ಪೋಲೀಸರ ವರ್ಚುವಲ್ ಸರತಿಯನ್ನು ಟೀಕಿಸಿದ ಶಬರಿಮಲೆ ದೇವಸ್ಥಾನದ ತಂತ್ರಿ ಕಂಠಾರರ್ ರಾಜೀವರರ್

                                                       

                      ಪತ್ತನಂತಿಟ್ಟ: ಶಬರಿಮಲೆಯ ದರ್ಶನಕ್ಕೆ ದಿನಗಳು ಮಾತ್ರ ಬಾಕಿ ಉಳಿದಿದ್ದು, ನಿಯಂತ್ರಣದ ವಿರುದ್ಧ ದೇವಾಲಯದ ತಂತ್ರಿ ಕಂಠರರ್ ರಾಜೀವರರ್ ಪ್ರತಿಭಟನೆ ವ್ಯಕ್ತಪಡಿಸಿದ್ದಾರೆ. ಪೋಲೀಸರ ವರ್ಚುವಲ್ ಕ್ಯೂ ವ್ಯವಸ್ಥೆಯನ್ನು ತಂತ್ರಿಗಳು ಟೀಕಿಸಿರುವರು. 

                   ಈಗಿನ ಪರಿಪಾಠವೆಂದರೆ ಪೋಲೀಸರು ಮಾತ್ರ ವರ್ಚುವಲ್ ಕ್ಯೂ ನಿಭಾಯಿಸುತ್ತಾರೆ. ಈಗಾಗಲೇ ಈ ವ್ಯವಸ್ಥೆಯನ್ನು ತೆಗೆದುಹಾಕಬೇಕಿತ್ತು. ಬದಲಿಗೆ, ದೇವಸ್ವಂ ಬೋರ್ಡ್ ಮತ್ತು ಪೋಲೀಸರು ವರ್ಚುವಲ್ ಕ್ಯೂ ಅನ್ನು ಅಳವಡಿಸಬೇಕು. ದೇವಸ್ವಂ ಮಂಡಳಿಯೂ ಈಗಿನ ಪದ್ಧತಿಯನ್ನು ವಿರೋಧಿಸುತ್ತಿದೆ. ವರ್ಚುವಲ್ ಕ್ಯೂ ವ್ಯವಸ್ಥೆಯನ್ನು ಬದಲಾಯಿಸುವ ಸಮಯ ಬಂದಿದೆ ಎಂದು ಅವರು ಹೇಳಿದರು. ಶಬರಿಮಲೆಯ ಆದಾಯವು ದೇವಸ್ವಂ ಮಂಡಳಿಯನ್ನು ನಿರ್ವಹಿಸುತ್ತದೆ. ಆದಾಯ ನಷ್ಟವಾದರೆ ಇಡೀ ಮಂಡಳಿ ಮೇಲೆ ಪರಿಣಾಮ ಬೀರಲಿದೆ ಎಂದೂ ತಂತ್ರಿಗಳು ಪ್ರತಿಕ್ರಿಯಿಸಿದ್ದಾರೆ.

               ಏತನ್ಮಧ್ಯೆ, ಪೋಲೀಸರಿಂದ ವರ್ಚುವಲ್ ಕ್ಯೂ ನಿಯಂತ್ರಣವನ್ನು ತೆಗೆದುಹಾಕುವಂತೆ ಕೋರಿ ಹೈಕೋರ್ಟ್‍ನಲ್ಲಿ ಅರ್ಜಿ ವಿಚಾರಣೆಗೆ ಬಾಕಿ ಇದೆ. ವರ್ಚುವಲ್ ಸರತಿ ಬುಕಿಂಗ್ ರದ್ದುಪಡಿಸಲು ಮತ್ತು ಭಕ್ತರಿಗೆ ಸ್ಪಾಟ್ ಬುಕ್ಕಿಂಗ್ ಮಾಡಲು ಕೈಗೊಂಡ ಕ್ರಮಗಳ ಕುರಿತು ಅಫಿಡವಿಟ್ ಸಲ್ಲಿಸುವಂತೆ ನ್ಯಾಯಾಲಯ ನಿನ್ನೆ ಸರ್ಕಾರಕ್ಕೆ ಸೂಚಿಸಿತ್ತು. ಇದರ ಬೆನ್ನಲ್ಲೇ ತಂತ್ರಿಯವರು ಪೋಲೀಸರಿಗೆ ವರ್ಚುವಲ್ ಸರತಿ ನಿಯಂತ್ರಣ ಹಸ್ತಾಂತರದ ವಿರುದ್ಧ ಹರಿಹಾಯ್ದರು.

                 ಶಬರಿಮಲೆಗೆ ನಿರ್ಬಂಧಿತ ಯಾತ್ರೆಗೆ ಪಂದಳಂ ಅರಮನೆ ವಿರೋಧ ವ್ಯಕ್ತಪಡಿಸಿದೆ. ರಾಜ್ಯದಲ್ಲಿ ಬಾರ್‍ಗಳು, ಶಾಲೆಗಳು ಮತ್ತು ಮಾಲ್‍ಗಳನ್ನು ತೆರೆಯಲಾಗಿದ್ದರೂ, ಶಬರಿಮಲೆಯಲ್ಲಿ ಮಾತ್ರ ನಿರ್ಬಂಧಗಳನ್ನು ಸಡಿಲಿಸಿರುವುದನ್ನು ವಿರೋಧಿಸಿ ಪಂದಳಂ ಅರಮನೆಯು ಪ್ರತಿಭಟನೆ ನಡೆಸಿದೆ. ಭಕ್ತರ ಸಂಖ್ಯೆ  ಹೆಚ್ಚಳವಾಗಿದೆ. ಸಾಂಪ್ರದಾಯಿಕ ಆಚರಣೆಗಳನ್ನು ಕೈಬಿಡುವಂತೆ ಸರ್ಕಾರ ಪ್ರೇರೇಪಿಸುತ್ತಿದೆ ಎಂದು ಪಂದಳಂ ಅರಮನೆ ಟೀಕಿಸಿದೆ.