ಪತ್ತನಂತಿಟ್ಟ: ಶಬರಿಮಲೆಯಲ್ಲಿ ಅರವಣ ಪ್ರಸಾದಕ್ಕೆ ಹಲಾಲ ಬೆಲ್ಲವನ್ನು ಬಳಸುತ್ತಿರುವುದಾಗಿ ಹೇಳಲಾಗಿದೆ. ಹಲಾಲ್ ಮುದ್ರೆಯ ಬೆಲ್ಲದ ಪ್ಯಾಕೆಟ್‌ಗಳು ಶಬರಿಮಲೆಗೆ ಆಗಮಿಸಿವೆ. ಶಬರಿಮಲೆಯಲ್ಲಿ ಖಾಸಗಿ ಕಂಪನಿಗಳಿಂದ ಬೆಲ್ಲ ಖರೀದಿಸಲಾಗುತ್ತದೆ. ಹಲಾಲ್ ಸ್ಟ್ಯಾಂಪ್ ಇರುವ ಹಳೆಯ ಬೆಲ್ಲವನ್ನೂ ದೇವಸ್ವಂ ಮಂಡಳಿ ಮಾರಾಟ ಮಾಡಿದೆ. ಕಳೆದ ವರ್ಷ ಬಳಕೆಯಾಗದೆ ಬಿಟ್ಟ ಬೆಲ್ಲವನ್ನು ನಾಶ ಮಾಡದೆ ಹರಾಜಿನಲ್ಲಿ ಮಾರಾಟ ಮಾಡಲಾಗಿತ್ತು.
ಅರವಣ ಪ್ರಸಾದವಲ್ಲದೆ, ಉಣ್ಣಿಯಪ್ಪಂ ತಯಾರಿಸಲು ಇದೇ ಬೆಲ್ಲವನ್ನು ಬಳಸುತ್ತಾರೆ. ಹಲಾಲ್ ಮುದ್ರೆಯ ಬೆಲ್ಲದ ಪ್ಯಾಕೆಟ್‌ಗಳನ್ನು ಪಂಪಾ ಮತ್ತು ಸನ್ನಿಧಾನದಲ್ಲಿರುವ ಗೋಡೌನ್‌ಗಳಲ್ಲಿ ಸಂಗ್ರಹಿಸಲಾಗಿದೆ. ಬೆಲ್ಲ ಪೂರೈಕೆಯ ಟೆಂಡರ್ ನ್ನು ಖಾಸಗಿ ಕಂಪನಿಗೆ ನೀಡಲಾಗಿದೆ. ಕಳೆದ ವರ್ಷದಂತೆ ಈ ವರ್ಷವೂ ಖಾಸಗಿ ಕಂಪನಿಯೇ ಟೆಂಡರ್ ತೆಗೆದುಕೊಂಡಿದೆ. ತಿರುವಾಂಕೂರು ದೇವಸ್ವಂ ಮಂಡಳಿಯು ಹಳಸಿದ ಬೆಲ್ಲವನ್ನು ಕಳೆದ ವರ್ಷ ಇದೇ ಹರಾಜಿನಲ್ಲಿ ಮಾರಾಟ ಮಾಡಿತ್ತು. ಇದು ಹಲಾಲ್ ಲೇಬಲ್ ಮಾಡಿದ ಬೆಲ್ಲವೂ ಆಗಿತ್ತು. ಹಳೆಯ ಬೆಲ್ಲವನ್ನು ಮಾರಾಟ ಮಾಡದೆ ನಾಶಪಡಿಸಬೇಕು ಎಂಬುದು ಕಾನೂನು.
ಆದರೆ ಅವಧಿ ಮೀರಿದ,ಹಳಸಿದ ಬೆಲ್ಲವನ್ನು ಮಾರಾಟ ಮಾಡಲಾಗುತ್ತಿದೆ. ಇದು ಆಹಾರ ಸುರಕ್ಷತೆ ಸೇರಿದಂತೆ ಇತರೆ ಆಹಾರ ಸುರಕ್ಷಿತ ವಿಧಾನಗಳಿಂದ ಪ್ರಮಾಣೀಕರಿಸಲ್ಪಟ್ಟಿದೆ. ದೇವಸ್ವಂ ಮಂಡಳಿ ಉಳಿಕೆಯಾದ ಹಳೆ ಬೆಲ್ಲವನ್ನು ಕೆಜಿಗೆ 16.30 ರೂ.ಗೆ ಮಾರಾಟ ಮಾಡಿದೆ. 36 ರೂಪಾಯಿಗೆ ಖರೀದಿಸಿದ ಬೆಲ್ಲವಾಗಿತ್ತು. ಪಂಪಾ ಮತ್ತು ಸನ್ನಿಧಾನದಲ್ಲಿರುವ ಗೋಡೌನ್‌ಗಳಲ್ಲಿ ಹಲಾಲ್ ಲೇಬಲ್ ಮಾಡಿದ ಬೆಲ್ಲದ ಪ್ಯಾಕೆಟ್‌ಗಳು ಹರಡಿಕೊಂಡಿವೆ. ಹಲಾಲ್ ಮತ್ತು ಉಗುಳುವಿಕೆಯ ವಿವಾದದ ನಡುವೆ ಸ್ವತಃ ತಿರುವಾಂಕೂರು ದೇವಸ್ವಂ ಮಂಡಳಿ ಅಪ್ಪಂ, ಅರವಣ ಪ್ರಸಾದಗಳನ್ನು ತಯಾರಿಸಲು ಇದೇ ಬೆಲ್ಲವನ್ನು ಬಳಸುತ್ತಿರುವುದು ಪ್ರತಿಭಟನೆಗೆ ಕಾರಣವಾಗುತ್ತಿದೆ.
DOCTYPE html>
.jpg)
