ಸಪ್ಲೈಕೋ ಉತ್ಪನ್ನಗಳು ಇನ್ನು ಮನೆ-ಮನೆಗಳಿಗೆ: ಶೇಕಡಾ 30 ರವರೆಗಿನ ರಿಯಾಯಿತಿಯೊಂದಿಗೆ! ಆನ್‍ಲೈನ್ ಮಾರಾಟದ ರಾಜ್ಯ ಮಟ್ಟದ ಉದ್ಘಾಟನೆ ಮತ್ತು 'ಸಪ್ಲೈ ಕೇರಳ' ಮೊಬೈಲ್ ಅಪ್ಲಿಕೇಶನ್ ಬಿಡುಗಡೆ

                                      

                 ತ್ರಿಶೂರ್: ಸಪ್ಲೈಕೋ ಉತ್ಪನ್ನಗಳು ಇನ್ನು ಮನೆಗಳಿಗೆ ತಲುಪಲಿವೆ. ಅದೂ ಕೂಡ ಶೇಕಡಾ 30 ರವರೆಗಿನ ರಿಯಾಯಿತಿಯೊಂದಿಗೆ. ಆನ್‍ಲೈನ್ ಮಾರಾಟದ ರಾಜ್ಯ ಮಟ್ಟದ ಉದ್ಘಾಟನೆ ಮತ್ತು 'ಸಪ್ಲೈ ಕೇರಳ' ಮೊಬೈಲ್ ಆಪ್ ಬಿಡುಗಡೆ ಕಾರ್ಯಕ್ರಮ ಶನಿವಾರ ತ್ರಿಶೂರ್‍ನಲ್ಲಿ ನಡೆಯಿತು.

                     ಸಪ್ಲೈಕೋ ಮೊದಲ ಹಂತದ ಹೋಮ್ ಡೆಲಿವರಿಯನ್ನು ತ್ರಿಶೂರ್‍ನ ಮೂರು ಮಳಿಗೆಗಳಲ್ಲಿ ಪ್ರಾಯೋಗಿಕ ಆಧಾರದ ಮೇಲೆ ಪ್ರಾರಂಭಿಸಿದೆ. 

                 ಎರಡನೇ ಹಂತವು ಜನವರಿ 1, 2022 ರಂದು ಎಲ್ಲಾ ಕಾಪೆರ್Çರೇಷನ್ ಪ್ರಧಾನ ಕಚೇರಿಗಳು ಮತ್ತು ಸೂಪರ್ಮಾರ್ಕೆಟ್ ಗಳಲ್ಲಿ ಪ್ರಾರಂಭವಾಗುತ್ತದೆ. ಫೆ.1ರಿಂದ ಜಿಲ್ಲಾ ಮಟ್ಟದಲ್ಲಿರುವ ಸೂಪರ್ ಮಾರ್ಕೆಟ್ ಗಳಲ್ಲಿ ಮೂರನೇ ಹಂತ ಜಾರಿಯಾಗಲಿದ್ದು, ಲೋಪದೋಷಗಳನ್ನು ಸರಿಪಡಿಸಲಾಗುವುದು.ಮಾರ್ಚ್ 31ರ ಮೊದಲು ಕೇರಳದ ಎಲ್ಲ ಸೂಪರ್ ಮಾರ್ಕೆಟ್ ಗಳಲ್ಲಿ ನಾಲ್ಕನೇ ಹಂತ ಜಾರಿಯಾಗಲಿದೆ.

                 ಗ್ರಾಹಕರಿಗೂ ಆಕರ್ಷಕ ಕೊಡುಗೆಗಳನ್ನು ನೀಡಲಾಗುವುದು. ಆನ್‍ಲೈನ್ ಬಿಲ್‍ಗಳಲ್ಲಿ ಶೇಕಡಾ ಐದು ರಿಯಾಯಿತಿ ಇರುತ್ತದೆ. 1,000 ಕ್ಕಿಂತ ಹೆಚ್ಚಿನ ಬಿಲ್‍ಗೆ ಒಂದು ಕಿಲೋ ಶಬರಿ ಚುಕ್ಕಿ ಗೋಧಿಹುಡಿಯನ್ನು ಶೇಕಡಾ ಐದರಷ್ಟು ರಿಯಾಯಿತಿಯೊಂದಿಗೆ ನೀಡಲಾಗುತ್ತದೆ. 2,000 ಕ್ಕಿಂತ ಹೆಚ್ಚಿನ ಬಿಲ್‍ಗಳಿಗೆ 250 ಗ್ರಾಂ ಜಾರ್ ಶಬರಿ ಗೋಲ್ಡ್ ಟೀ ಪುಡಿಯನ್ನು ಶೇಕಡಾ 5 ರಷ್ಟು ರಿಯಾಯಿತಿಯೊಂದಿಗೆ ನೀಡಲಾಗುತ್ತದೆ. 5,000 ರೂ.ಗಿಂತ ಹೆಚ್ಚಿನ ಬಿಲ್‍ಗಳಿಗೆ ಒಂದು ಲೀಟರ್ ಶಬರಿ ಕೊಬ್ಬರಿ ಎಣ್ಣೆಯ ಜೊತೆಗೆ ಶೇಕಡಾ ಐದರಷ್ಟು ರಿಯಾಯಿತಿ ನೀಡಲಾಗುವುದು.

                 ಯೋಜನೆಯು ಕೇರಳದ 500 ಕ್ಕೂ ಹೆಚ್ಚು ಸಪ್ಲೈಕೋ ಸೂಪರ್‍ಮಾರ್ಕೆಟ್‍ಗಳ 10 ಕಿಮೀ ವ್ಯಾಪ್ತಿಯೊಳಗೆ ಮನೆಗೆ ತಲುಪಿಸುವ ಗುರಿಯನ್ನು ಹೊಂದಿದೆ. 4 ಕಿಮೀ ಒಳಗೆ 5 ಕೆಜಿ ತೂಕದ ಆರ್ಡರ್ ನ್ನು ಆರ್ಡರ್ ಮಾಡಲು ಕನಿಷ್ಠ 35 ರೂ ಮತ್ತು ಜಿಎಸ್ಟಿ ವೆಚ್ಚ ಬಾಧಕವಾಗುತ್ತದೆ. ಆದಾಗ್ಯೂ, ಹೆಚ್ಚುವರಿ ದೂರ ಮತ್ತು ತೂಕದ ಪ್ರಕಾರ ಪೂರೈಕೆ ದರವು ಹೆಚ್ಚಾಗುತ್ತದೆ.

                ಸಪ್ಲೈಕೋದಲ್ಲಿ ಆನ್‍ಲೈನ್ ಮಾರ್ಕೆಟಿಂಗ್ ಅಳವಡಿಕೆ ಮೂಲಕ ಕೇರಳದ 14 ಜಿಲ್ಲೆಗಳ ಗ್ರಾಹಕರಿಗೆ ಸುಲಭವಾಗಿ, ತ್ವರಿತವಾಗಿ ಮತ್ತು ಕೈಗೆಟಕುವ ದರದಲ್ಲಿ ಸಪ್ಲೈಕೋ ಉತ್ಪನ್ನಗಳು ಲಭ್ಯವಾಗುವಂತೆ ಸಪ್ಲೈಕೋ ಗುರಿ ಹೊಂದಿದೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದರು.