್ ಪ್ರಕರಣ; ಪ್ರಾಥಮಿಕ ತನಿಖೆ ಆರಂಭಿಸಲಾಗಿದೆ ಎಂದ ಇಡಿ; ಪ್ರಕರಣವನ್ನು ತಮಾಷೆಯಾಗಿ ನೋಡುವಂತಿಲ್ಲ ಎಂದು ಹೈಕೋರ್ಟ್

                                                        

                       ಕೊಚ್ಚಿ: ಮಾನ್ಸನ್ ಮಾವುಂಗಲ್  ಹಣಕಾಸು ವ್ಯವಹಾರದ ಕುರಿತು ಎನ್ಫೋಸ್ಮೆರ್ಂಟ್ ಪ್ರಾಥಮಿಕ ವಿಚಾರಣೆಯನ್ನು ಪ್ರಾರಂಭಿಸಿದೆ. ಈ ಕುರಿತು ಹೈಕೋರ್ಟ್‍ಗೆ ಮಾಹಿತಿ ನೀಡಲಾಗಿತ್ತು. ಹಣಕಾಸಿನ ಅಕ್ರಮಗಳಿಗೆ ಸಂಬಂಧಿಸಿದ ವಿಷಯಗಳ ಬಗ್ಗೆ ಮಾತ್ರ ತನಿಖೆ ನಡೆಸುವ ಅಧಿಕಾರವಿದೆ ಎಂದು ಇಡಿ ನ್ಯಾಯಾಲಯಕ್ಕೆ ತಿಳಿಸಿದೆ.

                 ಪ್ರಕರಣ ದಾಖಲಿಸಿಕೊಳ್ಳಲು ಪೋಲೀಸರು ವಿಳಂಬ ಮಾಡಿದ್ದರಿಂದ ತನಿಖೆ ಆರಂಭಿಸಲು ವಿಳಂಬವಾಗಿದೆ. ಮಾನ್ಸನ್‍ಗೆ ಸಂಬಂಧಿಸಿದ ಇತರ ಸಮಸ್ಯೆಗಳನ್ನು ಪರಿಶೀಲಿಸಲು ಸಿಬಿಐನಂತಹ ಇತರ ಏಜೆನ್ಸಿಗಳನ್ನು ನೇಮಿಸಬಹುದು. ಇದು ಸೂಕ್ತ ಎಂದು ಇಡಿ ನ್ಯಾಯಾಲಯಕ್ಕೆ ತಿಳಿಸಿದೆ.

               ಮಾನ್ಸನ್‍ಗೆ ಸಂಬಂಧಿಸಿದ ಘಟನೆಗಳನ್ನು ತಮಾಷೆಯಾಗಿ ನೋಡಲಾಗುವುದಿಲ್ಲ ಎಂದು ನ್ಯಾಯಾಲಯವು ತೀರ್ಪು ನೀಡಿದೆ. ಮಾನ್ಸನ್ ಪ್ರಕರಣವು "ಅತ್ಯಂತ ಗಂಭೀರವಾಗಿದೆ" ಎಂದು ಹೇಳಿದ ನ್ಯಾಯಾಲಯವು ಎಡಿಜಿಪಿ ಮತ್ತು ಡಿಜಿಪಿ ವಿರುದ್ಧ ಆರೋಪ ಕಂಡುಬಂದ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ. ನ್ಯಾಯಾಲಯವು ಜಾರಿ ನಿರ್ದೇಶನಾಲಯವನ್ನು ಪ್ರಕರಣದಲ್ಲಿ ಕಕ್ಷಿದಾರರನ್ನಾಗಿ ಸೇರಿಸಿದೆ.

                   ಪ್ರಕರಣದಲ್ಲಿ ವಲಸಿಗ ಉದ್ಯಮಿ ಅನಿತಾ ಪುಲ್ಲಾಯಿಲ್ ಪಾತ್ರದ ಬಗ್ಗೆ ನ್ಯಾಯಾಲಯ ರಾಜ್ಯ ಸರ್ಕಾರವನ್ನು ಕೇಳಿದೆ. ಈ ಬಗ್ಗೆ ಉತ್ತರ ನೀಡುವಂತೆಯೂ ನ್ಯಾಯಾಲಯ ರಾಜ್ಯ ಸರ್ಕಾರಕ್ಕೆ ಸೂಚಿಸಿದೆ.