ಶಬರಿಮಲೆ ಭೇಟಿ ನೀಡುವ ಮಕ್ಕಳ ಪ್ರವೇಶಕ್ಕೆ ರಿಯಾಯಿತಿ; ಶಬರಿಮಲೆ ಭೇಟಿ ನೀಡುವ ಮಕ್ಕಳಿಗೆ ಕೊರೊನಾ ಪರೀಕ್ಷೆ ಅಗತ್ಯವಿಲ್ಲ: ಸರ್ಕಾರ

                                                               

                       ಪತ್ತನಂತಿಟ್ಟ: ಶಬರಿಮಲೆಗೆ ಭೇಟಿ ನೀಡುವ ಪುಟ್ಟ ಅಯ್ಯಪ್ಪ ಭಕ್ತರಿಗೆ  ಆರೋಗ್ಯ ಇಲಾಖೆ ರಿಲೀಫ್ ನೀಡಿದೆ. ಇನ್ನು ದೇವಸ್ಥಾನಕ್ಕೆ ಬರುವ ಮಕ್ಕಳಿಗೆ ಕೊರೊನಾ ತಪಾಸಣೆ ಅಗತ್ಯವಿಲ್ಲ. ಕೊರೋನಾ ಮಾನದಂಡಗಳನ್ನು ಅನುಸರಿಸಿ ಮಕ್ಕಳು ಭೇಟಿ ನೀಡಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

                      ಪ್ರಸ್ತುತ, ಆರ್‍ಟಿಪಿಸಿಆರ್ ಪರೀಕ್ಷೆಯ ಫಲಿತಾಂಶವನ್ನು ಹೊಂದಿದ್ದರೆ ಮಾತ್ರ ಮಕ್ಕಳು ಮತ್ತು ವಯಸ್ಕರಿಗೆ ಸನ್ನಿಧಿಗೆ ಪ್ರವೇಶಿಸಲು ಅವಕಾಶವಿದೆ. ಈ ನಿರ್ಧಾರಕ್ಕೆ ವಿನಾಯಿತಿ ಇದೆ. ಸಾಮಾಜಿಕ ಅಂತರ ಕಾಯ್ದುಕೊಂಡು  ಕೊರೊನಾ ಮಾನದಂಡಗಳಿಗೆ ಅನುಗುಣವಾಗಿ ಮಕ್ಕಳನ್ನು ಶಬರಿಮಲೆ ಭೇಟಿಗೆ ಅಧಿಕಾರಿಗಳು ಕಾಳಜಿ ವಹಿಸಬೇಕು ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.

                      ಮಕ್ಕಳನ್ನು ಹೊರತುಪಡಿಸಿ ಎಲ್ಲಾ ಯಾತ್ರಿಕರು ಮತ್ತು ಸಿಬ್ಬಂದಿ ಎರಡು ಡೋಸ್ ಲಸಿಕೆಯನ್ನು ಸ್ವೀಕರಿಸಿದ ಪ್ರಮಾಣಪತ್ರವನ್ನು ಮತ್ತು 72 ಗಂಟೆಗಳ ಒಳಗೆ ತೆಗೆದುಕೊಂಡ ಕೋವಿಡ್ ನೆಗೆಟಿವ್ ಪರೀಕ್ಷೆಯ ಫಲಿತಾಂಶವನ್ನು ಇಟ್ಟುಕೊಳ್ಳಬೇಕು. ಇತರ ಕಾಯಿಲೆ ಇರುವವರು, ಮೂರು ತಿಂಗಳ ಹಿಂದೆ ಕೊರೊನಾ ಬಾಧಿಸಿದವರು ಮತ್ತು ಹೃದಯ ಸಮಸ್ಯೆಯಿಂದ ಬಳಲುತ್ತಿರುವವರು ಶಬರಿಮಲೆಗೆ ಭೇಟಿ ನೀಡದಂತೆ ಆರೋಗ್ಯ ಇಲಾಖೆ ಸೂಚಿಸಿದೆ.